यशैया 24:3 - नेवाः बाइबल

³ पृथ्‍वी फुक्‍क नाश जुयावनी अले फुक्‍क थासय् लुतय् यायेगु याइ, परमप्रभुं हे थ्‍व खँ धयादीगु खः।

यशैया 24:3 Referans Kwoze

यशैया 24:1

स्‍व, परमप्रभुं पृथ्‍वीयात झिजांमिजां यानादी। वय्‌कलं उकियात नाश यानादी, वय्‌कलं पृथ्‍वीया सतहयात तहसनहस यानादी, अन च्‍वंपिं मनूतय्‌त छ्यालब्‍याल यानादी।

यशैया 6:11

अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

मीका 4:4

दक्‍व मनूत थःगु दाखमाया क्‍वय् व थःगु यःमरिमाया क्‍वय् च्‍वनेगु याइ। सुनानं इमित ख्‍याइ मखु, छाय्‌धाःसा दक्‍व शक्ति दुम्‍ह परमप्रभुं हे न्‍ववानादीगु दु।

इजकिएल 36:4

उकिं हे इस्राएलया पहाडत, परमप्रभु परमेश्‍वरया वचन न्‍यँ– छिमिगु प्‍यखेरं च्‍वंपिं जातितय्‌सं लुतय्‌ याःगु व क्‍वह्यंकूगु पर्वतत व डाँडात, खुसिचा व ब्‍यासित, दुनाच्‍वंगु छेँत व झिजांमिजां दंगु शहरतय्‌त परमप्रभु परमेश्‍वरं थथे धयादी –

यशैया 22:25

दक्‍व शक्ति दुम्‍ह परमप्रभुं धयादी, “व दिंखुन्‍हु व तसकं बल्‍लाःगु थासय् तानातःगु की लिहां वइ। व त्‍वधुलाः बँय् कुतुं वनी, उकी यग्‍गानाच्‍वंगु कु नाश जुइ,” परमप्रभुं धयादी।

यशैया 21:17

धनुष वाण कय्‌किपिं, केदारयापिं तसकं बल्‍लाःपिं मध्‍ये बचय्‌जूपिं कम जक ल्‍यं दइ।” परमप्रभु इस्राएलया परमेश्‍वरं थथे हे धयादीगु दु।

२ इतिहास 36:21

यर्मियाया म्‍हुतुं पिहां वःगु परमप्रभुया वचन पूवनेत न्‍हयेदँ (७०) पुला मवंतले, झिजांमिजां दनाच्‍वंतले देशं थःगु विश्राम दँत हनाच्‍वन।

व्‍यवस्‍था 29:28

परमप्रभु तच्‍वकं तंचायादिल अले तच्‍वःगु तंम्‍वय् इमित थःगु देशं लिनाः मेगु देशय् वांछ्वयादिल। व थौं तक नं जुयाच्‍वंगु दु।”

व्‍यवस्‍था 29:23

थ्‍व देशया फुक्‍क जमिन चि व गन्‍धकं झौ जुइ। अन छुं पी नं मज्‍यू, छुं बुया नं वइ मखु, अन घाँय्‌ तक नं बुयावइ मखु। थ्‍व परमप्रभुं थःगु तंम्‍वय् नाश यानादीगु सदोम व गमोरा, अदमा व सबोयीम थें जुइ।

यर्मिया 13:15

स्‍व! ध्‍यान बियाः न्‍यँ! तःधं जुइ मते, छाय्‌धाःसा परमप्रभुं थथे धयादीगु दु।

यशैया 5:6

जिं व क्‍यबयात ज्‍याख्‍यलय् मदुगु यानाबी, उकियात न कचा न्‍हाय् न बुँ पाले, तर झाः व कँ बुया वइ। अन वा मवयेमा धकाः सुपाँय्‌यात नं उजं बी।”

यशैया 24:2

पुजाहारी व प्रजा, मालिक व च्‍यः, न्‍याइपिं व मिइपिं, त्‍यासा काइपिं व त्‍यासा बिइपिं, तःमिपिं व मगाःमचाःपिं फुक्‍कसिगु दशा अथे हे जुइ।

यशैया 24:4

पृथ्‍वीइ गनाः सुकूचिनी, संसार कमजोर जुइ अले सुकूचिनी, पृथ्‍वीयापिं ततःधंपिं मनूत बःमलानावनि।

मीका 2:4

उगु दिनय् मनूतय्‌सं छिमित हेस्‍याइ अले छिमित लाय्‌बुयाः थ्‍व बिलापया म्‍ये हाली, ‘जिपिं भज्‍यंक नाश जुल, जिमि मनूतय्‌गु सम्‍पत्ति इनाब्‍यूगु दु, वय्‌कलं थ्‍व जिपाखें लाकाकयादी। वय्‌कलं जिमिगु बुँ जिमित ध्‍वं लाइपिन्‍त इनाबियादी।’”

यशैया 42:22

तर थ्‍व छगू थज्‍याःगु जाति खः, सुयात लुतय् याःगु दु। इमित कैदी यानाः कालकोठरीइ कुनातःगु दु। इमित लुतय् याःगु दु, अले इमित त्‍वःतकेत व लित छ्वयेत सुं नं वइ मखु।