यशैया 4:5 - नेवाः बाइबल

⁵ अनंलि सियोन पर्वतय् व अन मुनाच्‍वंपिं मनूतय्‌के परमप्रभुं न्‍हिनय् सुपाँय् व चान्‍हय् कुँ व मित्‍याः छ्वयाहयादी। फुक्‍क शहरयात परमेश्‍वरया महिमां त्‍वपुइ अले रक्षा यानादी।

यशैया 4:5 Referans Kwoze

नहेम्‍याह 9:12

छिं इमित न्‍हिनय् सुपाँय्‌या थां व चान्‍हय् मियागु थामं लँ क्‍यनाः यंकादिल।

भजनसंग्रहया सफू 78:14

न्‍हिनय् वय्‌कलं इमित सुपाँचं व चान्‍हय् मिया जलं लँ क्‍यनादिल।

यशैया 60:1

“हे यरूशलेम दँ! छाय्‌धाःसा छंगु जः वये धुंकल! अले परमप्रभुया महिमा छंके खनेदः वःगु दु।

यशैया 46:13

जिं थःगु धार्मिकता लिक्‍क हयाच्‍वनागु दु। व तामपाः, छिमिगु लिक्‍क हे दु। जिगु उद्धारं लिबाकी मखु। जिं सियोनयात उद्धार बी, अले इस्राएलयात जिगु महिमा क्‍यने।

यशैया 33:20

झीगु निंतिं क्‍वःछिनातःगु नखःतय्‌गु शहर सियोनयात स्‍व, छिमिगु मिखां यरूशलेमयात खनीतिनि, छगू शान्‍ति जूगु थाय्, छगू पाल, गुबलें नं चीकाछ्वइ मखु, सुयागु कीत गुबलें नं लेहेंथना छ्वइ मखु, न त उकिया खिपः हे चफुनाछ्वइ।

भजनसंग्रहया सफू 85:9

धात्‍थें हे वय्‌कःया उद्धार वय्‌कःयात मानय् याइपिनिगु न्‍ह्यःने हे दु, अथे जुयाः वय्‌कःया महिमा झीगु देशय् च्‍वनाच्‍वनेमा।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

भजनसंग्रहया सफू 89:7

परमेश्‍वर पवित्र मनूतय्‌गु सभाय् तसकं इज्‍जत यायेमाःम्‍ह व थः जःखः च्‍वंपिं फुक्‍क स्‍वयाः अप्‍वः ग्‍याये माःम्‍ह खः।

प्रस्‍थान 14:24

सुथय् जुइत्‍यंबलय् परमप्रभुं मि व सुपाँय्‌या थामं क्‍वस्‍वयाः मिश्री सिपाइँतय्‌त इतिमिति कंकाबिल।

यशैया 37:35

“जिं थःगु व जिमि च्‍यः दाऊदया कारणं थ्‍व शहरयात रक्षा यानाः बचय् याये।”

यशैया 32:18

जिमि प्रजा धाःसा शान्‍ति च्‍वनेगु थाय् जुइ, सुरक्षा दुगु छेँत, व हाःसः मदुगु आराम कायेगु थासय् च्‍वनी।

भजनसंग्रहया सफू 111:1

हल्‍लेलूयाह! जिं धर्मीतय्‌गु मुँज्‍याय् दुनुगलंनिसें परमप्रभुयात सुभाय् बी।

प्रस्‍थान 26:7

“अनंलि थ्‍व कापःया इलांयात त्‍वपुयेत च्‍वलय्‌चिगु सँयागु झिंछकू कापः दय्‌कि।

प्रस्‍थान 26:1

“छं झिपाः भिंगु वँचुगु प्‍याजी व ह्याउँगु रंगयागु सूती कापःयागु पवित्र पाल त्‍वपुइगु इलां दय्‌कि। ज्‍या सःम्‍ह शिल्‍पकारयात कापतय् भिंगु भिंगु कां करूबया बुत्ता भरय् याकेब्‍यु।

मत्ती 18:20

गन जिगु नामय् निम्‍ह स्‍वम्‍ह मनू मुनी, अन जि इपिं नाप दइ।”

प्रस्‍थान 24:16

परमप्रभुया जः सीनै पर्वतय् च्‍वन। अले सुपाँचं खुन्‍हु तक पर्वतयात त्‍वपुया तल। न्‍हय्‌न्‍हु खुन्‍हु परमप्रभुं सुपाँचं मोशायात सःतादिल।

भजनसंग्रहया सफू 105:39

परमेश्‍वरं थः मनूतय्‌त त्‍वपुयेत सुपाँय् तयादिल। अले चान्‍हय् जः बीत मि बियादिल।

यशैया 60:2

स्‍व! खिउँगुलिं पृथ्‍वीयात व तसकं खिउँगुलिं मनूतय्‌त त्‍वपुयातःगु दु, तर परमप्रभुया जः छंके वःगु दु, अले परमप्रभुया महिमा छंके खनेदः वःगु दु।