यशैया 39:8 - नेवाः बाइबल

⁸ हिजकियां यशैयायात लिसः बिल, “छिं धयादीगु परमप्रभुया वचन बांलाः।” छाय्‌धाःसा वं बिचाः यात, “जि म्‍वानाच्‍वंतले शान्‍ति व सुरक्षा दइगु जूसा थ्‍व बां हे लाः?”

यशैया 39:8 Referans Kwoze

२ इतिहास 32:26

अय्‌नं लिपातय् हिजकिया व यरूशलेमयापिं मनूतय्‌सं थःगु नुगःया घमण्‍डया निंतिं पश्‍चाताप यात। उकिं हिजकिया मसीतले परमप्रभुया तं इमिके मलाः।

२ इतिहास 34:28

उकिं जिं छन्‍त छिमि पुर्खातनापं हे मुंके, छन्‍त थःगु चिहानय् याउँक थुनी।” “थ्‍व थाय् व थनच्‍वंपिं मनूतय्‌के जिं हयेगु विपत्ति स्‍वयेत छ म्‍वानाच्‍वनी मखु।” अथे जुयाः इमिसं थ्‍व लिसः जुजुयाथाय् हल।

१ पत्रुस 5:6

उकिं छिपिं दकलय् तःधंम्‍ह परमेश्‍वरयागु न्‍ह्यःने चिधंपिं जुयाः च्‍वँ। अले वय्‌कलं छन्‍हु छिमित तःधंकादी।

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”

जकरिया 8:16

छिमिसं यायेमाःगु थ्‍व हे ज्‍या खः – छम्‍हय्‌सिनं मेम्‍हलिसे खःगु खँ ल्‍हा, अले छिमिगु अदालतय् खःगु व पाय्‌छिगु न्‍याय या।

विलाप 3:39

थःगु पापया सजाँयया निंतिं सीमानिपिं मनूतय्‌सं छाय् कचकच यायेगु?

विलाप 3:22

परमप्रभुया सदां दइगु दया मायां यानाः झीपिं नाश जूगु मदु, छाय्‌धाःसा वय्‌कःयागु माया न्‍ह्याबलें दयाच्‍वनी।

भजनसंग्रहया सफू 39:9

जि सुम्‍क हे च्‍वने, जिं छसः नं नवाये मखु। छाय्‌धाःसा जितः छिं हे थथे यानादीगु खः।

अय्‍यूब 1:21

थथे धाल, “जि जिमि मांया प्‍वाथं हे नांगां वया, अले जि नांगां हे वने। परमप्रभुं बियादिल अले परमप्रभुं हे यंकादिल। परमप्रभुयागु नां तःधनेमा।”

२ शमूएल 15:26

वय्‌कः जि खनाः लय्‌मताः धइगु खःसा, स्‍वयादिसँ, जि थन हे दु। अले वय्‌कलं थःत छु भिं ताय्‌कादी व हे जितः यानादीमा।”

१ शमूएल 3:18

अथे जुयाः शमूएलं वयात छुं नं खँ सुमचुकूसे फुक्‍क खँ धयाबिल, अले एलीं धाल, “वय्‌कः परमप्रभु खः। वय्‌कःयात छु भिं ताल व हे यानादीमा।”

लेवी 10:3

अले मोशां हारूनयात धाल, “परमप्रभुं धयादीगु खँ थ्‍व हे खः, “‘जिगु न्‍ह्यःने वइपिंपाखें जिं जिगु पवित्रता क्‍यने। जिं फुक्‍क मनूतय्‌गु न्‍ह्यःने थःगु महिमा क्‍यने।’” हारून सुम्‍क च्‍वन।