यशैया 47:8 - नेवाः बाइबल

⁸ “अथे जुयाः हे सुखय् भुलय् जुयाच्‍वंपिं, थःगु रक्षायात वास्‍ता मयासें च्‍वनाच्‍वंपिं, अले थःगु नुगलय् जि हे खः, ‘जि थें ज्‍याःम्‍ह सुं मदु’ धकाः धयाजुइपिं, ‘जि गुबलें भाःत सीम्‍ह थें जुइ मखु, वा काय्‌म्‍ह्याय्‌पिं त्‍वःता च्‍वनेमाली मखु धयागु खँय् ध्‍यान ब्‍यु!’

यशैया 47:8 Referans Kwoze

सपन्‍याह 2:15

थ्‍व छगू शहर खः, गुगु शहरं थःम्‍हं थःके गर्व यायेगु याइ अले मग्‍यासें च्‍वनाच्‍वनी, सुनां थःत थथे धाइ, “जि जि हे खः, जि बाहेक मेपिं सुं हे मदु।” आः स्‍व, व गज्‍याःगु उजाड जुल, गुँइ पशुत च्‍वनीगु थाय् जुल। व थाय् जुयावनीपिं फुक्‍कसिनं हेस्‍यानाः मुर्की क्‍यना वनी।

यशैया 32:9

हे याउँक च्‍वनाच्‍वंपिं मिसात, दँ, अले जिगु खँ ध्‍यान बियाः न्‍यँ, हे याउँक च्‍वनाच्‍वंपिं म्‍ह्याय्‌पिं जिं छु धाये व बांलाक न्‍यँ!

यर्मिया 50:11

“जिगु सर्बययात लुटपाट याःम्‍ह छ न्‍ह्यइपुकाः लय्‌ताःगुलिं, छ अन्‍न दाःबलय् लय्‌तायाः तिंन्‍हूम्‍ह साचा थें जूगुलिं अले बल्‍लाःपिं सलत थें हाःगुलिं,

यशैया 47:10

छं थःगु मभिंगु ज्‍याय् भलसा तःगु दु, अले ‘सुनां जितः खनी’ धकाः धाःगु दु। छंगु बुद्धिं व ज्ञा नं छन्‍त झंगःलाःगु दु। गुबलय् छं थथे धाइ, जि हे खः, ‘जि थें ज्‍याःम्‍ह सुं मदु।’

यशैया 45:6

थुकथं मनूतय्‌सं निभाः लुइगु थासंनिसें निभाः बीगु थासय् तक जि बाहेक मेपिं सुं नं मदु धकाः सीकेफय्‌मा। जि परमप्रभु खः, जि बाहेक मेपिं द्यः मदु।

२ थेसलोनिकी 2:4

वं थथःम्‍हं तःधं जुयाः मनूतय्‌सं परमेश्‍वर धयाच्‍वंगु व पुजा यानाच्‍वंगु फुक्‍कयात क्‍वह्यंकी। थःम्‍हं थःत परमेश्‍वर धयाः व परमेश्‍वरया देगलय् च्‍वंवनी।

नहूम 1:10

इपिं कंझालय् अलमलय् जुयाच्‍वनी, अले इपिं दाखमद्यं काय्‌काच्‍वनी। इपिं गनावने धुंकूगु छ्वख्‍वः थें भस्‍म जुइ।

दानिएल 11:36

“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।

दानिएल 5:30

उखुन्‍हु चान्‍हय् बेबिलोनीतय् जुजु बेलसजरयात स्‍यात।

दानिएल 5:23

उकिया पलेसा छःपिन्‍सं स्‍वर्गयाम्‍ह प्रभुयागु विरोधय् ज्‍या यानादिल। वय्‌कःया देगलं हःगु थलबलत थन हयादिल। अले छःपिं व भारदारत, छःपिनि कलाःपिं व मथ्‍याःपिं कलाःपिन्‍सं उपिं ख्‍वल्‍चां दाखमद्य त्‍वनादिल। अले छःपिन्‍सं लुँ, वहः, कँय्, नँ, सिँ व ल्‍वहँतं दय्‌कूपिं द्यःतय्‌त च्‍वछाल। उपिं द्यःत न्‍यनेफुपिं नं मखु, खंके फुपिं नं मखु, अले छुं स्‍यूपिं नं मखु। परमेश्‍वरया ल्‍हातय् हे छःपिनिगु प्राण व फुक्‍क लँपु दुसां वय्‌कःयात हनाबना यानामदी।

दानिएल 4:30

वं धाल, “छु थ्‍व जिं थःगु नां व महिमाया लागि जिगु बलं राजधानी दय्‌काःगु तःधंगु बेबिलोन मखु ला?”

दानिएल 4:22

हे महाराज, व सिमा छःपिं हे खः! छःपिं थाहां झायाः आकाश तक हे थ्‍यंम्‍ह तःधंम्‍ह मनू जुयादीगु दु। अले छःपिनिगु बल संसार न्‍यंक न्‍यनावंगु दु।

यर्मिया 51:53

बेबिलोन आकाश तक हे थ्‍यन धाःसां अले थःगु ततःधंगु किल्‍लातय्‌त बल्‍लाकल धाःसां जिं वयागु विरोधय् नाश याइपिं छ्वये,” परमप्रभुं धयादी।

यशैया 45:18

परमप्रभुं स्‍वर्ग सृष्‍टि यानादिल। वय्‌कः हे परमेश्‍वर खः। वय्‌कलं पृथ्‍वीयात बां लुइकादिल, वय्‌कलं उकियात थापं यानादिल। वय्‌कलं पृथ्‍वीयात झिजांमिजां जुइत सृष्‍टि यानादीगु मखु, तर मनूत च्‍वनेत दय्‌कादीगु खः। वय्‌कलं थथे धयादी, “जि हे परमप्रभु खः, जि बाहेक मेपिं सुं नं द्यः मदु।

न्‍यायकर्ता 18:27

अले व पुजाहारी व मीकां थःगु निंतिं दय्‌कूगु मूर्ति ज्‍वनाः इपिं लेशयापिं शान्‍त व सुरक्षितकथं म्‍वानाच्‍वंपिं मनूतय्‌त हमला यायेत लेशय् वन। इमिसं इमित तरवारं पाल, अले इमिगु शहरयात मिं नकाबिल।

न्‍यायकर्ता 18:7

उपिं न्‍याम्‍ह मनूत व थाय् त्‍वःताः लेशय् थ्‍यंकवल। सीदोनयापिं मनूत थें अनयापिं मनूत शान्‍त व सुरक्षितकथं म्‍वानाच्‍वंगु खन। अले इमिगु देशय् छुं मगाःमचाः मजूगुलिं इपिं च्‍वन्‍ह्याःगु जुल। अले इपिं सीदोनीत स्‍वयाः यक्‍व तापाः। अले इमि मेपिं मनूतलिसें छुं कथंयागु स्‍वापु नं मदु।

यशैया 14:14

अले सुपाँय् स्‍वयाः च्‍वय् थाहां वने अले थः दक्‍वसिबय् तःधंम्‍ह परमेश्‍वर ति हे जिं थःम्‍हं थःत दय्‌के।”

यशैया 32:11

अय् याउँक च्‍वनाच्‍वंपिं मिसात, थुरथुर खा, हे याउँक च्‍वनाच्‍वंपिं म्‍ह्याय्‌पिं थुरथुर खा। थःगु वसः त्‍वःताः पचिंनांगा जु, अले थथःगु जँय् भांग्रा हिनाब्‍यु।

यशैया 45:5

जि परमप्रभु खः, जि बाहेक मेपिं सुं नं परमेश्‍वर मदु। छं जितः नाला मकाःसां जिं छन्‍त बल्‍लाके।

यर्मिया 49:31

“छिपिं दँ! याउँक व मग्‍यासें च्‍वनाच्‍वंगु छगू जातियात हमला या,” परमप्रभुं धयादी। “इमि न ध्‍वाखा दु न गजबार दु। इपिं याकःचा च्‍वनाच्‍वंगु दु।

इजकिएल 28:2

“अय् सीमानिम्‍ह मनू, टुरोसयाम्‍ह जुजुयात धा, ‘परमप्रभु परमेश्‍वरं थथे धयादी – “‘छं तःधंछुयाः थथे धाःगु दु, जि छम्‍ह द्यः खः, जि समुद्रया दथुइ द्यःयागु सिंहासनय् च्‍वंच्‍वनागु दु। तर छ छम्‍ह मनू जक खः, द्यः मखु, खः ला, छं थःत द्यः ति हे बुद्धिमान ताय्‌कूगु दु।

इजकिएल 30:9

“‘उखुन्‍हु याउँक च्‍वनाच्‍वंपिं कूशीतय्‌त ख्‍याइगु खबर बीत जिगु न्‍ह्यःनं दूतत नांचाय् च्‍वनाः पिहांवनी। मिश्र देश नाश जुइगु दिनय् इपिं ग्‍याइ, छाय्‌धाःसा व दिं धात्‍थें हे वइ।

दानिएल 4:4

जि नबूकदनेसर थःगु लाय्‌कुलिइ याउँक व बांलाक च्‍वनाच्‍वना।

इजकिएल 16:49

“‘स्‍व! छिमि केहेँ सदोमया पाप थ्‍व खः, व अले वया म्‍ह्याय्‌पिं जिराहा खः, प्‍वाः जाय्‌क नइगु, याउँक च्‍वनीगु, तर इमिसं गरीबत व मगाःमचाःपिन्‍त ग्‍वाहालि मयाः।

दानिएल 4:27

उकिं हे महाराज, जिगु सल्‍लाह स्‍वीकार यानादिसँ। खःगु ज्‍या यानाः थःगु पापयात त्‍वःतादिसँ अले छुं मदुपिन्‍त माया यानाः मभिंगु ज्‍या त्‍वःतादिसँ। अथे याःसा छःपिनिगु भिं जुया हे च्‍वनी।”

नहूम 3:4

थ्‍व फुक्‍क छम्‍ह वेश्‍याम्‍ह मिसा, जादु मन्‍तरया छम्‍ह मालिकनीया घच्‍चायाइपुगु ज्‍यां याना जूगु खः, गुम्‍हं थःगु वेश्‍याया ज्‍यां जात जातितय्‌त व जादु मन्‍तरया ज्‍यां वंशतय्‌त दास याना तइ।

हबकूक 1:7

इपिं तसकं ग्‍यानापुपिं व दयामदुपिं मनूत खः। इपिं थः हे नियम व्‍यवस्‍था खः, इमिसं थःयःयः थें याइ।