यशैया 6:4 - नेवाः बाइबल

⁴ इमिगु सलं लुखात व जगत सनाच्‍वंगु दु। अले देगः कुँ जायाच्‍वंगु दु।

यशैया 6:4 Referans Kwoze

प्रकाश 15:8

परमेश्‍वरयागु महिमा, हनाबना व शक्तिं पिहां वयाच्‍वंगु कुं देगः छगलं जाल। न्‍हय्‌म्‍ह स्‍वर्गदूततय्‌सं छ्वयाहःगु न्‍हय्‌गू महामारी सिमधःतले अन सुं नं दुहां वनेमफु।

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

इजकिएल 10:5

करूबतय्‌गु पपूया सः पिनेया चुकय् तक ताये दु। व सः दक्‍व शक्ति दुम्‍ह परमेश्‍वर नवानादीबलय् ताये दइगु सः थें च्‍वं।

२ इतिहास 5:13

तुरही पुइपिं व म्‍ये हालीपिन्‍सं छसलं परमप्रभुया प्रशंसा यात अले वय्‌कःयात सुभाय् बिल। इमिसं तुरही, भुस्‍याः व मेमेगु बाजंनापं परमप्रभुया प्रशंसा थुकथं तसलं यात, “धात्‍थें वय्‌कः भिंम्‍ह खः, वय्‌कःया दयामाया सदां दयाच्‍वनी।” अबलय् परमप्रभुया देगःयात सुपाचं त्‍वपुल।

प्रस्‍थान 40:34

अले नापलायेगु पालयात सुपाँचं त्‍वपुल, व परमप्रभुयागु महिमां पवित्र पाल जाल।

आमोस 9:1

जि प्रभुयात वेदीनापं दनाच्‍वंगु खना, वय्‌कलं धयादी – “देगःया थांया च्‍वका च्‍वकाय् तसकं दा अले दक्‍व जग हे सनेमा। व त्‍वदुलाः कुतुं वयाः दक्‍व मनूतय्‌गु छेनय् लायेमा अले ल्‍यंदनिपिन्‍त धाःसा जिं तरवारं स्‍यानाबी। छम्‍ह नं बिस्‍युं वने फइ मखु, छम्‍ह नं बचय् जुइ फइ मखु।

भजनसंग्रहया सफू 18:8

वय्‌कःया न्‍हाय्‌प्‍वालं कुँत्‍याः पिहां वल। वय्‌कःया म्‍हुतुप्‍वालं भस्‍म याइगु मित्‍याः व च्‍यानाच्‍वंगु कोइला पिहां वल।

इजकिएल 1:24

इपिं वंबलय् इमिगु पपूया सः यक्‍व लःया सः, दकलय् तःधंम्‍हय्‌सिगु सः, सेनाया हलचलयागु सः थें जिं ताया। इपिं झ्‍वातां दनीबलय् इमिसं थथःगु पपू क्‍वय् क्‍वकाइगु।

इजकिएल 41:16

अले उपिं स्‍वंगूयागु हे प्‍यखेरं दुगु लुखाखलुइ, चिब्‍यागु ग्‍वाखंत व बार्दलीत, लुखाखलुया दुने व पिनेया फुक्‍क ज्‍वलं, सिं हिनातःगु दु।

इजकिएल 44:4

अनंलि उम्‍ह मनुखं जितः देगःया न्‍ह्यःनेपाखे उत्तरयागु मू ध्‍वाखां देगःया दुनेया चुकय् यंकल। जिं स्‍वयाबलय् परमप्रभुया देगः वय्‌कःया महिमां जाःगु खना। जि बँय् भ्‍वसुला।