यशैया 34:3 - नेवाः बाइबल

³ इमि सीपिं मनूत पिने यंकाः वांछ्वइ। इमिगु सीम्‍ह तसकं नवइ अले पर्वतय् इमिगु हिया हि जुइ।

यशैया 34:3 Referans Kwoze

योएल 2:20

“जिं उत्तरपाखें वःपिं सेनायात छिमिगु न्‍ह्यःनें तापाक लिनाछ्वये, अले वयात जिं मरुभूमिइ लिनाछ्वये। न्‍ह्यःनेयापिं झ्‍वःयात पुर्बय् च्‍वंगु मृत सागरय् अले ल्‍यूनेयापिं झ्‍वःयात पच्‍छिमपाखे च्‍वंगु भूमध्‍यसागरय् लिनाछ्वये। अले इपिं अन सिनाः तसकं ध्‍वग्‍गिक नवइ।” धात्‍थें हे परमप्रभुं तःतधंगु ज्‍या यानादिल।

इजकिएल 39:4

इस्राएलया पहाड पहाडय् छ, छंगु फुक्‍क सेना व छलिसें मिलय् जूपिं फुक्‍कं सी। जिं छन्‍त ला नइपिं झंगःत व गुँपशुतय्‌गु आहारा यानाबी।

यशैया 34:7

तसकं बल्‍लाःपिं मनूत नं गुँ द्वहंत थें, द्वहंचात व बबल्‍लाःपिं द्वहंत थें क्‍वदली। इमिगु देशय् हिया हि जुइ अले इमिगु जमिन दाःनं जाइ।

प्रकाश 14:20

शहरं पिने यंकाः दाख तिस्‍सिल। दाख तिस्‍यूबलय् सलयागु गःपः तक जायाः स्‍वसः किलोमिटर तक हि बाः वन।

आमोस 4:10

“जिं छिमिगु दथुइ मिश्र देशय् थें महामारी छ्वयाहया। जिं छिमि ल्‍याय्‌म्‍हपिं मनूतय्‌त छिमिसं लाका काःपिं सलतनापं लडाइँ­लय् स्‍याना, छिमि सीपिं मनूतय्‌गु सीम्‍ह तसकं नवयाच्‍वंगु दु, अथे जूसां छिपिं जिथाय् फहिला मवः,” परमप्रभुं धयादी।

इजकिएल 39:11

“‘उखुन्‍हु गोगयात जिं इस्राएलय्, समुद्रया पुर्बय् लँजुवाःतय्‌गु बेंसीइ छगू चिहान बी। अनं जुयाः वनीपिं लँजुवाःतय्‌त लँ पनी छाय्‌धाःसा गोग व वया फुक्‍क सेनायात अन थुनी अले व थाय्‌यात हामोन-गोगया ब्‍यासि धाइ।

इजकिएल 38:22

जिं महामारी व हिबाःपाखें वयागु न्‍याय याये। जिं वयाके, वयागु सेनायाके व वलिसें दुगु जाति जातिया भीडयाके तसकं वाफय् वय्‌काबी, प्‍वँ गाय्‌काबी, च्‍यानाच्‍वंगु गन्‍धक गाय्‌काबी।

इजकिएल 35:6

उकिं परमप्रभु परमेश्‍वरं धयादी, गथे जि धात्‍थें म्‍वाःम्‍ह खः, जिं छन्‍त हि बाः वःगुया अधीनय् तयाबी, वं छन्‍त लित्तुली। छं हियात घृणा मयाः, अथे जुयाः छन्‍त हिं लित्तुली।

इजकिएल 14:19

“अथवा जिं उगु देशय् महामारी छ्वल अले हिबाः वय्‌काः अन च्‍वंपिं मनूत व पशुत स्‍यानाः जिगु तं प्‍वंकल धाःसा,

यर्मिया 22:19

बरु वयात गधायात थें थुनी, वयात साला यंकाः यरूशलेमया ध्‍वाखाया पिने वांछ्वयाबी।”

यशैया 10:4

छिपिं कैदीत जुयाः लुफिं हानाः क्‍वःदइ वा सीपिनिगु दथुइ लानाच्‍वनी। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 66:24

“अले इपिं पिहां वयाः जिगु विरोधय् जिराहा जूपिं मनूतय्‌गु सीम्‍ह स्‍वःवइ। इमिगु की सी मखु, इमिगु मि सी मखु, अले इपिं फुक्‍क मनूत व जातितय्‌त घच्‍चाइपुस्‍य च्‍वनी।”

यर्मिया 25:33

उबलय् परमप्रभुं स्‍यानादीपिनिगु सीम्‍ह पृथ्‍वीया छगू कुन्‍चांनिसें मेगु कुन्‍चा तक लानाच्‍वनी। इमिगु लागि ख्‍वइपिं सुं नं दइ मखु। इमिगु सीम्‍ह सुनां मुनी नं मखु थुनी नं मखु। सीम्‍हत जमिनय् सौ थें लानाच्‍वनी।

नहूम 3:3

सल गइपिनिगु हमला, प्‍वालाक्‍क वइगु तरवार व ज्‍वाल्‍लच्‍वंगु भाला। स्‍याना तःपिनिगु द्वँ, सीम्‍हतय्‌गु द्वँ अल्‍याख सीम्‍हत, सीपिंके मनूत लुफिंहाना क्‍वदली।

इजकिएल 32:4

अबलय् जिं छन्‍त जमिनय् त्‍वःताबी। जिं छन्‍त मैदानय् वान्‍छ्वयाः आकाशयापिं फुक्‍क कथंयापिं झंगःपन्छितय्‌त छंगु च्‍वय् च्‍वनेबी। पृथ्‍वीयापिं फुक्‍क पशुतय्‌त छंगु ला नकेबी।