यशैया 42:2 - नेवाः बाइबल

² व चिल्‍लाय् दनाः हाली मखु, वा तसकं हाली मखु अले वं लँय् थःगु सः न्‍यंका जुइ मखु।

यशैया 42:2 Referans Kwoze

२ तिमोथी 2:24

प्रभुया च्‍यः जुयाः सुंनाप ल्‍वाः जुइ मज्‍यू, बरु फुक्‍कसितं माया याइम्‍ह, बांलाक स्‍यनेकने याये फुम्‍ह, न्‍ह्यागु खं सह याये फुम्‍ह,

लूका 17:20

सुं फरिसीतय्‌सं परमेश्‍वरयागु राज्‍य गुबलय् वइ धकाः येशूयाके न्‍यन। अले वय्‌कलं लिसः बियादिल – “परमेश्‍वरयागु राज्‍य खनेदय्‌कः वइ मखु।

मत्ती 11:29

जिगु जुवा छिमिसं क्‍वब्‍यु, अले जिके स्‍यना का, छाय्‌धाःसा जि स्‍वजाम्‍ह व क्‍वमिलुम्‍ह खः। अले छिमिसं दुनुगलंनिसें आराम कायेखनी।

१ पत्रुस 2:23

थःत ब्‍वः ब्‍यूपिन्‍त वय्‌कलं ब्‍वः बियामदी। अय्‌च्‍वंक दुःखकष्‍ट बिलं नं वय्‌कलं ख्‍याच्‍वः बियामदी, बरु ननिमवासे वय्‌कलं बांलाक न्‍याय यानादीम्‍ह परमेश्‍वरयाके भरोसा तयादिल।

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

यशैया 42:3

तज्‍याःगु तिंकथि वं त्‍वथुली मखु, अले पाल्‍चाय् पिलि-पिलि च्‍यानाच्‍वंगु मतः वं स्‍याइ मखु, वं सत्‍यताकथं न्‍याय याइ।