यशैया 21:4 - नेवाः बाइबल

⁴ जिगु नुगः थातय् मलाना च्‍वंगु दु। जि ग्‍यानाः थरथर खानाच्‍वंगु दु। जिं मनंतुनाच्‍वनागु सन्‍ध्‍याकाः ई नं जिगु निंतिं तच्‍वःगु भय जूगु दु।

यशैया 21:4 Referans Kwoze

नहूम 1:10

इपिं कंझालय् अलमलय् जुयाच्‍वनी, अले इपिं दाखमद्यं काय्‌काच्‍वनी। इपिं गनावने धुंकूगु छ्वख्‍वः थें भस्‍म जुइ।

दानिएल 5:5

आकाझाकां छम्‍ह मनूया ल्‍हाः खनेदत। अन लाय्‌कुलिइ त्‍वाःदेवाःया जः न्‍ह्यःने लेवं पानातःगु अंगलय् छुं च्‍वल। ल्‍हातं च्‍वयाच्‍वंगु जुजुं स्‍वयाच्‍वन।

दानिएल 5:1

बेलसजर जुजुं थः द्वःछिम्‍ह भारदारतय्‌गु लागि छगू तःधंगु भ्‍वय् न्‍याय्‌कल। इपिं लिसे वं दाखमद्य त्‍वन।

यर्मिया 51:57

जिं इमि हाकिमत, अले बुद्धि दुपिं मनूतय्‌त काय्‌काबी, वया बडा-हाकिमत, हाकिमत व सिपाइँतय्‌त नं। इपिं न्‍ह्याबलेंया निंतिं द्यनी अले दनी मखु,” परमप्रभुं धयादी गुम्‍हय्‌सिगु नां दक्‍व शक्ति दुम्‍ह परमप्रभु खः।

यर्मिया 51:39

इपिं दने धुंकाः जिं इमिगु निंतिं छगू भ्‍वय् तयार याये। अले इमित काय्‌के, अले इपिं न्‍हिलाः चिल्‍लाय् दनाः हाली अले सदांयात द्यनी। इपिं गुबलें दनी मखु,” परमप्रभुं धयादी।

एस्‍तर 5:12

हामाननं धाल, “उलि जक मखु, रानी एस्‍तरं ज्‍वरय् याःगु भ्‍वय् नयेत जुजु व जितः जक इनाप याःगु खः। अले कन्‍हय् नं जितः जुजुनापं वं ज्‍वरय् याःगु भ्‍वय् नयेत इनाप याःगु दु।

व्‍यवस्‍था 28:67

न्‍ह्यागु खँसां नं छिपिं थुरथुर खाइ। सुथय् छिमिसं धाइ, “बहनी जूसा ला ज्‍यूनि,” अले बहनी धाइ, “सुथय् जूसा ला ज्‍यूनि।”

दानिएल 5:30

उखुन्‍हु चान्‍हय् बेबिलोनीतय् जुजु बेलसजरयात स्‍यात।

व्‍यवस्‍था 32:11

स्‍वँयात संकाः इमा थः मचाया च्‍वय् फसय् ब्‍वया जू थें, वय्‌कलं थःगु पपू चक्‍कंकाः इमित पपुतिइ तयाः यंकादिल।

भजनसंग्रहया सफू 55:5

ग्‍यानाः जि थुरथुर खाये धुन जिगु म्‍हय् ज्‍यू मदये धुंकल।

१ राजा 1:49

उकिं अदोनियाहया पाहांत ग्‍यानाः थुरथुर खात, अले दनाः थथःगु थासय् वन।

भजनसंग्रहया सफू 55:6

अले जिं धया, “जिके सुकुभत्तुयाके थें पपू दुगु जूसा ब्‍वयावनाः मन याउँक च्‍वनेगु खः।

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।