यशैया 26:5 - नेवाः बाइबल

⁵ वय्‌कलं घमण्‍डीतय्‌त क्‍वमिलु यानादी। इपिं बाय् च्‍वनाच्‍वंगु बल्‍लाःगु शहर नाश यानादी। अले उकियात चुंचुं यानाः धुलय् मिलय् यानादी।

यशैया 26:5 Referans Kwoze

प्रकाश 18:2

व ततसलं थथे धकाः हाला हल – “तःधंगु बेबिलोन शहर नाश जुल, नाश जुल! थ्‍व थाय् ला आः भूतत च्‍वनीगु थाय् जुइ धुंकल। मभिंपिं आत्‍मात, घच्‍चायापुसे च्‍वंपिं झंगःत च्‍वनीगु थाय् जुइ धुंकल।

यर्मिया 51:37

बेबिलोन छगू नाशया द्वँ जुइ, ध्‍वंचात च्‍वनीगु थाय्, मनूत खनाः व वातां जुइ, व न्‍हीकीगु खँ व सुं मनू मच्‍वनीगु थाय् जुइ।

यर्मिया 51:64

अले थथे धा, ‘जिं थुकी हयेगु विपत्तिं यानाः थथे हे बेबिलोन गुबलें दने मफय्‌क क्‍वदइ। अले अनयापिं मनूत ग्‍वतुली।’” यर्मियाया वचन थन हे क्‍वचाल।

यशैया 13:11

परमप्रभुं धयादी, “जिं संसारय् विपत्ति हये, अले फुक्‍क मभिंपिं मनूतय्‌त सजाँय बी। तःधंछुया जूपिनिगु तःधंसू जिं मदय्‌काछ्वये। दया मदुपिनिगु घमण्‍डयात क्‍वमिलु यानाबी।

यशैया 47:1

“अय् बेबिलोनया कुमारी म्‍ह्याय्, छ क्‍वय् क्‍वहां हुँ, धुलय् फेतु! अय् बेबिलोनीतय् म्‍ह्याय्, सिंहासन त्‍वःताः बँय् फेतु! आवंलि छन्‍त क्‍वमिलु व नाइसे च्‍वम्‍ह धाइ मखु।

यशैया 32:19

प्‍वँनं गुँयात नाश याःथें वा फुक्‍क शहर माथं वंकूसां नं,

यशैया 14:13

छं थःम्‍हं थःत थथे धाःगु खः, “जि स्‍वर्गय् थाहां वने। परमेश्‍वरया नगुत स्‍वयाः जिं च्‍वय् थःगु सिंहासन पलिस्‍था याये। उत्तरया पर्वत स्‍वयाः च्‍वय् च्‍वकाय् सभाया पर्वतय् जिं शासन याये।

यशैया 2:12

उखुन्‍हु दक्‍व शक्ति दुम्‍ह परमप्रभुं फुइँ यानाजुइपिं व तःधंछुया जुइपिं सकसित क्‍वमिलु यानादी।

भजनसंग्रहया सफू 79:8

जिमि पुर्खायागु पापयागु निंतिं जिमित सजाँय बियादी मते। जिमित दया माया यानादिसँ। जिमिसं फुक्‍क आशा त्‍वःतेधुन।

यशैया 25:2

छिं शहरत नाश यानादीगु दु अले इमिगु किल्‍लात नं नाश यानादीगु दु। शत्रुतय्‌सं दय्‌कूगु जुजुया दरबारत नं नाश यानादीगु दु, उपिं हाकनं गुबलें नं दय्‌की मखुत।

विलाप 2:2

परमप्रभुं छप्‍तिं हे दयामाया मयासें यहूदाया फुक्‍क बस्‍तीत नुनाछ्वयादिल। थःगु तम्‍वय् वय्‌कलं यहूदाया म्‍ह्याय्‌या किल्‍लात थुनादिल। वय्‌कलं व राज्‍य व वया शासकतय्‌त बँय् क्‍वथलाः क्‍वह्यंकादिल।

इजकिएल 26:11

वया सलया ख्‍वलं छंगु फुक्‍क लँयात न्‍हुत्तुन्‍हुइ। वं छिमि मनूतय्‌त तरवारं स्‍याइ, छंगु बबलाःगु थनातःगु ल्‍वहंत बँय् क्‍वःदली।

यशैया 24:10

नाश जूगु शहर छ्यालब्‍याल जुइ धुंकल। रक्षाया निंतिं मनूत फुक्‍कसिनं थथःपिनिगु छेँया खापा तिनाच्‍वंगु दु।

इजकिएल 28:17

थः बांलाःगुलिं छंगु मन तःधंछुयाः, वैभवं यानाः छंगु बुद्धि स्‍यनावन। जिं छन्‍त बँय् वांछ्वयाबिया, जिं छन्‍त जुजुपिनिगु न्‍ह्यःने इमित क्‍यनेत तयाबिया।