यशैया 7:16 - नेवाः बाइबल

¹⁶ व मचां मभिंयात त्‍वःतेगु व भिंयात ल्‍यय्‌गु सी न्‍ह्यः हे छन्‍त ख्‍याच्‍वः बीपिं निम्‍ह जुजुया देय् झिजांमिजां जुइ।

यशैया 7:16 Referans Kwoze

यशैया 8:4

मचां ‘जिमि अबु’ व ‘जिमि मां’ धाये सय्‌के न्‍ह्यः हे दमस्‍कसया फुक्‍क धन व सामरियाय् लुतय् यानाहःगु सामान अश्‍शूरया जुजुं यंकी।”

व्‍यवस्‍था 1:39

छिमिसं ज्‍वना यंकी धकाः धाःपिं भिं व मभिं मस्‍युनिपिं छिमि मचाखाचात धाःसा अन दुहां वनी। जिं व देश इमित बी अले इमिसं हे उकियात अधिकार याइ।

योना 4:11

धासेंलि अपाय्‌मछि तःधंगु छगू लाख व निइद्वलं मयाक छुं मस्‍यूपिं मस्‍त व अल्‍याख पशु दुगु निनवे शहर खनाः जि नुगः मछिं मजुइ ला?”

होशे 5:9

न्‍याय जुइगु दिनय् एफ्राइम झिजांमिजां जुइ। गुगु खँ धात्‍थें जुइ, व इस्राएलया कुलया दथुइ जिं घोषणा याये।

यशैया 9:11

तर परमप्रभुं इमिगु विरोधय् रसीनया शत्रुतय्‌त बल्‍लाकादीगु दु, अले इमि शत्रुतय्‌त ग्‍वाकादीगु दु।

२ राजा 16:9

वयागु खँ न्‍यनाः अश्‍शूरया जुजुं दमस्‍कसय् हमला यात। उकियात त्‍याका काल। वं अन च्‍वंपिं मनूतय्‌त ज्‍वनाः कीरय् यंकल। अले रसीनयात स्‍यात।

यशैया 8:14

वय्‌कः हे छ च्‍वनेगु थाय् जुयादी, तर इस्राएलया निगुलिं घराना निंतिं वय्‌कः छग्‍वः ल्‍वहं जुयादी। अले मनूत व हे ल्‍वहँतय् लुफिं हानाः क्‍वःदइ। व इमिगु निंतिं तक्‍यनीगु जाः थें खः।

यर्मिया 7:15

जिं छिमि थःथितिपिं इस्राएलया मनूतय्‌त पितिनाछ्वयागु थें छिमित जिगु न्‍ह्यःनं पितिनाछ्वये।’”

होशे 5:3

जिं एफ्राइमया बारे फुक्‍कं खँ स्‍यू, इस्राएल जिपाखें सुलाच्‍वंगु मदु। अय् एफ्राइम छं वेश्‍या ज्‍या यानाच्‍वंगु दु। इस्राएलं थःत हे अशुद्ध याःगु दु।