यशैया 53:3 - नेवाः बाइबल

³ वयात मनूतय्‌सं हेला यानाः मयय्‌कल, व दुःखय् लाःम्‍ह मनू खः, वं दुःख बांलाक स्‍यू। व खनाः मनूतय्‌सं थःगु ख्‍वाः फहीकीगु। वयात हेला यात, झीसं वयात छुं मू वंम्‍ह मतायेका।

यशैया 53:3 Referans Kwoze

मत्ती 26:67

इमिसं वय्‌कःयागु ख्‍वालय् थुकलं बिल, दाल। अले गुलिसिनं ला न्‍यतालय् दायाः

यशैया 53:10

वयात दुःखकष्‍ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।

यशैया 49:7

शासकतय् दासयात, सुयात जाति जातितय्‌सं तसकं घृणा याइ, परमप्रभु, उद्धार यानादीम्‍ह व इस्राएलया पवित्र परमेश्‍वरं थथे धयादी, “जुजुतय्‌सं छन्‍त खनी अले इपिं छन्‍थाय् न्‍ह्यःने दं वइ। छन्‍त शासकतय्‌सं नं खनी अले छंगु न्‍ह्यःने भ्‍वसू वइ। छाय्‌धाःसा परमप्रभु विश्‍वास याये बहःम्‍ह इस्राएलया पवित्र परमेश्‍वरं छन्‍त ल्‍ययादीगु दु।”

मर्कूस 14:34

वय्‌कलं इमित धयादिल – “नुगः हीसे च्‍वनाः जिगु छाति हे तज्‍याइ थें च्‍वनाच्‍वन। छिपिं मद्यंसे थन हे च्‍वनाच्‍वँ।”

यशैया 53:4

धात्‍थें वं झीगु ल्‍वय्‌त क्‍वबिल, अले झीगु कष्‍ट फयादिल, अय्‌नं झीसं वयात परमेश्‍वरं सजाँय ब्‍यूम्‍ह, व दुःखकष्‍टय् लाःम्‍ह तायेका।

हिब्रू 5:7

संसारय् दीबलय् हे येशूं मिखाय् ख्‍वबि हाय्‌काः थःत हानं म्‍वाका दीम्‍हय्‌सित बिन्‍ति व प्रार्थना यानादिल। वय्‌कः क्‍वमिलुम्‍ह जूगुलिं व बाःयात दुनुगलंनिसें मानय् यानादीम्‍ह जूगुलिं वय्‌कःयागु बिन्‍ति व प्रार्थना परमेश्‍वरं न्‍यनादिल।

यशैया 50:6

जि फमहिला, तर जिगु दाह्री पुइपिन्‍त धाःसा थःगु ख्‍वाः इपिंपाखे स्‍वकाबिया। गिजय् यायेगु व थुकलं बीगुपाखें जिं थःगु ख्‍वाः फस्‍वय्‌कागु मदु।

हिब्रू 4:15

झी दकलय् तःधंम्‍ह पुजाहारी झी बमलाइबलय् छुं याये मफुम्‍ह मखु, बरु झीत थें वय्‌कःयात नं फुक्‍क खँय् शैतानं जाँचय् यात, अय्‌सां वय्‌कलं पाप यानामदी।

लूका 9:22

हानं धयादिल – “मनूया काय्‌नं यक्‍व हे दुःख सी मानि। थकालिपिं, तःधंपिं पुजाहारीत, व शास्‍त्रीतय्‌सं वयात मानय् याइ मखु, बरु वयात स्‍याइ, स्‍वन्‍हु लिपा व हानं म्‍वाना वइ।”

लूका 16:14

धिबा जक दुसा गाःपिं फरिसीतय्‌सं वय्‌कलं धयादीगु खँ न्‍यनाः वय्‌कःयात गिजय् यात।

लूका 8:53

थ्‍व न्‍यनाः इमिसं वय्‌कःयात गिजय् यात, छाय्‌धाःसा इमिसं मचा सीगु हे खः धकाः बांलाक सी धुंकल।

मर्कूस 15:19

न्‍हाय्‌पं कथिं छेनय् दायाः थुकलं बियाः इमिसं वय्‌कःयात भागि यात।

मर्कूस 9:12

वय्‌कलं धयादिल – “खः, एलिया निं न्‍हापालाक वयाः फुक्‍कं मिलय् याइ। मनूया काय्‌नं यक्‍व दुःखकष्‍ट सियाः हेला याका च्‍वनेमाली धकाः छाय् धर्मशास्‍त्रय् च्‍वयातःगु?

यूहन्‍ना 11:35

येशू ख्‍वयादिल।

यूहन्‍ना 8:48

अले यहूदी नायःतय्‌सं वय्‌कःयात धाल – “छ सामरी खः, अले छंके भूत दुबिनाच्‍वंगु दु धकाः जिमिसं धयागु धात्‍थें हे खः।”

मत्ती 27:63

थथे धाल – “हजुर, व ध्‍वंलाइम्‍हं म्‍वानाच्‍वंबलय् – ‘सिनाः स्‍वन्‍हु दय्‌काः हानं म्‍वाना वये’ धकाः धाःगु जिमि अज्‍ज लुमंनि।

मीका 5:1

हे यक्‍व सिपाइँत दुगु शहर, छंगु सिपाइँतय्‌त मुंकि, छाय्‌धाःसा झीत घेरय् याःगु दु। इमिसं इस्राएलया शासकयात कथिं न्‍यतालय् दाइ।

जकरिया 11:8

जिं लच्‍छिया दुने स्‍वम्‍ह फैजवाःतय्‌त पितिनाछ्वया। अले उगु फैबथानं जितः मयय्‌कल। जितः इपिं खनाः वाक्‍क वल।

व्‍यवस्‍था 32:15

यशूरून बांलाक नयेत्‍वने दयाः तसकं ल्‍ह्वनावल। अले इमिसं थःपिन्‍त सृष्‍टि यानादीम्‍ह परमेश्‍वर, बल्‍लाःम्‍ह रक्षकयात त्‍वःताहल।

लूका 19:41

यरूशलेमया न्‍ह्यःने थ्‍यंकः झाःबलय् शहरयात खनाः वय्‌कलं ख्‍वयाः धयादिल –

भजनसंग्रहया सफू 69:29

तर जि ला दुःखय् लानाच्‍वंगु दु, अले जितः सास्‍ती जुयाच्‍वंगु दु। हे परमेश्‍वर, जितः थःगु शक्तिं बचय् यानादिसँ।

मर्कूस 10:33

“न्‍यँ, झीपिं यरूशलेमय् वनाच्‍वनागु दु। अन मनूया काय्‌यात ज्‍वनाः तःधंपिं पुजाहारीत व शास्‍त्रीतय्‌गु ल्‍हातिइ लःल्‍हानाबी। इमिसं वयात स्‍याये हे माः धकाः धाइ। अले वयात यहूदीमखुपिनिगु ल्‍हातय् लःल्‍हानाबी।

मर्कूस 10:34

इमिसं वयात यंकाः गिजय् याइ, थुकलं बी, कोर्रां दाइ, अले स्‍यानाछ्वइ। अय्‌सां स्‍वन्‍हु दय्‌काः व म्‍वाना वइ।”

यशैया 52:14

गथे व खनाः यक्‍व मनूत गजब जुल वयागु रूप म्‍हसीके हे मफय्‌क व वयागु रूप मनूया स्‍वयाः नं अप्‍वः स्‍यंगु खः,

भजनसंग्रहया सफू 88:4

सीत्‍यःम्‍ह मनू थें जि जूगु दु। बल हे मदुम्‍ह मनू थें जि जूगु दु।