यशैया 21:10 - नेवाः बाइबल

¹⁰ अय् जिमि प्रजा, दाइँ याइगु खलय् हायातःपिं! दक्‍व शक्ति दुम्‍ह परमप्रभु इस्राएलया परमेश्‍वरपाखें जिं छु न्‍यनागु दु, व जिं छिमित धाये।

यशैया 21:10 Referans Kwoze

यर्मिया 51:33

दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “बेबिलोन खलाया न्‍हुइत्‍यंगु छ्व थें खः। व लइगु ई याकनं वइ।”

मीका 4:13

“हे सियोनया म्‍ह्याय्, दनाः अन्‍नयात दा, छाय्‌धाःसा जिं छन्‍त नँयागु नेकूत बी, जिं छन्‍त कँय्‌यागु ख्‍वः बी, अले छं यक्‍व हे जातितय्‌त कुचा कुचा याये फइ।” इमिगु अधर्मयागु कमाइ अले इमिगु सम्‍पत्ति सारा पृथ्‍वीयाम्‍ह परमप्रभुयात देछाइ।

मत्ती 3:12

वय्‌कलं ल्‍हातिइ हासा ज्‍वना तयादीगु दु। वय्‌कलं फुक्‍क छ्व हायाः थःगु धुकुतिइ स्‍वथनादी। अले छ्वस जुक्‍व गुबलें मसीगु मिइ छ्वय्‌कादी।”

२ राजा 13:7

यहोआहाजयाके नेय्‌म्‍ह सलगइपिं सिपाइँ, झिगः रथ व झिद्वः न्‍यासि जुइपिं सिपाइँत जक ल्‍यनाच्‍वन। वयाके मेपिं सिपाइँत मल्‍यन। छाय्‌धाःसा अरामया जुजुं वया मेपिं सिपाइँतय्‌त स्‍यानाः खलाया धू थें यानाब्‍यूगु खः।

हबकूक 3:12

तसकं तमं छि पृथ्‍वी थुखे उखे न्‍यासि झायादिल। तमं छिं जात जातिया मनूतय्‌त न्‍हूतु न्‍हूयादिल।

१ राजा 22:14

तर मीकायां धाल, “धात्‍थें परमप्रभु म्‍वाःम्‍ह खः थें, परमप्रभुं जितः छु धयादी, जिं व हे जक नवाये।”

इजकिएल 40:4

वं जितः धाल, “अय् सीमानिम्‍ह मनू, छंगु मिखां स्‍व, अले थःगु न्‍हाय्‌पनं न्‍यँ, जिं छन्‍त छु छु क्‍यने उकी ध्‍यान ब्‍यु! छाय्‌धाःसा थुकियागु निंतिं हे जिं छन्‍त थन हयागु खः। छं थन छु छु खना, व फुक्‍क इस्राएलया घरानायात धयाब्‍यु!”

यशैया 28:28

मरि दय्‌केगु निंतिं छ्वचुं क्‍यले हे माः, सुनानं उकियात दायाच्‍वनी मखु। अले गाडाया घःचाः उकिया द्यःनेपाखें यंकूसां सलं छ्वचुं क्‍यली मखु।

यर्मिया 23:28

सुं अगमवक्तां म्‍हगस खंगु दुसा वं वयागु म्‍हगस कनेमा, तर सुयाके जिगु वचन दु वं जिगु वचन खःकथं कनेमा। जि, परमप्रभुं धाये, छ्वालिनापं छ्वयागु छु स्‍वापु?

आमोस 3:8

सिंह गर्जय् जुइबलय् सु मग्‍याइ? परमेश्‍वरं न्‍ववानादीबलय् सुनां अगमवाणी न्‍वमवासे च्‍वने फइ?