यशैया 3:9 - नेवाः बाइबल

⁹ इमिगु दोष ख्‍वालं हे सी दु। सदोमया मनूतय्‌सं थें इमिसं थःगु पाप क्‍यना जुइ। इमिसं थुकियात सुचुका तइ मखु। धिक्‍कार इमित! इमिसं थःगु नाश थःम्‍हं हे हःगु दु।

यशैया 3:9 Referans Kwoze

उत्‍पत्ति 13:13

सदोमया मनूत तसकं दुष्‍ट व परमप्रभुया विरोधय् पाप यानाजुइपिं खः।

यर्मिया 6:15

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ” परमप्रभुं धयादी।

रोमी 6:23

पापया ज्‍याला मृत्‍यु खः। परमेश्‍वरं सितिकं बियादीगु वरदान झी प्रभु येशू ख्रीष्‍टयाके अनन्‍त जीवन खः।

इजकिएल 23:16

वं इमित खनेवं इमित यय्‌काः बेबिलोनीतय्‌गु देशय् इमिथाय् दूतत छ्वल।

विलाप 5:16

जिमिगु छेनं श्रीपेच कुतुं वंगु दु, जिमित धिक्‍कार दु, छाय्‌धाःसा जिमिसं पाप यानागु दु।

यर्मिया 3:3

उकिं परमेश्‍वरं बसन्‍तया वा वयेगु दिकाब्‍यूगु दु, वा वइ मखु। अय्‌नं छंगु ख्‍वाः वेश्‍यायागु थें च्‍वं। छ लज्‍या चाये हे मसः।

यशैया 3:16

परमप्रभुं धयादी, “स्‍व, यरूशलेमया मिसात गुलि जक तःधंछुया जूगु। अले यरूशलेमया मिसात छ्यं धस्‍वाकाः मिखा ब्‍वया जुइ, कल्‍लि न्‍ह्यानाः छमछम सः वय्‌काः न्‍यासि जुयाच्‍वनी।

हितोपदेश 30:13

छथ्‍वः मनूत थज्‍याःपिं दु, इमिगु मिखा घमण्‍डं जायाच्‍वनी, इमिसं थःपिन्‍त तसकं भिंपिं ताय्‌काजुइ।

हितोपदेश 8:36

सुनां जितः मालेत स्‍वइ मखु, वं थःत थःम्‍हं हे स्‍यंकी। सुनां जितः घृणा याइ, वं मृत्‍युयात यय्‌की।”

भजनसंग्रहया सफू 10:4

दुष्‍टतय्‌सं तःधंछु जुयाः परमप्रभुयात माली मखु। इमिगु बिचालय् परमेश्‍वर धयाम्‍ह द हे मदु।

२ राजा 9:30

येहू यिजरेलय् वन। ईजेबेलं वयागु बारे न्‍यनाः थःगु मिखाय् अजः तल, अले सँ छ्यनाः झ्‍यालं क्‍वय् स्‍वल।

१ शमूएल 15:32

अनंलि शमूएलं धाल, “अमालेकीतय् जुजु अगागयात थन हजि।” अगाग ढुक्‍क जुयाः थथे बिचाः यायां वल, “धात्‍थें हे जितः स्‍याइ मखुत, जि बचय् जुल।”

होशे 13:9

“अय् इस्राएल, जिं छिमित भज्‍यंक नाश यानाबी, छाय्‌धाःसा छिपिं जिगु विरोधय् दु, छिमित ग्‍वाहालि याःम्‍हय्‌सिगु विरोधय्।

दानिएल 7:20

वयागु छेनय् दुगु झिपु नेकू व अनं पिहां वःगु मेगु नेकूया खँ थुइके मास्‍ति वल। अले न्‍हापायागु स्‍वपु नेकू पुया ब्‍यूगु खँ छु जुल धकाः नं सीकेमास्‍ति वल। थ्‍व हे मेगु फुक्‍क नेकू स्‍वयाः ग्‍यानापुस्‍से च्‍वंगु नेकुलिइ मिखा व तःधंछुयाः न्‍ववाइगु म्‍हुतु दु।

प्रकाश 11:8

इमि प्रभुयात क्रूसय् यख्‍खाःगु तःधंगु शहरय् च्‍वंगु लँय्‌सं इमिगु सीम्‍ह अथें लानाच्‍वनी। मेकथं धायेगु खःसा थ्‍व शहर सदोम व मिश्र देश थें च्‍वंगु खः।

उत्‍पत्ति 4:5

कयिन व वयागु देछायात धाःसा यय्‌का मदिल। उकिं कयिन तसकं तंम्‍वल। वयागु ख्‍वाः खिउँसे च्‍वन।

हितोपदेश 15:32

अनुशासनयात च्‍यूताः मतइपिन्‍सं थःत हे स्‍यंकी, थःगु द्वं भिंकीम्‍ह मनू बुद्धिमान खः।

यशैया 1:10

अय् सदोमया शासकत, परमप्रभुया वचन न्‍यँ! अय् गमोराया मनूत, परमेश्‍वरया आज्ञा मानय् या! परमप्रभुं छिमित छु धयादीगु दु व बांलाक न्‍यँ!

यशैया 57:20

मभिंपिं धाःसा लबुत थाहां वःगु समुद्र थें खः, व सुम्‍क च्‍वनी मखु, वयागु लखं दाग व भ्‍यातनाः सिलाछ्वइ।

यशैया 59:12

छाय्‌धाःसा जिमिगु द्वंबिद्वं छिगु न्‍ह्यःने यक्‍व दु, अले झीगु पापं हे झीगु विरोधय् साक्षी बी। जिमिगु द्वंबिद्वं जिपिंनापं हे दु अले जिमिगु अधर्मत जिमिसं नालाकाये।

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यर्मिया 8:12

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ

इजकिएल 16:30

“‘परमप्रभुयागु थ्‍व वचन जिथाय् वल, छंगु नुगः गुलि कमजोर, छाय्‌धाःसा छं लज्‍या मचाःम्‍ह छम्‍ह वेश्‍यां थें थ्‍व फुक्‍क ज्‍या यात।

इजकिएल 16:49

“‘स्‍व! छिमि केहेँ सदोमया पाप थ्‍व खः, व अले वया म्‍ह्याय्‌पिं जिराहा खः, प्‍वाः जाय्‌क नइगु, याउँक च्‍वनीगु, तर इमिसं गरीबत व मगाःमचाःपिन्‍त ग्‍वाहालि मयाः।

उत्‍पत्ति 19:34

कन्‍हय् खुन्‍हु तताम्‍हय्‌सिनं केहेंम्‍हय्‌सित धाल, “म्‍हिगः बहनी जि बाःलिसे द्यना। थौं हाकनं दाखमद्य त्‍वंके नु। अले छ वय्‌कः नापं द्यँ। अले झी निम्‍हस्‍यां बाःपाखें मचा दइ।”

होशे 5:5

इस्राएलया तःधंसुं वयागु हे विरोधय् साक्षी बी। इस्राएल व एफ्राइम नं थथःगु पापय् लुफिं हाइ। यहूदा नं इपिंनापं लुफिं हाइ।