यशैया 3:25 - नेवाः बाइबल

²⁵ शहरय् च्‍वंपिं मनूतय्‌त तरवारं स्‍याइ, अले सिपाइँतय्‌त लडाइँलय् हे स्‍यानाः बी।

यशैया 3:25 Referans Kwoze

आमोस 9:10

दुःखकष्‍ट जिमिथाय् वइ मखु, ‘जिमित छुं मभिं जुइ मखु’ धाइपिं जि प्रजा मध्‍येयापिं फुक्‍क पापीतय्‌त तरवारं स्‍याइ।

विलाप 2:21

“ल्‍याय्‌म्‍ह व बुरातय्‌गु सीम्‍ह गल्‍लि गल्‍लिइ धुलय् अथें लानाच्‍वंगु दु। जिमि ल्‍यासेपिं व ल्‍याय्‌म्‍हपिं मनूतय्‌त तरवारं स्‍यानाः क्‍वथला तःगु दु। थःगु तंया दिनय् छिं छुं हे दयामाया मयासें इमित पालाः स्‍यानादीगु दु।

यर्मिया 21:9

सु थ्‍व शहरय् च्‍वनाच्‍वनी व तरवार, अनिकाल वा महामारीं सी। तर सु पिहां वनाः छिमित घेरय् यानाच्‍वंपिं बेबिलोनीतय्‌थाय् शरण काःवनी व म्‍वाइ। वयागु जीवन धाःसा वयागु इनाम जुइ।

यर्मिया 19:7

“‘थ्‍व हे थासय् जिं यहूदा व यरूशलेमया योजनात स्‍यंकाबी। इमित थः शत्रुतय् न्‍ह्यःने तरवारं व इमित स्‍यायेत स्‍वयाच्‍वंपिनिगु ल्‍हातं स्‍याके बी। अले इमिगु सीम्‍ह धाःसा आकाशयापिं झंगःत व पृथ्‍वीयापिं पशुतय्‌त नयेत बी।

यर्मिया 18:21

उकिं आः इमि काय्‌म्‍ह्याय्‌पिं नये मखंक सीमा! इमित तरवारं स्‍याके बियादिसँ! इमि कलाःपिं मस्‍त मदुपिं व भाःत मदुपिं जुइमा! इमि मिजंतय्‌त नं स्‍यायेमा! इमि ल्‍याय्‌म्‍हपिन्‍त नं लडाइँलय् तरवारं स्‍यायेमा!

यर्मिया 14:18

ख्‍यलय् वनेबलय् जिं लडाइँलय् सीपिं मनूतय्‌गु सीम्‍ह खनीगु। शहरय् वनेबलय् जिं अनिकाल जुयाः नये मखनाच्‍वंपिं खनीगु। अगमवक्तात व पुजाहारीत निखलः हे थःम्‍हं म्‍हमस्‍यूगु देशय् वंगु दु।’”

यर्मिया 11:22

उकिं दक्‍व शक्ति दुम्‍ह परमप्रभुं इमिगु बारे थथे धयादी, “जिं थःम्‍हं हे इमित सजाँय बी, इमि ल्‍याय्‌म्‍हपिं तरवारं व इमि काय्‌म्‍ह्याय्‌पिं नये मखनाः सी।

यशैया 1:20

तर छिमिसं मानय् मयात व जिगु विरोध यात धाःसा छिमित तरवारं पालाः स्‍यानाछ्वइ। परमप्रभुं हे थ्‍व खँ धाःगु खः।”

२ इतिहास 29:9

उकिं यानाः हे झी पुर्खातय्‌त तरवारं स्‍यात, झी काय्‌म्‍ह्याय्‌पिं व कलाःपिन्‍त ज्‍वना यंकूगु दु।

यशैया 65:12

जिं तरवारयात छिमिगु कर्म यानाबी, अले छिपिं सकलें स्‍यायेत क्‍वछुइ। छाय्‌धाःसा जिं छिमित सःताबलय् छिमिसं लिसः मब्‍यू। जि न्‍ववानाबलय् छिमिसं न्‍हाय्‌पं बियाः मन्‍यं। जिगु न्‍ह्यःने छिमिसं छु मभिं व हे ज्‍या यात, अले छिमिसं जितः मयःगु ज्‍या यायेगु हे ल्‍यल।”

यर्मिया 15:8

जिं इमि भाःत मदुपिं मिसातय्‌गु ल्‍याः समुद्रया फिया ल्‍याः स्‍वयाः अप्‍वः दय्‌काबी। जिं इमिगु विरोधय्, ल्‍याय्‌म्‍हपिनि मांया विरोधय् न्‍हिनय् नाश याइम्‍ह ब्‍वनाहये। जिं इमित आकांझाकां संकटय् लाकाबी अले इपांथिपां कंकाबी।

२ इतिहास 28:6

यहूदां परमप्रभु थः पुर्खातय् परमेश्‍वरयात त्‍वःतूगुलिं इस्राएलयाम्‍ह जुजु रमल्‍याहया काय् पेकहं छन्‍हुं हे यहूदायापिं छगू लाख व निइद्वःम्‍ह बहादुर सिपाइँतय्‌त स्‍यात।