यशैया 19:5 - नेवाः बाइबल

⁵ खुसिया लः सुनावनी। अले नील खुसि बिस्‍तारं सुनावनाः गंगु बँ जुइ।

यशैया 19:5 Referans Kwoze

यर्मिया 51:36

उकिं परमप्रभुं थथे धयादी, “स्‍व! जिं छंगु पंली अले छंगु निंतिं जिं हे बदला काये। जिं वयागु समुद्र सुकाबी, वयागु लःया मूल सुकाबी।

इजकिएल 30:12

जिं नील खुसिया लः गंकाबी अले व देशयात दुष्‍ट मनूतय्‌गु ल्‍हातय् मियाबी। व देश व उकी दुगु फुक्‍कयात जिं विदेशीतय्‌गु ल्‍हातं तहसनहस यानाबी। जि परमप्रभुं थ्‍व खँ धयागु खः।

जकरिया 14:18

मिश्रयापिं मनूत च्‍वय् थाहां मवंसा इमिथाय् वा वइ मखु अले बल्‍चाबाय्‌या नखः हनेत च्‍वय् थाहां मवंपिन्‍थाय् छ्वयादीगु विपत्ति हे परमप्रभुं इमिथाय् नं छ्वयादी।

जकरिया 10:11

इपिं दुःखकष्‍टया समुद्र छिनावनी। समुद्रया किसिद्वम्‍बः तनावनी। नील खुसिया लः फुक्‍क सुनावनी। अले अश्‍शूरया घमण्‍ड चूर जुइ, मिश्रया शासन फुनावनी।

अय्‍यूब 14:11

गथे खुसिया लः बुलुहुं बुलुहुं कम जुयावनी, अथवा गथे पुखूया लः कम जुयाः सुनावनी,

यशैया 15:6

निम्रीमया लः सुनावन, अन लिक्‍क च्‍वंगु घाँय्‌त सुकूचिना वन, छुं नं वाउँगु धयागु हे मन्‍त।

यशैया 23:11

परमप्रभुं थःगु ल्‍हाः समुद्रय् चकंकादीगु दु। अले जःखः च्‍वंगु राज्‍ययात थरथर खाके बियादीगु दु। वय्‌कलं फोनिकेया किल्‍लात नाश यायेत उजं बियादीगु दु।

यशैया 50:2

छाय् जि वयाबलय् छम्‍ह नं मनूत अन मदुगु? जिं सःताबलय् लिसः बीत छाय् अन छम्‍ह नं मदुगु? छु जिगु ल्‍हाः छिमित त्‍वःतके मफय्‌क चीहाक जूगु दु ला? छु उद्धार यायेत जिके शक्ति मगाःमचाः जूगु दु ला? जिगु म्‍हुतुं न्‍ववायेबलय् समुद्र गंगु बँ जुइ। अले खुसित मरुभूमिइ हिली। अन लः मदयाः न्‍यात ध्‍वग्‍गी अले फ्‍यार फ्‍यार मिनाः सी।

यशैया 37:25

जिं तुं म्‍हुयाः विदेशया लः त्‍वना। अले थःगु तुति पालिं मिश्रया फुक्‍क खुसि सुकाबिया।’