यशैया 2:21 - नेवाः बाइबल

²¹ पृथ्‍वीयात लिगिलिगि संकेत परमप्रभु दनादीबलय्, परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

यशैया 2:21 Referans Kwoze

यशैया 2:19

परमप्रभुं पृथ्‍वीइ ग्‍यानापुगु छ्वया हयादीबलय् परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

यशैया 2:10

परमप्रभुया दण्‍डपाखें बचय् जुइत व वय्‌कःया महिमा, तःजिगु शक्तिपाखें सुपिलेत इपिं तग्‍वःगु ल्‍वहं व गुफाय् दुहांवनी।

श्रेष्‍ठगीत 2:14

छ पहाडया कापि व तग्‍वःगु ल्‍वहंया पाःचाय् च्‍वनीम्‍ह सुकुभत्तु थें च्‍वँ, छंगु ख्‍वाः जितः क्‍यं, छंगु सः न्‍यने दयेमा, छाय्‌धाःसा छंगु सः तसकं न्‍यने यइपुसे च्‍वं व छंगु ख्‍वाः तसकं बांलाः।

अय्‍यूब 30:6

इपिं गंगु खुसिया चिरिबाःगु जमिनय् व ततःग्‍वःगु ल्‍वहंधीया कापीइ च्‍वनेमाल।

प्रस्‍थान 33:22

जिगु महिमा अनं जुया वनीबलय् जिं छन्‍त व ल्‍वहंयागु कापिचाय्‌ तयाबी। अले अनं जुया मवंतले छन्‍त जिगु ल्‍हातं हे त्‍वपुयातये।

अय्‍यूब 9:6

वय्‌कलं पृथ्‍वीयात उकिया थासं संकादी। उकिया थांत थुरथुर खाइ।

यशैया 24:18

सु ग्‍यानाः बिस्‍युं वनी, व गालय् लाइ। सु गालं थाहां वइ व स्‍वःतिपाँय्‌लय् तक्‍यनी। स्‍वर्गया झ्‍याः चाइ अले पृथ्‍वीया जग तसकं सनी।

यशैया 33:10

परमप्रभुं धयादी, “आः जि दने। आः जिं थःत थकाये। आः जिं थःत तःधंके।

यर्मिया 16:16

“तर आः जिं यक्‍व न्‍या लाइपिं छ्वये, इमिसं थुपिं मनूतय्‌त लाइ,” परमप्रभुं धयादी। “अनंलि जिं थःम्‍हं हे यक्‍व शिकारीतय्‌त छ्वये, इमिसं थुमित फुक्‍क पर्वत, डाँडा व गुफां मामां लिकाइ।

२ शमूएल 22:46

थःगु साहस तंकाः इपिं थःपिनिगु किल्‍लां ग्‍याग्‍यां पिहां वल।

यशैया 7:19

उपिं वयाः चिब्‍यागु काप्‍चाय्, ल्‍वहं कापिचाय्‌, कंझालय् व फुक्‍क लः प्‍वालय् च्‍वंवइ।

होशे 10:8

इस्राएलया पाप अर्थात दुष्‍टताया ततःजाःगु थाय् नाश जुइ। इमिगु वेदीइ कं व झाः बुया वइ। अले इमिसं पाहाडयात धाइ, “जिमित त्‍वपु।” अले डाँडायात धाइ, “जिमित ल्‍हाः वा।”