यशैया 59:1 - नेवाः बाइबल

¹ धात्‍थें हे परमप्रभुया ल्‍हाः बचय् याये मफय्‌क चिहाकः जूगु मदु, अले वय्‌कःया न्‍हाय्‌पं नं तायेमदय्‌क ख्‍वातुसे च्‍वंगु मदु।

यशैया 59:1 Referans Kwoze

यर्मिया 32:17

“हे परमप्रभु परमेश्‍वर, छिं थःगु शक्ति व ताहाकःगु ल्‍हातं आकाश व पृथ्‍वी दय्‌कादिल। छिगु निंतिं छुं नं थाकु मजू।

यशैया 50:2

छाय् जि वयाबलय् छम्‍ह नं मनूत अन मदुगु? जिं सःताबलय् लिसः बीत छाय् अन छम्‍ह नं मदुगु? छु जिगु ल्‍हाः छिमित त्‍वःतके मफय्‌क चीहाक जूगु दु ला? छु उद्धार यायेत जिके शक्ति मगाःमचाः जूगु दु ला? जिगु म्‍हुतुं न्‍ववायेबलय् समुद्र गंगु बँ जुइ। अले खुसित मरुभूमिइ हिली। अन लः मदयाः न्‍यात ध्‍वग्‍गी अले फ्‍यार फ्‍यार मिनाः सी।

गन्‍ती 11:23

परमप्रभुं मोशायात लिसः बियादिल, “छु जिगु शक्ति कम जूगु दु ला? छं आः थत्‍थें हे जिं धयागु खँ जुइ कि मजुइ धकाः स्‍वये खनी।”

यशैया 65:24

इमिसं प्रार्थना याये न्‍ह्यः हे जिं लिसः बी। इमिसं धया च्‍वँच्‍वं हे जिं इमिगु खँ न्‍यने।

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।

मत्ती 13:15

छाय्‌धाःसा छिमिगु नुगः क्‍वय् धुंकल, न्‍हाय्‌पं ख्‍वातुइ धुंकल, अले छिमिसं मिखा तिस्‍सी धुंकल। मखुसा ला छिमिगु न्‍हाय्‌पनं ताये माःगु खः, मिखां खने माःगु खः, नुगलं ध्‍वाथुइका काये माःगु खः। छिपिं पापं लिचिलाः जिथाय् लिफः स्‍वया वये माःगु खः, अले जिं छिमित लाय्‌काबीगु खः।’

उत्‍पत्ति 18:14

परमप्रभुया लागि थाकुगु धयागु छु दु? जि दच्‍छि लिपा जिं धयागु इलय् छन्‍थाय् लिहां वये। उबलय् साराया काय् दये धुंकी।”

यशैया 58:9

अले छिमिसं प्रार्थना याइ, परमप्रभुं लिसः बियादी। छिमिसं ग्‍वाहालिया निंतिं बिन्‍ति याइ अले वय्‌कलं धयादी, ‘जि थन हे दु’। “छुं जुयाः छिमिसं थःपिनिगु दथुं मेपिन्‍त क्‍वत्‍यलेगु त्‍वःतल, मेपिन्‍त पतिंचां सुया क्‍यनेगु व मभिंगु खँ ल्‍हायेगु त्‍वःतल,

यशैया 6:10

अनंलि वय्‌कलं जितः धयादिल, छं थुपिं मनूतय्‌गु नुगः छाकाब्‍यु, इमिगु न्‍हाय्‌पं ख्‍वाँय् यानाब्‍यु, अले इमिगु मिखा कां यानाब्‍यु, मखुसा इमिसं मिखां खनी, न्‍हाय्‌पनं ताइ अले न्‍यना, सीकि थुइकी थुकथं इमिगु ल्‍वये लनाः जिपाखे लिहां वइ।”

यशैया 63:1

एदोमपाखें व बोज्रापाखें ह्याउँसे च्‍वंगु वसः पुनावःम्‍ह सु खः? झःझः धाःगु वसः पुनाः अले थःगु तःधंगु शक्तिं वयाच्‍वंम्‍ह सु खः? “धार्मिकतां न्‍ववाइम्‍ह व बचय् यायेत तसकं शक्ति दुम्‍ह जि हे खः।”

यर्मिया 14:9

छाय् छि अजू चाःम्‍ह मनू थें जुयादीयागु? छाय् बचय् याये मफइम्‍ह बल मदुम्‍ह सिपाइँ थें जुयादियागु? हे परमप्रभु छि जिपिंनापं दी। जिमित छिकपिनि हे मनूत धाइ, जिमित त्‍वःतादी मते!

इजकिएल 8:18

उकिं जिं नं इपिंलिसें तंमय्‌ ज्‍या याये। जिं इमित भचा नं दया याये मखु, त्‍वःते नं मखु। जिगु न्‍हाय्‌पनय् चिल्‍लाय् दनाः हाःसां जिं इमिगु खँ न्‍यने मखु।”

मीका 2:7

हे याकूबया घराना, थथे धायेमाःगु खः ला? “परमप्रभुया आत्‍मा तंचायादीगु दु ला? वय्‌कलं थज्‍याःगु ज्‍या यानादी ला?” “तप्‍यंगु लँपुइ जुइपिन्‍त छु जिगु वचनं भिं मयाइ ला?

१ शमूएल 4:3

लडाइँलय् बचय्‌जूपिं सिपाइँत लिहांवये धुंकाः इस्राएलया थकालितय्‌त धाल, “थौं झीत परमप्रभुं छाय् पलिश्‍तीतय्‌पाखें बुकादीगु? वय्‌कः झीपिं नापं हे झायादीमा अले झी शत्रुतय्‌गु ल्‍हातं झीत बचय् यानादीमा धकाः परमप्रभुया बाचाया सनू शीलोपाखें हयेनु।”

१ शमूएल 8:18

व ई वइबलय् छिमिसं ल्‍यःम्‍ह जुजुपाखें छुत्‍काराया निंतिं तसकं हाली। अथेसां व दिनय् परमप्रभुं छिमित लिसः बियादी मखु।”

भजनसंग्रहया सफू 94:9

छिमित न्‍हाय्‌पं ब्‍यूम्‍हय्‌सिनं मताइ ला? छिमित मिखा ब्‍यूम्‍हय्‌सिनं मखनी ला?

यशैया 50:1

परमप्रभुं थथे धयादी, “जिं छिमि मांयात पारपाचुकेगु पौ बियाः तापाक मछ्वया! अले जिं छन्‍त गुम्‍हं साहुया ल्‍हातय् ममिया! तर स्‍व, छिमिगु हे पापं यानाः छिपिं मियाछ्वःगु खः, अले छिमिगु हे मभिंगु ज्‍याया कारणं छिमि मांयात तापाक छ्वःगु खः।