यशैया 53:1 - नेवाः बाइबल

¹ झीगु बुखँय् सुनां विश्‍वास याःगु दु? परमप्रभुया बल्‍लाःगु ल्‍हाःया शक्ति सुयात क्‍यन?

यशैया 53:1 Referans Kwoze

यूहन्‍ना 12:38

यशैया अगमवक्तां धयाथकूगु खँ सत्‍य जुइत थथे जूगु खः – “हे परमप्रभु, जिमिगु खँ सुनानं विश्‍वास मयाः। परमप्रभुं यानादीगु तःधंगु अजू चायापुगु ज्‍या खंसां विश्‍वास मयाः।”

१ कोरिन्‍थी 1:18

परमेश्‍वरयात म्‍हमस्‍यूपिं मनूतय्‌त ला ख्रीष्‍ट क्रूसय् सिनादिल धयागु खँ मूर्ख खँ खः। झी बचय् यानातःपिन्‍त ला ख्रीष्‍ट क्रूसय् सिनादीगु खँ परमेश्‍वरयागु शक्ति खः।

यूहन्‍ना 1:12

वय्‌कःयात ग्रहण यानाः विश्‍वास याःपिन्‍त धाःसा परमेश्‍वरया सन्‍तान जुइगु हक बियादिल।

मत्ती 16:17

वय्‌कलं वयात धयादिल – “योनाया काय् सिमोन, छ धन्‍य खः, छाय्‌धाःसा छं थ्‍व खँ मनूतय्‌पाखें सय्‌काः धाःगु मखु, बरु स्‍वर्गय् च्‍वनादीम्‍ह जिमि बाःनं हे छन्‍त थ्‍व खँ धाय्‌कादीगु खः।

मत्ती 11:25

अबलय् येशूं धयादिल – “हे परमेश्‍वर बाः, स्‍वर्ग व पृथ्‍वीया प्रभु, जिं छितः सुभाय् बी, छाय्‌धाःसा छिं थ्‍व खँ सःस्‍यू व थू धाइपिन्‍त न्‍यंका मदिसे छुं मस्‍यूपिं मस्‍तय्‌त न्‍यंकादिल।

१ कोरिन्‍थी 1:24

थथे खःसां परमेश्‍वरं सःताःदीपिं यहूदीतय्‌त व यहूदीमखुपिन्‍त नं ख्रीष्‍ट हे परमेश्‍वरयागु शक्ति व बुद्धि खः।

यशैया 40:5

अनंलि परमप्रभुया महिमा खने दइ, संसारया फुक्‍क मनूतय्‌सं छक्‍वलं व खनी, छाय्‌धाःसा परमप्रभुया म्‍हुतुं हे थथे धयादीगु खः।”

यशैया 52:10

फुक्‍क जातितय्‌त परमप्रभुं थःगु पवित्र ल्‍हाःया शक्ति क्‍यनादीगु दु। पृथ्‍वीया कुंकुलामय् च्‍वंपिन्‍सं नं झी परमेश्‍वरया उद्धार खनी।

यशैया 51:9

छुं यानादिसँ! हे परमप्रभु, जिमित ग्‍वाहालि यानादिसँ, अले थःगु शक्ति छ्यलाः जिमित बचय् यानादिसँ, पुलांगु इलय् थें अले न्‍हापाया पुस्‍तातय्‌गु इलय् थें छुं यानादिसँ। छु छि व हे मखु ला, गुम्‍हय्‌सिनं समुद्रया अजिङ्‌गर राहाबयात कुचा कुचा थलादिल अले व अजिङ्‌गरयात सुयाबिल।

यूहन्‍ना 1:7

थ्‍व मनू जःयागु खँ थः हे साक्षी जुयाः फुक्‍कसितं कनाः विश्‍वास याकेत वःम्‍ह खः।

यशैया 62:8

परमप्रभुं थःगु जव ल्‍हातं अले थःगु दक्‍वसिबय् बल्‍लाःगु ल्‍हातं पाफयादीगु दु, “जिं हाकनं गुबलें छंगु अन्‍न छिमि शत्रुतय्‌त नयेत बिइ मखु। अले छं गुगु न्‍हूगु दाखमद्यया निंतिं ज्‍या याःगु दु, व परदेशीतय्‌सं गुबलें त्‍वने दइ मखु।

लूका 18:31

अले येशूं झिंनिम्‍हय्‌सित छखे ब्‍वना यंकाः धयादिल – “न्‍यँ, झीपिं यरूशलेमपाखे वनाच्‍वना। अन मनूया काय्‌यागु खँय् अगमवक्तातय्‌सं च्‍वया थकूगु फुक्‍क खँ पूवनी।

यशैया 59:16

परमप्रभुं क्‍वत्‍यलातःपिन्‍त ग्‍वाहालि याइपिं सुं नं मखन। अले वय्‌कः दथुइ च्‍वनाः बिन्‍ति याइम्‍ह सुं छम्‍ह नं मखंगुलि अजू चायादिल। अनंलि वय्‌कःया थःगु हे जव ल्‍हातं इमित उद्धार यानादिल, अले वय्‌कःयागु हे धार्मिकतां इमित बचय् यानादिल।