यशैया 24:8 - नेवाः बाइबल

⁸ इमिगु दम्‍फु व वीणाया लसतां जाःगु संगीत दी धुंकूगु दु। न्‍ह्यइपुकेगु म्‍ये हालीपिनिगु सः दीगु दु।

यशैया 24:8 Referans Kwoze

होशे 2:11

जिं वयागु दक्‍व लसताया नखःचखः, लय्‌पतिकंया अमइया नखः, विश्रामबारया दिं – क्‍वःछिनातःगु फुक्‍क नखःचखः बन्‍द यानाबी।

प्रकाश 18:22

अले वीणा, म्‍ये, बाँसुरी व तुरहीयागु सः अन गुबलें हे न्‍यनेदइ मखु। कःमितय्‌सं दय्‌कातःगु सामान नं अन लुइके फइ मखु। घःक्‍यःगु सः नं अन गुबलें हे ताये दइ मखु।

इजकिएल 26:13

जिं छंगु म्‍येयागु सः दिकाबी। छंगु वीणाया सः हाकनं ताये दइ मखु।

यर्मिया 7:34

जिं यहूदाया शहर व यरूशलेमया गल्‍लि गल्‍लिइ न्‍ह्यूगु सः व लसताया सः, भम्‍चा व जिलाजंया सः मदय्‌काबी। छाय्‌धाःसा देश झिजांमिजां दनी।”

यर्मिया 25:10

जिं इमिगु दथुं लसता व आनन्‍दया सः, भम्‍चा व जिलाजंया सः, घःल्‍वहंया सः व मतया जः चीकाछ्वये।

यर्मिया 16:9

छाय्‌धाःसा दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, जिं थम्‍हं हे छंगु मिखाया न्‍ह्यःने छंगु हे इलय् थ्‍व थासय् लसताया सः, आनन्‍दया सः, भम्‍चा व जिलाजंया सः जिं बन्‍द यानाबी।

यशैया 5:12

इमिगु भ्‍वय्‌लय् वीणा, सारंगी, खैँजडी, बाँसुरी व दाखमद्य दइ। तर इमिसं परमप्रभुं छु यानादी धयागु बारे छुं हे बिचाः याइ मखु।

अय्‍यूब 30:31

जिगु वीणाया लय् मृत्‍युया म्‍ये जूगु दु, जिगु बाँसुरी धाःसा ख्‍वःपिनिगु सः थें जूगु दु।”

भजनसंग्रहया सफू 137:2

अन लिक्‍क दुगु सिमाय् जिमिसं थथःगु वीणा यख्‍खानाबिया।

यशैया 5:14

चिहानं नयेपित्‍याकाः थःगु म्‍हुतु वांखायाः पियाच्‍वंगु दु। वं यरूशलेमया घरानियानापं इमि ल्‍वापुखिचात व हाहू याइपिन्‍त नुनाछ्वइ।

यशैया 16:10

आः प्‍याःगु बुँया निंतिं लय्‌ताय् माःगु मदु। दाखक्‍यबय् सुं हा सः दइ मखु, अले म्‍ये नं हालाः हइ मखु, अले दाखया गालय् दाख नं तिसी मखु। छाय्‌धाःसा जिं इमिगु लसताया सः दिकाबियागु दु।

विलाप 5:14

थकालिपिं शहरया मू ध्‍वाखाय् मुनेगु त्‍वःतूगु दु, ल्‍याय्‌म्‍हपिं मनूतय्‌सं थःगु संगीत त्‍वःतूगु दु।

इजकिएल 28:13

छ ला परमेश्‍वरया क्‍यब अदनय् दुम्‍ह खः, छन्‍त फुक्‍क मू वंगु थीनं बांलाकःगु दु – कार्नेलेन, पुखराज, पन्‍ना, पुष्‍पराज, आनिक्‍स, बिल्‍लौर, नीलम, यू व फिरोजां, छ बांलाकाच्‍वंगु दु। छंगु मणिक्‍ययात लुं हिनातःगु दु। छन्‍त दय्‌कू खुन्‍हु हे उमित तयार याःगु खः।

अय्‍यूब 3:7

व चान्‍हय् सुं नं मचा मबुइमा, अले व चान्‍हय् छुं नं लसताया सः ताये मदयेमा।

आमोस 6:7

अथे जुयाः ज्‍वंकावनीपिं दकलय् न्‍हापालाक छिपिं हे जुइ, आकाझाकां छिमिगु भ्‍वय् व मोजमज्‍जा क्‍वचाइ।