यशैया 21:12 - नेवाः बाइबल

¹² पाःच्‍वंम्‍ह पालें लिसः बिल, “सुथ जुइन अले चान्‍हय् नं जुइन। छं छुं न्‍यनेमाःगु दःसा न्‍यं, अले हाकनं लिहां वा।”

यशैया 21:12 Referans Kwoze

इजकिएल 7:12

ई वःगु दु, दिं लिक्‍क वये धुंकल। न्‍याइम्‍ह लय्‌मतायेमा। मीम्‍ह दुःखी मजुइमा। छाय्‌धाःसा तं इमि फुक्‍क भीडयाके लाःगु दु।

इजकिएल 7:10

“‘व दिं थ्‍व हे खः। व वःगु दु। छंगु नाश पिहां वये धुंकल, मनूतय्‌गु मभिंगु ज्‍या व घमण्‍डया स्‍वां ह्वयावःगु दु।

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

यशैया 17:14

सन्‍ध्‍याकाः इलय् छक्‍वलं भय वइ। सुथय् जुइ न्‍ह्यः तक उपिं दयाच्‍वनी मखु। जिमिगु देय् लुतय् याइपिनिगु गतिपति नं अथे हे जुइ।

यर्मिया 50:27

वया फुक्‍क द्वहंचात स्‍यानाब्‍यु! उपिं स्‍याइगु थासय् यंकेमाः! इमित धिक्‍कार दु! छाय्‌धाःसा इमिगु दिं वःगु दु। इमित सजाँय बीगु ई थ्‍यंकः वल।

यशैया 21:11

दुमाया बारे अगमवाणी– अय् पाः च्‍वनीपिं पालेत चा गुलि ल्‍यंदनि? अय् पाःच्‍वंम्‍ह पाले चा गुलि ल्‍यंदनि? सुं छम्‍हय्‌सिनं सेइरपाखें जितः धयाच्‍वंगु दु।

यशैया 21:13

अरबया बारे अगमवाणी– अय् अरब देशया झालय् बाय् च्‍वनीपिं ददानी बन्‍जातय् पुचः,

ओबदिया 1:1

ओबदियायागु दर्शन। परमप्रभु परमेश्‍वरं एदोमयागु बारे थथे धयादी, जिमिसं परमप्रभुपाखें थ्‍व बुखँ न्‍यनागु दु। छम्‍ह दूतयात जाति जातितय्‌थाय् थथे धाय्‌के छ्वःगु खः, “दँ! झीपिं एदोमनापं लडाइँ याः वनेनु।”

इजकिएल 33:11

उकिं छं इमित थथे धा, ‘गथे जि धात्‍थें म्‍वाःम्‍ह खः, जि, परमप्रभु परमेश्‍वर न्‍ववानागु दु, मभिंपिं मनूत सीगु खनाः जि लय्‌ताय् मखु, तर इमिसं थःगु मभिंगु पहःचहः त्‍वःताः इपिं म्‍वाःगु जितः स्‍वयेमास्‍ति वः। थःगु मभिंगु पहःचहः त्‍वःति! अय् इस्राएलया घराना छिपिं छाय् सीगु?’