यशैया 19:4 - नेवाः बाइबल

⁴ जिं मिश्रीतय्‌त छम्‍ह तसकं मभिंम्‍ह शासकया ल्‍हातय् लःल्‍हानाबी। छम्‍ह दयामाया मदुम्‍ह जुजुं इमित शासन याइ।” प्रभु, दक्‍व शक्ति दुम्‍ह परमप्रभु न्‍ववानादीगु दु।

यशैया 19:4 Referans Kwoze

यशैया 20:4

थुकथं हे अश्‍शूरया जुजुं मिश्र देशयात लाजय् लाकेत मिश्र देशं ज्‍वनाहःपिं व कूश देशं लाकाहःपिं ल्‍याय्‌म्‍हपिं व बुरापिं निथ्‍वःयात नं पचिंनांगा, लाकां मदय्‌क व नांगा प्‍यं ज्‍वना यंकी।

इजकिएल 29:19

उकिं परमप्रभु परमेश्‍वरं थथे धयादी – जिं मिश्र देश बेबिलोनयाम्‍ह जुजु नबूकदनेसरयात बी, वं अन दुगु धन-सम्‍पत्ति यंकी। वं देशयागु फुक्‍क लुटपाट यानाः थः सेनायात ज्‍यालाबी।

यर्मिया 46:26

जिं इमित इमिगु ज्‍यान कायेत स्‍वःपिनिगु ल्‍हातय्, अर्थात बेबिलोनया जुजु नबूकदनेसर व वया हाकिमतय्‌गु ल्‍हातय् लःल्‍हानाबी। तर अनंलि मिश्र देशय् हाकनं न्‍हापा थें तुं मनूत च्‍वनी,” परमप्रभुं धयादी।

यशैया 19:2

परमप्रभुं धयादी, “जिं मिश्रीतय्‌गु दथुइ थवंथः ल्‍वाकाबी। इमि दाजुकिजाया विरोधय् दाजुकिजा ल्‍वाइ। अले जःलाखःलाया विरोधय् जःलाखःला ल्‍वाइ। शहर शहरतय् दथुइ ल्‍वापु यानाबी। अले राज्‍य राज्‍यतय् दथुइ ल्‍वापु यानाबी।

भजनसंग्रहया सफू 31:8

छिं जितः जिमि शत्रुतय्‌गु ल्‍हातिइ लाकेबिया मदी। छिं जिगु तुतियात चक्‍कंगु थासय् तयादीगु दु।

१ शमूएल 23:7

दाऊद कीलाहय् वंगु खँ सुं छम्‍हय्‌सिनं शाऊलयात कन अले वं धाल, “इमित परमेश्‍वरं जिगु ल्‍हातय् लःल्‍हानादीगु दु। पःखालं घेरय् यानातःगु बल्‍लाक गजबार तयातःगु ध्‍वाखा दुगु शहरय् दाऊद थःम्‍हं थः हे दुहां वनाः कुंकेगु थें जूगु दु।”

इजकिएल 30:12

जिं नील खुसिया लः गंकाबी अले व देशयात दुष्‍ट मनूतय्‌गु ल्‍हातय् मियाबी। व देश व उकी दुगु फुक्‍कयात जिं विदेशीतय्‌गु ल्‍हातं तहसनहस यानाबी। जि परमप्रभुं थ्‍व खँ धयागु खः।

नहूम 3:10

अय्‌नं वयात ज्‍वना यंकल, मेगु देशय् यंकल, वया चिचीधिकःपिं मस्‍तय्‌त गल्‍लि गल्‍लिइ बँय् बस्‍वाना स्‍यानाबिल। वया मनूतय्‌त चिट्ठा तल, अले दक्‍व तःधिंकःपिं मनूतय्‌त सिखलं चिनाबिल।

यशैया 20:3

अनंलि परमप्रभुं धयादिल, “गुकथं जिमि दास यशैया मिश्र देश व कूश देशया ग्‍यानापुगु दुःखया चिं जुइमाः धकाः स्‍वदँ तक पचिंनांगा व लाकां मदय्‌क न्‍यासि जुल,