यशैया 32:4 - नेवाः बाइबल

⁴ बिचाः मयासें ज्‍या याइपिनिगु नुगलं थुइकी, अले बांलाक खँ ल्‍हाये मसःम्‍हय्‌सिनं थुइकी अले बांलाक न्‍ववाइ।

यशैया 32:4 Referans Kwoze

यशैया 29:24

आत्‍माय् अलमलय् जूपिं मूर्ख मनूतय्‌सं लिग्‍यां दय्‌की अले कचकच यानाजुइपिन्‍सं स्‍यनातःगु खँ मानय् याइ।”

गलाती 1:23

इमिसं थथे धाःगु जक न्‍यनातःगु खः – “न्‍हापा झीत दुःखकष्‍ट बिया जूम्‍ह, अले झीत नाश यायेत स्‍वःम्‍ह मनुखं हे आः भिंगु खँ न्‍यंका जुयाच्‍वंगु दु।”

प्रेरित 6:7

परमेश्‍वरयागु वचन फुक्‍क थासय् बय्‌बय् जुयाः वन। थुकथं यरूशलेमय् चेलात यक्‍व हे दयावल। हानं पुजाहारीत नं यक्‍वसिनं हे विश्‍वास यात।

प्रेरित 4:13

पत्रुस व यूहन्‍नां आखः मसःसां थथे मग्‍यासे लिसः ब्‍यूगु न्‍यनाः फुक्‍कं छक्‍क जुल। अले इपिं येशू नाप जूपिं खः धकाः नं इमिसं सिल।

मत्ती 16:17

वय्‌कलं वयात धयादिल – “योनाया काय् सिमोन, छ धन्‍य खः, छाय्‌धाःसा छं थ्‍व खँ मनूतय्‌पाखें सय्‌काः धाःगु मखु, बरु स्‍वर्गय् च्‍वनादीम्‍ह जिमि बाःनं हे छन्‍त थ्‍व खँ धाय्‌कादीगु खः।

मत्ती 11:25

अबलय् येशूं धयादिल – “हे परमेश्‍वर बाः, स्‍वर्ग व पृथ्‍वीया प्रभु, जिं छितः सुभाय् बी, छाय्‌धाःसा छिं थ्‍व खँ सःस्‍यू व थू धाइपिन्‍त न्‍यंका मदिसे छुं मस्‍यूपिं मस्‍तय्‌त न्‍यंकादिल।

श्रेष्‍ठगीत 7:9

अले छंगु म्‍हुतु तसकं भिंगु दाखमद्य थें जुइ। म्‍हुतुसि व वा जुया जिगु दाखमद्य बिस्‍तारं जिमि यःम्‍ह प्रिययाके थ्‍यनेमा।

प्रस्‍थान 4:11

परमप्रभुं वयात धयादिल, “मनूतय्‌गु म्‍हुतु सुनां दय्‌कल? मनूतय्‌त लाता व ख्‍वाँय् सुनां याइ? मनूतय्‌त स्‍वये फुम्‍ह व कां सुनां याइ? छु जि परमप्रभुं हे, मखु ला?

यशैया 35:4

नुगलय् भय दुपिन्‍त धा, “साहस या, ग्‍याये मते। छिमि परमेश्‍वर शत्रुतय्‌त सजाँय बीत झायादी, अले छिमित बचय् यायेत परमेश्‍वरया बदलानापं झायादी।”

यशैया 35:5

अनंलि कांपिनिगु मिखा चाय्‌कादी, अले ख्‍वाँय्‌तय्‌गु न्‍हाय्‌पं चाय्‌कादी।