यशैया 20:3 - नेवाः बाइबल

³ अनंलि परमप्रभुं धयादिल, “गुकथं जिमि दास यशैया मिश्र देश व कूश देशया ग्‍यानापुगु दुःखया चिं जुइमाः धकाः स्‍वदँ तक पचिंनांगा व लाकां मदय्‌क न्‍यासि जुल,

यशैया 20:3 Referans Kwoze

यशैया 8:18

जि व परमप्रभुं जितः बियादीपिं काय्‌म्‍ह्याय्‌पिं थन हे दु। सियोन पर्वतय् च्‍वनादीम्‍ह दक्‍व शक्ति दुम्‍ह परमप्रभुयापाखें जिपिं इस्राएलय् चिं व छुमा खः।

यशैया 43:3

छाय्‌धाःसा जि परमप्रभु छिमि परमेश्‍वर खः, इस्राएलया पवित्र परमेश्‍वर, छिमि मुक्तिदाता। छन्‍त त्‍वतकेत मिश्र देश अले छंगु पलेसा कूश व सेबा जिं बी।

यशैया 37:9

अश्‍शूरी जुजु सनहेरीबं मिश्र देशयाम्‍ह कूशी जुजु तिर्हाकाह थःलिसें लडाइँ यायेत वयाच्‍वंगु दु धयागु बुखँ न्‍यनाः वं हिजकियायाथाय् दूततय्‌त थथे धाय्‌के छ्वल,

गन्‍ती 14:34

छिमिसं व देशय् चिवा कायेत पिइन्‍हु बिकूगु खः। उकिं छन्‍हुया दच्‍छि ल्‍याखं पिइदँ तक छिमिसं थःगु पापया सजाँय फयेमाली। थुकथं छिमिसं जिगु विरोध छु खः धकाः सी।’

इजकिएल 4:3

अनंलि छपा नँपाता कयाः उकियात छ व शहरया दथुइ छगू नँयागु पःखाः थें तयाब्‍यु! अले थःगु ख्‍वाः शहरपाखे स्‍वय्‌कि! व घेराय् लाःगु दु, छं उकियात घेरय् यानाः का। इस्राएलया घरानायात थ्‍व छगू चिं जुइ।

इजकिएल 12:6

इमिसं स्‍वयाच्‍वंबलय् हे व सामान छंगु ब्‍वहलय् ति, अले सन्‍ध्‍याकाः इलय् व क्‍वबिया यंकि। छं त्‍वःताच्‍वंगु देश मखनेमा धकाः छं थःगु ख्‍वाः त्‍वःपु। छाय्‌धाःसा जिं छन्‍त इस्राएलया घरानाया निंतिं छगू चिं यानागु दु।”

इजकिएल 30:6

“‘परमप्रभुं थथे धयादी, “‘मिश्र देशनापं मिलय् जूपिं पतन जुइ, मिश्रीतय्‌सं घमण्‍ड याइगु शक्ति पतन जुइ। वया उत्तरय् मिग्‍दोलंनिसें दच्‍छिनय् आश्‍वान तक च्‍वंपिं मनूतय्‌त तरवारं स्‍याइ।’” जि, परमप्रभु परमेश्‍वर न्‍ववानागु दु।

जकरिया 3:8

“‘हे यहोशू, दकलय् तःधंम्‍ह पुजाहारी व छंगु न्‍ह्यःने च्‍वनीपिं मेपिं पुजाहारी, गुपिं वइतिनिगु खँया चिं खः, सकसिनं थ्‍व खँ न्‍यँ– जिं जिमि दास, कचायात हये।

यशैया 19:4

जिं मिश्रीतय्‌त छम्‍ह तसकं मभिंम्‍ह शासकया ल्‍हातय् लःल्‍हानाबी। छम्‍ह दयामाया मदुम्‍ह जुजुं इमित शासन याइ।” प्रभु, दक्‍व शक्ति दुम्‍ह परमप्रभु न्‍ववानादीगु दु।

यर्मिया 13:1

परमप्रभुं जितः थथे धयादिल, “वनाः छपु सुतिया जनी न्‍या, अले व छंगु जँय् च्‍यु, तर उकियात लखं प्‍याके मते।”

इजकिएल 4:1

“आः अय् सीमानिम्‍ह मनू, छपा अप्‍पा कयाः उकियात थःगु न्‍ह्यःने ति, अले उकी यरूशलेम शहरयागु नक्‍सा च्‍व।

इजकिएल 30:4

मिश्र देशय् लडाइँ जुइ, कूश देशय् नं संकट वइ। स्‍याःपिं मनूत मिश्र देशय् क्‍वःदलीबलय् उकिया धन-सम्‍पत्ति यंकीगु जुइ। उकिया जग थुनाबीगु जुइ।

सपन्‍याह 2:12

“हे कूशय् च्‍वंपिं मनूत छिमित नं जिगु तरवारं स्‍याइतिनि।”