यशैया 26:11 - नेवाः बाइबल

¹¹ हे परमप्रभु, इमिसं छिं ल्‍ह्वनादीगु ल्‍हापाखे ध्‍यान मब्‍यू। छिके थः प्रजाया निंतिं गुलि जोश दु इमित क्‍यनादिसँ। अले इपिं लाजय् लाइ। छिं तयार यानादीगु सजाँय इमित प्‍वंकादिसँ।

यशैया 26:11 Referans Kwoze

हिब्रू 10:27

थुकिया पलेसा पाप याःम्‍हय्‌सिनं परमेश्‍वरयागु सजाँय फयेमाली। व सजाँयया मिं परमेश्‍वरया विरोधीतय्‌त भस्‍म यानाबी।

मीका 5:9

छिमिगु ल्‍हाः छिमि शत्रुतय् स्‍वयाः च्‍वय् थाहांवनी। छिमि फुक्‍क शत्रुत नाश जुइ।

यशैया 5:24

अथे जुयाः गथे मिं सुयात भस्‍म याइ अले गंगु घाँय्‌यात मिप्‍वालं भस्‍म याइ अथे हे इपिं नं हानापं गनावनी अले इमिगु स्‍वां धू थें ब्‍वयावनी। छाय्‌धाःसा इमिसं दक्‍व शक्ति दुम्‍ह परमप्रभुया व्‍यवस्‍थायात क्‍वह्यंकूगु दु अले इस्राएलया पवित्र परमेश्‍वरया वचनयात हेला याःगु दु।

प्रकाश 19:20

अले व पशुयात व वया फताहा अगमवक्तायात ज्‍वन। व पशुयागु चिं दुपिन्‍त व पशुयागु मूर्तियात पुजा याःपिन्‍त चिं क्‍यनाः थगय् याःम्‍ह थ्‍व हे खः। गन्‍धक जक च्‍यानाच्‍वनीगु मि गालय् थुपिं निम्‍हय्‌सितं क्‍वफात।

प्रकाश 3:9

स्‍व, यहूदीत मखुसां यहूदीत खः धकाः मखुगु खँ ल्‍हानाजुइपिं शैतानयागु बाखं कनीगु छेँय् मुनिपिन्‍त जिं यायेगु स्‍यू। स्‍व, जिं इमित छिमिथाय् छ्वयाहयाः छिमिगु तुति भागि याकेहये। अले जक जिं माया याना तयापिं मनूत छिपिं हे खः धकाः इमिसं सीकी।

१ पत्रुस 3:16

थथे लिसः बीबलय् हनाबना तयाः, मिजासं नुगः यचुकाः नवा। थज्‍याःगु भिंगु चालचलनं यानाः छिमित बांमलाका व ब्‍वः बिया च्‍वंपिं मनूत थः हे लज्‍या चाये माली।

२ थेसलोनिकी 1:8

वय्‌कलं च्‍यानाच्‍वंगु मित्‍याः ज्‍वना झायाः परमेश्‍वरयात म्‍हमस्‍यूपिन्‍त व झी प्रभु येशू ख्रीष्‍टयागु भिंगु खँ मन्‍यंपिन्‍त सजाँय बियादी।

प्रेरित 28:27

छाय्‌धाःसा थुमिगु नुगः छाय् धुंकल, न्‍हाय्‌पं ख्‍वातुइ धुंकल, अले थुमिसं मिखा तिस्‍सी धुंकल। मखुसा ला थुमिगु न्‍हाय्‌पनं ताये माःगु खः, मिखां खने माःगु खः, नुगलं ध्‍वाथुइका काये माःगु खः। थुपिं पापं लिचिलाः जिथाय् लिफः स्‍वया वये माःगु खः। अले जिं थुमित लाय्‌काबीगु खः।’

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

मलाकी 4:1

“स्‍व! मि च्‍यानाच्‍वंगु भट्टी थें च्‍वंगु व दिं वयाच्‍वंगु दु। उखुन्‍हु सकल घमण्‍डीत व मभिंगु ज्‍या याइपिं सु थें याकनं च्‍याइ। व दिनं इमित हा व कचा तक हे ल्‍यं मदय्‌क छ्वय्‌काबी,” दक्‍व शक्ति दुम्‍ह परमप्रभुं धयादी।

यर्मिया 44:28

तरवारं बचय्‌जूपिं मिश्र देशं यहूदा देशय् कम हे जक लिहां वइ। अबलय् मिश्र देशय् च्‍वंवःपिं यहूदाया ल्‍यंदुपिं सकसिनं इमिगु वचन सत्‍य खः लाकि जिगु वचन सत्‍य खः, व सी।’

यर्मिया 5:3

हे परमप्रभु, छिगु मिखां सत्‍य ममाली ला? छिं इमित कय्‌कादिल, अय्‌नं इमि नुगः मछिं मजू, छिं इमित क्‍वत्‍यलादिल, अय्‌नं इमिसं थःत भिंकेगु वास्‍ता मयाः। इमिसं थःगु ख्‍वाःयात ल्‍वहं स्‍वयाः छाकल। अले पस्‍ताय् चायेत मानय् मजू।

यशैया 60:14

छन्‍त दुःख बिइपिनि काय्‌पिं छन्‍थाय् हे क्‍वमिलु जुयाः वइ। छन्‍त हेला याइपिं फुक्‍क छंगु पाली भ्‍वपू वइ। इमिसं छन्‍त परमप्रभुया शहर, इस्राएलया पवित्र परमेश्‍वरया सियोन धकाः धाइ।

यशैया 44:18

धात्‍थें थज्‍याःपिं मनूत मूर्ख खः, इमिसं थु हे मथू! इमिगु मिखा तिनातःगु दु अले इमिसं छुं हे मखं। इमिगु नुगः नं तिनातःगु दु अले इमिसं छुं नं मथू।

यशैया 44:9

मूर्तित दय्‌कीपिं फुक्‍कं ज्‍यालगय् मजूपिं खः, इमिसं तसकं मू वंगु ताय्‌काच्‍वंगु थुपिं मूर्ति छति नं मू मवं। इमिगु पंलिनाः न्‍वंवाइपिं कांपिं खः, इपिं छुं हे मस्‍यूपिं जुयाः थःपिन्‍त लाजय् लाकाच्‍वंगु दु।

यशैया 18:3

हे पृथ्‍वीइ च्‍वंपिं मनूत, न्‍यँ! पर्वतया च्‍वकाय् छगू चिंया ध्‍वाँय्‌यात स्‍व! तुरही पूगु सःयात न्‍यँ!

यशैया 11:13

एफ्राइमया दाहा मदयावनी अले यहूदाया शत्रुत नाश जुयावनी। एफ्राइमं यहूदालिसें दाहा याइ मखु, अले यहूदा एफ्राइमया शत्रु जुइ मखु।

भजनसंग्रहया सफू 86:17

हे परमप्रभु, छिं जितः ग्‍वाहालि यानादी धइगु छगू चिं क्‍यनादिसँ। अले जितः मयय्‌कीपिं थ्‍व खनाः लज्‍या चायेमा। छाय्‌धाःसा हे परमप्रभु, छिं जितः ग्‍वाहालि बियादीगु दु अले जितः ह्यय्‌कादीगु दु।

भजनसंग्रहया सफू 21:8

जुजुं थःगु शक्तिं शत्रुत फुक्‍कसित मात्तुमालाः ज्‍वनी। जुजुं थःत महीपिं फुक्‍कसित जव ल्‍हातं ज्‍वनी।

भजनसंग्रहया सफू 10:12

हे परमप्रभु! हे परमेश्‍वर, ल्‍हाः ल्‍ह्वनादिसँ, दुःखय् लानाच्‍वंपिन्‍त ल्‍वःमंकादी मते।

अय्‍यूब 34:27

छाय्‌धाःसा इमिसं वय्‌कःया आज्ञा पालन यायेगु त्‍वःतल, अले वय्‌कःया गुगु नं लँपुयात वास्‍ता मयाः।

१ शमूएल 6:9

तर उकियात स्‍वयाच्‍वँ। छुं जुयाः व रथ बेथ-शेमेशपाखे थःगु हे थासय् च्‍वय्‌पाखे थःत यंकल धाःसा, परमप्रभुं हे व तःधंगु विपत्ति झीथाय् छ्वयाहःगु खः। मखुसा, वय्‌कलं थःगु ल्‍हातं झीत कय्‌कूगु मखु बरु थ्‍व संयोगं जक जूगु धकाः सीके फइ।”

प्रस्‍थान 9:14

मखुसा थ्‍वपालय् जिं छन्‍थाय्, छिमि भारदारतय्‌थाय् व छिमि प्रजायाथाय् तसकं तःधंगु महामारी छ्वयाहये। अले छं थ्‍व पृथ्‍वी न्‍यंक जि थें ज्‍याःम्‍ह मेम्‍ह सुं हे मदु धकाः सी।

लूका 16:23

नरकय् लानाच्‍वंम्‍ह थ्‍व तःमिम्‍ह मनुखं तसकं कष्‍ट जूगुलिं च्‍वय् थस्‍वःबलय् तापाकं वं लाजरसयात अब्राहामनाप च्‍वनाच्‍वंगु खन।

भजनसंग्रहया सफू 78:63

मिं इमि ल्‍याय्‌म्‍हतय्‌त भस्‍म यात। ल्‍यासेतय्‌त ब्‍याहा यायेत मिजंत तकं मन्‍त।

यशैया 1:31

तसकं बल्‍लाःपिं मनूत सुका थें बमलाइ, इमिसं न्‍ह्याःगु याःसां मिकुचा थें जक जुइ निगुलिं छक्‍वलं भस्‍म जुइ, मि स्‍याइम्‍ह सुं दइ मखु।”

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

यशैया 9:18

धात्‍थें हे मि थें दुष्‍टता च्‍याइ, उकिं सिउँडी व कंयात भस्‍म याइ। उकिं गुँयागु झाःतय्‌त च्‍याकी, अले उपिं कुँत्‍याः जुयाः च्‍वय् पाखे चाचाःहिलाः थाहां वनी।

यशैया 9:19

दक्‍व शक्ति दुम्‍ह परमप्रभुया तमं देश भस्‍म जुइ। मनूत नं मियागु निंतिं इन्‍धन जुइ। सुं मनुखं थः किजायात तकं त्‍वःती मखु।

यशैया 10:17

इस्राएलया जः, पवित्र परमेश्‍वरया तच्‍वकं च्‍याःगु मि खः। अले छन्‍हुं हे इमिगु कंमा व झाःतय्‌त वय्‌कःया तच्‍वकं च्‍याःगु मिं भस्‍म यानाबी।

यशैया 37:32

छाय्‌धाःसा यरूशलेमपाखें बचय् जूगु छगू ब्‍व अले सियोन पर्वतं बचय्‌जूपिं छपुचः पिहां वइ। दक्‍व शक्ति दुम्‍ह परमप्रभुया जोशं थ्‍व याइ।

यशैया 42:13

परमप्रभु तसकं बल्‍लाःम्‍ह मनू थें पिहांझाइ। वय्‌कलं लडाइँया निंतिं छम्‍ह बल्‍लाःम्‍ह सिपाइँनं क्‍यंगु थें थःगु जोश क्‍यनादी। वय्‌कः तःसलं हालादी अले तःसलं लडाइँया सः थाहांवनी। वय्‌कलं थः शत्रुतय्‌त बुकी।

यशैया 59:17

वय्‌कलं धार्मिकताया छाती-पाता, व छेनय् मुक्तिया तपुलि पुयादिल। अले वय्‌कलं ब्‍वला काइगु वसः पुयादिल, अले जोसयात लं थें पुनादिल।

यशैया 63:15

स्‍वर्गं स्‍वयादिसँ, अले थःगु दक्‍वसिबय् च्‍वय्‌यागु पवित्र व महिमां जाःगु सिंहासनं क्‍वय् स्‍वयादिसँ। छिगु जोश व शक्ति गन वन? छिं जिपिंपाखें छिगु क्‍वमिलुसु व दयामाया लितकाःगु दु।

यशैया 66:15

स्‍व, परमप्रभु मिनापं झायादी, अले वय्‌कःया रथत ग्‍वःफय् थें खः। वय्‌कलं तच्‍वःगु तमं पलेसा कयादी, अले मिप्‍वालं सजाँय बियादी।

यशैया 66:24

“अले इपिं पिहां वयाः जिगु विरोधय् जिराहा जूपिं मनूतय्‌गु सीम्‍ह स्‍वःवइ। इमिगु की सी मखु, इमिगु मि सी मखु, अले इपिं फुक्‍क मनूत व जातितय्‌त घच्‍चाइपुस्‍य च्‍वनी।”

मीका 7:16

जाति जातियापिं मनूत थ्‍व खनाः मछाला च्‍वनी। इमिगु फुक्‍क शक्ति लाका काइ। अले इमिसं थःगु ख्‍वाः ल्‍हातं त्‍वपुइ, उलि जक मखु इमिगु न्‍ह्याय्‌पं ख्‍वाँय् जुयावनी।

भजनसंग्रहया सफू 28:5

परमप्रभुं छु छु यानादिल, वय्‌कलं थःगु ल्‍हातं छु छु दय्‌कादिल धयागु खँय् इमित छुं हे च्‍यूताः मदु। उकिं वय्‌कलं इमित सदां सदांया निंतिं नाश यानादी। अले हाकनं इपिं खनेदइ मखु।

यशैया 10:16

अथे जुयाः प्रभु, परमप्रभु दक्‍व शक्ति दुम्‍ह परमप्रभुं वया तसकं बल्‍लाःपिं सिपाइँतय् दथुइ नाश यायेत ल्‍वय् छ्वयाहयादी, अले वयागु गौरवयात तसकं च्‍याःगु मिं छ्वय्‌कादी।

यशैया 66:5

छिपिं मध्‍ये सुनां परमप्रभुया वचनया भय काइ, वय्‌कःया वचन न्‍यँ, “छिकपिनि थः मनूत, सुनां छिमित यय्‌की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्‍द स्‍वये।’ अय्‌नं इपिं लाजय् लाइ।

मीका 7:10

“जितः परमप्रभु छिमि परमेश्‍वर गन दु?” धकाः धाइम्‍ह जि शत्रु थ्‍व खनाः तसकं मछाली। अले जिगु मिखां व क्‍वःदःगु खनी। वयात गल्‍लि गल्‍लिइ ध्‍याचःयात थें न्‍हुत्तुन्‍हुइ।