यशैया 26:1 - नेवाः बाइबल

¹ व दिंखुन्‍हु मनूतय्‌सं यहूदा देशय् थ्‍व भजन हाली। जिमिगु शहर बल्‍लाः, परमेश्‍वरं थुकिया अंगः व पःखाःयात उद्धार दय्‌कादी।

यशैया 26:1 Referans Kwoze

यशैया 60:18

छंगु देशय् हाकनं गुबलें ल्‍वापुख्‍यापु न्‍यनेमाली मखु, छंगु सिमानाया दुने गुबलें स्‍यंगु व नाश जूगु न्‍यनेमाली मखु। तर छंगु पःखाःयात मुक्ति धकाः धाइ, अले छंगु मू ध्‍वाखायात प्रशंसा धकाः धाइ।

यशैया 62:11

परमप्रभुं पृथ्‍वीयागु कुन्‍चाय् तक घोषणा यानादीगु दु, “यरूशलेमया यःपिं मनूतय्‌त धा, ‘स्‍व, छिमि मुक्तिदाता वयेत्‍यंगु दु! स्‍व, वय्‌कःया लिच्‍वः वय्‌कःयाके हे दु, अले वय्‌कःया इनाम वय्‌कःनापं हे दु।’”

जकरिया 2:5

जि थः हे शहरया प्‍यखेरं मिया पःखाः जुइ। जि हे उकी दुनेया महिमा जुइ,’” धकाः परमप्रभुं धयादी।

यर्मिया 33:11

लसताः व खुसिया सः, भम्‍चा व जिलाजंया सः ताये दइ। अले परमप्रभुया देगलय् थथे धया सुभाय्‌या बलि हइपिनिगु सः ताये दइ, “‘दक्‍व शक्ति दुम्‍ह परमप्रभुयात सुभाय् ब्‍यु, छाय्‌धाःसा वय्‌कः भिंम्‍ह खः, वय्‌कःया दया सदां दयाच्‍वनी।’ “छाय्‌धाःसा जिं व देशयागु भिंगु दिं हाकनं लित बियाः न्‍हापायागु थें यानाबी,” परमप्रभुं धयादी।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

भजनसंग्रहया सफू 48:12

हे परमेश्‍वरया मनूत, सियोनया प्‍यखेरं चाःहिलाः ग्‍वःगः धरहरा दु ल्‍याःखा!

भजनसंग्रहया सफू 31:21

परमप्रभुयात तःधंकि, छाय्‌धाःसा वय्‌कलं जितः थःगु सदां दयाच्‍वनीगु अजू चायापुगु माया क्‍यनादीगु दु। जिगु शहरय् हमला यायेत वःबलय् वय्‌कलं जितः बचय् यानादिल।

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

यशैया 12:1

व दिंखुन्‍हु छिमिसं थथे धाइ, “हे परमप्रभु, जिं छिगु प्रशंसा याये! छि जिनापं तंचायादीगु दु, अय्‌नं आः छिगु तं क्‍वलाय् धुंकूगु दु अले छिं जितः सान्‍त्‍वना बियादीगु दु।

यशैया 5:1

जिं थः यःम्‍हय्‌सियागु निंतिं छपु म्‍ये हाले, अले वयागु दाखक्‍यबया बारे म्‍ये हाले– यक्‍व सइगु डाँडाय् जिमि यःम्‍ह छम्‍हय्‌सिया छगू दाखक्‍यब दु।

यशैया 2:20

व दिंखुन्‍हु मनूतय्‌सं आराधना यायेत थःम्‍हं दय्‌कूगु वहः व लुँया मूर्तित छुं व चिकंलापाया न्‍ह्यःने वान्‍छ्वया बी।

यशैया 2:11

परमप्रभुया दिं वयाः मनूतय्‌गु फुइँ व तःधंछु नाश जुयावनी। थ्‍व दिंखुन्‍हु परमप्रभुयात जक तःधंकेगु जुइ।

एज्रा 3:11

इमिसं परमप्रभुयात प्रशंसा यानाः व सुभाय् बियाः थथे धकाः भजन हाल, “वय्‌कः भिंम्‍ह खः, इस्राएलया निंतिं वय्‌कःया दयामाया सदां दयाच्‍वनी न्‍ह्याबलें दयाच्‍वनी।” अले सकलें मनूतय्‌सं तसलं हालाः परमप्रभुयात तःधंकल, छाय्‌धाःसा देगःया जग तये धुंकूगु खः।

गन्‍ती 21:17

उबलय् इस्राएलीतय्‌सं थ्‍व म्‍ये हाल, “हे तुं, लः पिका! उकिया बारे म्‍ये हा,

यशैया 4:2

व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्‍वंपिं फुक्‍कसिगु निंतिं जमिनया फल छगू लसता व गौरवयागु जुइ।

यशैया 14:31

हे शहरया मू ध्‍वाखात तःसलं ख्‍व! छिपिं सकलें पलिश्‍तीतय्‌सं भय का! उत्तरपाखें कुँया सुपाँय् वयाच्‍वंगु दु, वया सिपाइँतय् झ्‍वलय् छम्‍ह नं ग्‍याइ मखु।

यशैया 31:5

चखुंतय्‌सं थःगु स्‍वँयात रक्षा याःथें दक्‍व शक्ति दुम्‍ह परमप्रभुं यरूशलेमयात रक्षा यानादी। अले उकियात छुत्‍कारा यानादी। वय्‌कः उकियात पुलाः झायादी अले उकियात उद्धार यानादी।”

यशैया 31:9

इमि जुजु ग्‍यानाः बिस्‍युं वनी अले इमि सेनापतित लडाइँया ध्‍वाँय् खनाः ग्‍यानाः आत्ते जुइ।” परमप्रभु, सुयागु मि सियोनय् अले भट्टी यरूशलेमय् दु, वय्‌कलं धयादीगु दु।

यशैया 33:5

परमप्रभु दक्‍वसिबय् तःधंम्‍ह जुयादीगु दु, छाय्‌धाःसा वय्‌कः दक्‍वसिबय् च्‍वय् च्‍वनादी। वय्‌कलं सियोनयात न्‍याय व धार्मिकतां जाय्‌कादीगु दु।

यशैया 33:6

छिमिगु ईया निंतिं वय्‌कः बल्‍लाःगु जग व मुक्ति अले ज्ञान व बुद्धिया तसकं मू वंगु धुकू जुयादी। परमप्रभुया भय कायेगु हे धुकूया ताःचा खः।

यशैया 56:5

जिं जिगु देगलय् व उकिया पःखाःया दुने च्‍वंपिं काय् म्‍ह्याय्‌पिन्‍त स्‍वयाः अप्‍वः हनाबना याकेबी, अले इमित तसकं भिंगु नां बी। जिं इमित सदां दयाच्‍वनीगु नां बी।

यशैया 62:10

हुँ, मू ध्‍वाखापाखें जुयाः हुँ! मनूतय्‌गु निंतिं लँपु दय्‌कि! दय्‌कि, मू लँ दय्‌कि! अन दुगु ल्‍वहंत चीकाछ्व। अले जाति जातितय्‌गु निंतिं चिंया झण्‍डा धस्‍वाकि।

इजकिएल 40:5

देगःया पिने छचाःखेरं पःखाः दुगु जिं खना। व मनूया ल्‍हातय् नापे यायेगु कथि दु। व नापे यायेगु कथि ३.२ मिटर ताहाकः। वं पःखाः नापे यात, पःखाः ३.२ मिटर तज्‍जाः व उकिया ब्‍या ३.२ मिटर दु।

भजनसंग्रहया सफू 48:4

जुजुतय्‌सं जानाः सियोन पर्वतय् हमला याः वल।

जकरिया 2:9

जिं धात्‍थें हे थःगु ल्‍हाः इमिगु विरोधय् ल्‍ह्वने अले इमि दासतय्‌सं इमित हे लुतय् याइ।” थुकिं यानाः दक्‍व शक्ति दुम्‍ह परमप्रभुं हे जितः छ्वयाहयादीगु खः धकाः छिमिसं सी।