यशैया 2:7 - नेवाः बाइबल

⁷ इमिगु देश लुँ व वहलं जाःगु दु अले अन च्‍वंपिन्‍त धन-सम्‍पत्ति छुं हे मगाःमचाः जूगु मदु। इमिगु देश सलया सलं जक जाःगु दु अले इमिगु रथला ल्‍याः खाये हे मफु।

यशैया 2:7 Referans Kwoze

यशैया 31:1

धिक्‍कार छिमित, सु मिश्र देशय् ग्‍वाहालिया निंतिं वनी अले सलतय्‌के भरोसा तइ। अले इमिसं अल्‍याख रथत व सल गइपिनिगु तःधंगु शक्तिइ भरोसा याइ, तर इमिसं इस्राएलया पवित्र परमेश्‍वरपाखे स्‍वइ मखु अले परमप्रभुया ग्‍वाहालियात माली मखु।

यशैया 30:16

छिमिसं धाल, ‘मखु, जिपिं ला सल गयाः बिस्‍युं वने।’ अथे जुयाः छिपिं बिस्‍युं हे वने मालीतिनि! इमिसं धाल, ‘जिपिं याकनं सल गयाः बिस्‍युं वने।’ अथे जुयाः छिमित लिनाहइपिं याकनं वइतिनि।

भजनसंग्रहया सफू 20:7

गुलिं मनूत थःगु रथया भलसाय् च्‍वनी, गुलिं मनूत थःगु सलया भलसाय् च्‍वनी, झी धाःसा परमप्रभु झी परमेश्‍वरया भलसाय् च्‍वने।

मीका 5:10

परमप्रभुं थथे धयादी “व दिं, जिं छिमि सलतय्‌त छिमि दथुइनं न्‍हंकाबी, अले छिमिगु रथत नाश यानाबी।

प्रकाश 18:3

छाय्‌धाःसा वयागु व्‍यभिचारयागु ख्‍वल्‍चां त्‍वंगुलिं फुक्‍क जात जातियापिं मनूत नाश जुइ धुंकल। पृथ्‍वीयापिं जुजुपिन्‍सं व नाप व्‍यभिचार यात। वयागु गुबलें हे पूमवनीगु इच्‍छां यानाः संसारयापिं व्‍यापारीत तसकं हे धनी जुल।”

होशे 14:3

अश्‍शूरं जिमित बचय् याये फइ मखु, जिपिं सल गयाः लडाइँ याः वने मखु। जिमिसं हाकनं गुबलें थःगु ल्‍हातं दय्‌कागु मूर्तियात ‘जिमि द्यःत’ धकाः धाये मखु, छाय्‌धाःसा छिपाखें मांबौ मदुपिन्‍त कृपा दइ।”

१ राजा 4:26

सोलोमनया रथया सलत तयेत प्‍यद्वः (४,०००) क्‍वथात दु। वया झिंनिद्वःम्‍ह (१२,०००) सल दु।

यशैया 57:17

जि इमिसं याःगु पाप व लोभया कारणं तंम्‍वयागु खः। जिं इमित सजाँय बिया, अले जिगु ख्‍वाः इपिंपाखें सुचुका। अय्‌नं इमिसं थःगु हे पहःचहलय् जिराहा जुयाच्‍वन।

अय्‍यूब 3:15

वा लुँ हे लुँ दुपिं राजकुमारतनापं दइगु, गुपिन्‍सं थःगु छेँत वहलं जाय्‌कल।