यशैया 44:3 - नेवाः बाइबल

³ छाय्‌धाःसा जिं गंगु बँय् लः प्‍वंकाबी, व सुख्‍खा बुँइ खुसिचात न्‍ह्याकाबी। जिं छिमि सन्‍तानयाके जिगु आत्‍मा प्‍वंकाबी, अले जिं छिमि सन्‍तानतय्‌त आशिष बी।

यशैया 44:3 Referans Kwoze

योएल 2:28

“वया लिपा जिं जिगु आत्‍मां फुक्‍क मनूतय्‌त जाय्‌काबी। अले छिमि काय् म्‍ह्याय्‌पिन्‍सं अगमवाणी नवाइ। छिमि बुरापिं मनूतय्‌सं म्‍हगस खनी। अले छिमि ल्‍याय्‌म्‍ह मनूतय्‌सं दर्शन खनी।

प्रेरित 2:17

“‘दकलय् लिपा थथे जुइ धकाः परमेश्‍वरं धयादिल – जिं जिगु आत्‍मा फुक्‍क मनूतय्‌के प्‍वंकाबी। अले छिमि काय् म्‍ह्याय्‌पिन्‍सं अगमवाणी नवाइ। छिमि बुरापिं मनूतय्‌सं म्‍हगस खनी। अले छिमि ल्‍याय्‌म्‍ह मनूतय्‌सं दर्शन खनी।

यशैया 59:21

परमप्रभुं धयादी, “जिगु खँय् धाःसा, जिगु बाचा छिमिगु निंतिं थ्‍व हे जुइ। जिगु आत्‍मा छंके दु व चिलावनी मखु, अले जिगु वचन जिं छंगु म्‍हुतुइ तयाबियागु दु। उपिं छंगु म्‍हुतुइ व छिमि काय् म्‍ह्याय्‌पिनिगु म्‍हुतुइ व छिमि सन्‍तानतय् म्‍हुतुइ थनिंनिसें सदांया निंतिं दयाच्‍वनी।” परमप्रभुं घोषणा यानादी।

हितोपदेश 1:23

जिं न्‍वाना थें छिमिसं याःगु जूसा जिं छिमित जिगु नुगःखँ कनेगु खः, जिं थःगु बिचाः छिमित न्‍यंकेगु खः।

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।

प्रेरित 2:39

झी प्रभु परमेश्‍वरं थःम्‍हं सःता दिक्‍वसित थ्‍व हे खँ बी धकाः बचं बियादीगु खः। उकिं थ्‍व बचं छिकपिं, छिकपिनि मस्‍त व आः तकं तापाक च्‍वनाच्‍वंपिं फुक्‍कसिगु निंतिं बियादीगु खः।”

जकरिया 12:10

“दाऊदया घराना व यरूशलेमयापिं मनूतय्‌त दया व प्रार्थनाया आत्‍मां जाय्‌काबी। इमिसं थःपिन्‍सं सुयाब्‍यूम्‍ह मनू, जितः स्‍वइ। अले मनूत याक काय्‌या निंतिं शोक याःगु थें वयागु निंतिं इपिं दुखं च्‍वनी। दकलय् न्‍हापा बूम्‍ह काय्‌या निंतिं थें दुखं च्‍वनी।

इजकिएल 39:29

जिं हाकनं गुबलें थःगु ख्‍वाः इपिंपाखें फस्‍वय्‌के मखु, छाय्‌धाःसा जिं थःगु आत्‍मा इस्राएलया घरानायाके प्‍वंके, परमप्रभु परमेश्‍वरं धयादी।”

यशैया 32:15

च्‍वय्‌नं आत्‍मा झीके प्‍वंकामहतले अले मरुभूमि बांलाक अन्‍न सइगु बुँ व बांलाक अन्‍न सइगु बुँत गुँ मजुतले अथे जुइ।

प्रेरित 10:45

थथे यहूदीमखुपिन्‍त नं पवित्र आत्‍मां जाय्‌कादीगु खनाः पत्रुस नाप वःपिं यहूदी विश्‍वासीत अजू चाल,

भजनसंग्रहया सफू 107:35

वय्‌कलं मरुभूमियात लःया पुखू, अले गंगु बँयात लः बुयावइगु थाय् यानादिल।

यशैया 41:17

“गरीबतय्‌सं व मगाःमचाःपिन्‍सं लः माली, तर लः गनं नं लुइके फइ मखु, इमिगु मे प्‍याःचायाः गनी। तर जि परमप्रभुं इमित लिसः बी। जि इस्राएलया परमेश्‍वरं इमित त्‍वःते मखु।

योएल 3:18

“व दिंखुन्‍हु पहाडं तसकं साःगु दाखमद्य ज्‍वया वइ। अले डाँडाय् दुरु बाः वइ। यहूदाया फुक्‍कं खुसिचाय् लः बा वइ। परमप्रभुया देगलय् लःया मूल तज्‍यानाः लः पिहां वयाः शित्तीमया बेँसीयात प्‍याकी।

प्रेरित 2:33

परमेश्‍वर बाःनं नं वय्‌कःयात थःगु जवय् तयाः तःधंकादिल। अले परमेश्‍वरं बियादी धकाः धयादीगु पवित्र आत्‍मा वय्‌कःयात बियादिल। थथे वय्‌कलं हे जिमित नं पवित्र आत्‍मा बियादिल। छिकपिन्‍सं ताःगु व खंगु फुक्‍कं पवित्र आत्‍मायागु हे ज्‍या खः।

इजकिएल 34:26

जिं इमित व जिगु डाँडाया प्‍यखेरं च्‍वंगु थाय्‌यात आशिष दय्‌काबी। जिं खःगु इलय् इमिगु निंतिं वा वय्‌काबी। जिं आकाशं वइगु वायात आशिष यानाबी।

यशैया 61:9

इमि सन्‍तानत जाति जातिया दथुइ, अले इमि मचाखाचातय्‌त मनूतय्‌गु दथुइ म्‍हसिइगु जुइ। इमित खंपिं सकसिनं ‘इपिं ला परमप्रभुपाखें सुवाः दुपिनि सन्‍तान खः’ धकाः स्‍वीकार याइ।”

प्रकाश 22:17

आत्‍मा व भम्‍चां धयादी – “झासँ।” अथे हे न्‍यनीपिन्‍सं नं “झासँ” धकाः धा। प्‍याचाःपिन्‍सं व इच्‍छादुपिन्‍सं वयाः जीवनयागु लः सितिकं त्‍वँ।

यशैया 48:21

परमप्रभुं थः मनूतय्‌त मरुभूमिं जुयाः यंकादीबलय् इमित प्‍याः मचाः। वय्‌कलं इमिगु निंतिं तग्‍वःगु ल्‍वहँतं लः पिकयादिल। वय्‌कलं तग्‍वःगु ल्‍वहंयात निगू भाग यानादिल, अले अनं लः पिहां वल।

यशैया 65:23

इमिसं सित्तिंवंक ज्‍या याइ मखु, वा विपत्तिया निंतिं मचात बुइकी मखु। छाय्‌धाःसा इपिं व इमि सन्‍ताननापं जि, परमप्रभुपाखें सुवाः दुपिं प्रजा जुइ।

भजनसंग्रहया सफू 63:1

हे परमेश्‍वर, छि जिम्‍ह परमेश्‍वर खः। जिं छितः दुनुगलंनिसें मालाजुया। गंगु, झिजांमिझां दंगु व लः मदुगु बँ थें जिगु नुगः छि मदयाः प्‍याःचाः।

यशैया 49:10

इमित न नये मास्‍ति वइ न प्‍याः चाइ, न इमित मरुभूमिइ निभालं पुइ, छाय्‌धाःसा जिं इमित दयामाया याये अले ब्‍वनायंके। अले जिं इमित लः दुगु थासय् यंके।

यशैया 32:2

थुपिं मनूत फय्‌पाखें शरण कायेगु थाय् अले ग्‍वःफय्‌पाखें सुपिलिगु थाय्, मरुभूमिइ लः दुगु खुसित व गंगु मरुभूमिइ तग्‍वःगु ल्‍वहंया किचः थें जुइ।

मत्ती 12:43

“मनूयागु म्‍हं पिहां वनाः भूतआत्‍मां बाय् च्‍वनेत मरुभूमिइ माः जुइ। अय्‌नं वं बाय् लुइके फइ मखु।

अय्‍यूब 5:25

छं यक्‍व मस्‍त दइ, छिमि सन्‍तान घाँय् थें यक्‍व दइ।

यशैया 48:19

छिमि सन्‍तानत फि थें दइगु, अले छिमि काय्‌म्‍ह्याय्‌पिं अल्‍याख दइगु। इमिगु नां जिपाखें गुबलें हुयाछ्वयेगु जुइ मखुगु, अले इपिं जिगु न्‍ह्यःने नाश जुइ मखुगु।”

यशैया 55:1

परमप्रभुं धयादी, “हे सकलें प्‍याय्‌चाःपिं, लः दुथाय् लिक्‍क वा अले लः त्‍वँ, धिबा मदुपिं नं नसा कयाः न वा! अले सित्तिकं दाखमद्य व दुरु कायेत वा!

इजकिएल 36:27

अले जिगु आज्ञा पालन याकेत व जिगु नियमत बांलाक मानय् याकेत, जिं जिगु आत्‍मा छिमिके तयाबी

इजकिएल 47:8

वं जितः धाल, “थ्‍व लः पुर्बया लागापाखे न्‍ह्याइ, अनं क्‍वय् अराबा जुयाः मृत समुद्रपाखे न्‍ह्याइ अले मृत समुद्रय् मिलय् जुइ। अले मृत समुद्रया लः साइ।

होशे 10:12

थःगु निंतिं धार्मिकताया पुसात प्‍यु, न्‍ह्याबलें दयाच्‍वनीगु दयामायाया फल मुंकी। छिमिसं बाझः तयातःगु छाःगु बुँ पा, छाय्‌धाःसा परमप्रभुयात मालेगु ई थ्‍व हे खः, गुकिं यानाः वय्‌कः झायाः छिमित धार्मिकताया आशिष प्‍वंकादीमा।

मीका 5:7

यक्‍व मनूतय्‌गु दथुइ याकूबया ल्‍यंदुपिं परमप्रभुं छ्वयाहयादीगु सुतिलः व घाँसय् द्यःने लाःगु लः थें जुइ। इमिसं सुयात नं पियाच्‍वनी मखु, वा न मनूतय्‌के भलसा तइ।

यशैया 27:3

जि परमप्रभु, वयात सुसाःकुसाः याये। जिं उकी लः बियाच्‍वने। जिं चान्‍हि वयागु वास्‍ता याये, मखुसा वयात सुनानं स्‍यंकाबीफु।

योएल 2:27

अले जि इस्राएलया दथुइ दु, जि परमप्रभु छिमि परमेश्‍वर खः अले जि बाहेक मेपिं सुं मदु धकाः छिमिसं सी। जिमि प्रजा गुबलें मछालपुइका च्‍वने माली मखु।

योएल 3:1

परमप्रभुं धयादी, “उगु दिनय् व उबलय् हे जिं यहूदा व यरूशलेमयापिं मनूतय्‌त हाकनं भिं यानाबी।