यशैया 44:2 - नेवाः बाइबल

² छन्‍त दय्‌कूम्‍ह, छन्‍त गर्भय् दय्‌कूम्‍ह छन्‍त ग्‍वाहालि याइम्‍ह, परमप्रभुं थथे धयादी – हे जिमि दास याकूब, जिं ल्‍ययाम्‍ह यशूरून, छ ग्‍याये मते।

यशैया 44:2 Referans Kwoze

यर्मिया 1:5

“जिं छन्‍त छिमि मांया प्‍वाथय् दय्‌के न्‍ह्यः हे म्‍हस्‍यू। छ बुइ न्‍ह्यः हे जिं छन्‍त अलग याना। जिं छन्‍त जाति जातितय्‌त अगमवाणी न्‍यंकेत ल्‍यया।”

यशैया 43:1

तर आः, हे याकूब, छन्‍त सृष्‍टि यानादीम्‍ह, हे इस्राएल, छन्‍त आकार ब्‍यूम्‍ह परमप्रभुं थथे धयादी, “ग्‍याये मते, छाय्‌धाःसा जिं छन्‍त मू पुलाः त्‍वःतकागु दु। जिं छन्‍त छंगु नां कयाः सःतागु दु, छ जिम्‍ह हे खः।

यशैया 44:24

“परमप्रभुं थथे धयादी, छन्‍त उद्धार यानादीम्‍ह अले छन्‍त गर्भय् दय्‌कादीम्‍ह, “जि हे परमप्रभु खः, गुम्‍हय्‌सिनं फुक्‍कं दय्‌कादिल, गुम्‍हय्‌सिनं याकःचां हे आकाशयात चकंकादिल, गुम्‍हय्‌सिनं थम्‍हं हे पृथ्‍वीयात न्‍यनावंकादिल,

यशैया 43:7

सु सु जिगु नामं सःतूगु दु, सुयात जिं जिगु महिमाया निंतिं सृष्‍टि यानागु दु, सुयात बां लुइका अले सुयात जिं दय्‌का।”

यशैया 49:1

हे टापुत, जिगु खँ न्‍यँ! हे तातापाःगु थासय् च्‍वंपिं जातित, थ्‍व खँ न्‍यँ। जि बुइ न्‍ह्यः हे परमप्रभुं जितः ल्‍ययादिल। जि बुइ न्‍ह्यः हे वय्‌कलं जितः जिगु नामं सःतादिल।

एफिसी 1:4

संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

रोमी 8:30

वय्‌कलं न्‍हापांनिसें ल्‍ययातःपिन्‍त सःता नं दिल। थथे वय्‌कलं सःतादीपिन्‍त धर्मी ठहरय् यानादिल। थुकथं वय्‌कलं धर्मी ठहरय् याःपिन्‍त तःधं नं यानादिल।

भजनसंग्रहया सफू 71:6

बूसांनिसें हे जि छिगु भरोसाय् दु। मांया प्‍वाथंनिसें हे छिं जितः बिचाः यानाच्‍वनादीगु दु। उकिं जिं सदां छिगु प्रशंसा याये।

यशैया 43:21

व जातियात, जिगु प्रशंसाया घोषणा यायेमा धकाः जिं थःगु निंतिं दय्‌कागु खः।

१ थेसलोनिकी 1:4

परमेश्‍वरयात यःपिं दाजुकिजापिं, वय्‌कलं छिमित ल्‍ययादीगु खः धकाः जिमिसं स्‍यू।

लूका 12:32

“परमेश्‍वर लय्‌तायादीगुलिं छिमित वय्‌कलं थःगु राज्‍य बियादी। उकिं छिमिगु पुचः चिधं धकाः छिपिं ग्‍याये माःगु मदु।

हिब्रू 4:16

अय्‌जूगुलिं झीपिं भचा हे मग्‍यासे परमेश्‍वरया सिंहासनया न्‍ह्यःने वनेनु। अले वय्‌कलं झीत दया यानाः माःबलय् माःकथं झीत ग्‍वाहालि यानादी।

यशैया 44:21

“हे याकूब, हे इस्राएल, थुपिं खँ लुमंकी, छाय्‌धाःसा छ जिमि दास खः। जितः सेवा यायेत जिं छन्‍त दय्‌कागु खः। हे इस्राएल, जिं छन्‍त गुबलें ल्‍वःमंके मखु।

भजनसंग्रहया सफू 46:5

परमेश्‍वर व शहरय् च्‍वनादीगु दु व गुबलें नाश जुइ फइ मखु। सुथ न्‍हापां हे परमेश्‍वरं उकियात ग्‍वाहालि बियादी।

यशैया 43:5

ग्‍याये मते, छाय्‌धाःसा जि छनापं हे दु। जिं छिमि सन्‍तातय्‌त पुर्बंनिसें हये, पच्‍छिमंनिसें छिमित छथाय् मुंके।

यशैया 41:14

हे कीचा याकूब, ग्‍याये मते! हे चिधंगु इस्राएल, जिं हे छन्‍त ग्‍वाहालि याये।” परमप्रभु, छन्‍त उद्धार यानादीम्‍ह इस्राएलया दक्‍वसिबय् तःधंम्‍ह पवित्र परमेश्‍वरं थथे धयादी।

व्‍यवस्‍था 33:5

इस्राएलया कुलतनापं मनूतय् नायःत छथाय् मुंबलय् वय्‌कः येशूरुनया जुजु ज्‍वयादिल।”

व्‍यवस्‍था 32:15

यशूरून बांलाक नयेत्‍वने दयाः तसकं ल्‍ह्वनावल। अले इमिसं थःपिन्‍त सृष्‍टि यानादीम्‍ह परमेश्‍वर, बल्‍लाःम्‍ह रक्षकयात त्‍वःताहल।

व्‍यवस्‍था 33:26

“येशूरुनया परमेश्‍वर थें जाःम्‍ह मेम्‍ह सुं मदु। वय्‌कः इमित झःझः धाय्‌क आकाशं झायादी। वय्‌कः सुपाँचं गयाः छिमित ग्‍वाहालि बीत झायादी।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यशैया 41:8

“तर छ! हे इस्राएल, जिमि दास, याकूब, सुयात जिं ल्‍ययागु दु। जिमि पासा अब्राहामया वंश,

यशैया 45:11

“परमप्रभु, पवित्र परमेश्‍वर व इस्राएलया सृष्‍टिकर्तां थथे धयादी, आः वइतिनिगुया बारे, छु छिमिसं जिमि काय् म्‍ह्याय्‌पिनिगु बारे न्‍ह्यसः न्‍यना ला, अले जिगु ल्‍हाःया ज्‍याया बारे छिमिसं उजं बियागु ला?

यशैया 49:5

परमप्रभुं जितः वय्‌कःया दास जुयाः याकूबयात हाकनं वय्‌कःयाथाय् हयेत अले इस्राएलयात वय्‌कःयाथाय् मुंकेत दय्‌कादिल। जि बुइ न्‍ह्यः हे मांया प्‍वाथय् दय्‌कादिल, छाय्‌धाःसा परमप्रभुया मिखाय् जि हनाबना दुम्‍ह खः, अले परमेश्‍वर हे जिगु बल खः।

यर्मिया 30:10

“‘उकिं परमप्रभुं धयादी, हे जिम्‍ह दास, याकूबया सन्‍तान, ग्‍याये मते। हे इस्राएलयापिं मनूत, नुगः क्‍वतुंके मते। जिं थम्‍हं हे छिमित तापाःगु देशं व छिमि सन्‍तानयात ज्‍वनायंकातःगु देशं बचय् यानाः हये। याकूबयात हाकनं शान्‍ति व सुरक्षा दइ। सुनानं वयात ख्‍याये फइ मखु।’

भजनसंग्रहया सफू 95:6

वा, झीसं छ्यं क्‍वछुकाः वय्‌कःयात आराधना यायेनु, झीत दय्‌कादीम्‍ह परमप्रभुया न्‍ह्यःने पुलिं चुयेनु।