यशैया 19:2 - नेवाः बाइबल

² परमप्रभुं धयादी, “जिं मिश्रीतय्‌गु दथुइ थवंथः ल्‍वाकाबी। इमि दाजुकिजाया विरोधय् दाजुकिजा ल्‍वाइ। अले जःलाखःलाया विरोधय् जःलाखःला ल्‍वाइ। शहर शहरतय् दथुइ ल्‍वापु यानाबी। अले राज्‍य राज्‍यतय् दथुइ ल्‍वापु यानाबी।

यशैया 19:2 Referans Kwoze

न्‍यायकर्ता 7:22

स्‍वसःम्‍ह मनूतय्‌सं तुरही पूबलय् परमप्रभुं शत्रुतय्‌त थथःगु तरवार ज्‍वंकाः छम्‍हय्‌सिनं मेम्‍हय्‌सित हमला याकादिल। अले मिद्यानी सेना सरेराया बेथ-शित्ता व तब्‍बात लिक्‍कया हाबिल महोला शहरया सिमाना थ्‍यंक बिस्‍युं वन।

१ शमूएल 14:20

अनंलि शाऊल व वया फुक्‍क सिपाइँत पलिश्‍तीतलिसें ल्‍वायेत वन। पलिश्‍तीत धाःसा अलमलय् जुयाः तरवारं पाला थःथवय् हे ल्‍वानाच्‍वन।

मत्ती 10:36

मनूतय् शत्रुत थःगु छेँय् च्‍वंपिं हे जुइ।’

मत्ती 12:25

इमिगु मतिइ च्‍वंगु खँ थुइकाः वय्‌कलं इमित धयादिल – “गुगुं नं राज्‍य निकू दलाः थःथवय् ल्‍वाना जुल धाःसा थः हे नाश जुइ। अथे हे गुगुं नं शहर व छेँनं थःथवय् बायाः ल्‍वाना जुल धाःसा ताःतुइ मखु।

मत्ती 10:21

“मनूतय्‌सं थः हे दाजुकिजापिन्‍त महियाः स्‍याके बी। बौनं थः हे काय् म्‍ह्याय्‌पिन्‍त, अले काय् म्‍ह्याय्‌पिन्‍सं थः हे मां बौयात महियाः स्‍याके बी।

इजकिएल 38:21

जिं थःगु फुक्‍क पर्वतय् गोगया विरोधय् छपु तरवार छ्वये, जि, परमप्रभु परमेश्‍वर न्‍ववानागु दु। फुक्‍क मनूतय्‌गु तरवार थःथः दाजुकिजाया विरोधय् चले जुइ।

यशैया 9:21

मनश्‍शें एफ्राइमयात व एफ्राइमं मनश्‍शेयात नइ, अले इपिं निथिं यहूदाया विरोधय् जुइ। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

१ शमूएल 14:16

बेन्‍यामीनया लागाया गिबाय् पिवाः च्‍वनाच्‍वंपिं शाऊलया मनूतय्‌सं पलिश्‍तीत ग्‍यानाः उखेंथुखें बिस्‍युं वनाच्‍वंगु खन।

न्‍यायकर्ता 9:23

अले परमेश्‍वरं अबीमेलेक व शकेमयापिं मनूतय्‌गु दथुइ ल्‍वापु थनेत मभिंगु आत्‍मा छ्वयाहयादिल, अले शकेमयापिं मनूतय्‌सं वयात विरोध यात।

मत्ती 24:7

देश देशयापिनि दथुइ ल्‍वापु जुइ। राज्‍य राज्‍यया दथुइ ल्‍वापु जुइ। थाय् थासय् अनिकाल जुइ, अले भ्‍वखाय् ब्‍वइ।

यर्मिया 46:12

जात जातिं छंगु लज्‍याया खँ न्‍यनी। छंगु ख्‍वःसलं पृथ्‍वी जाइ। सिपाइँलिसें सिपाइँ थक्‍कर नइ। इपिं निम्‍हं छकलं दइ।”

यर्मिया 51:46

देशय् छुं हल्‍ला न्‍यनाः नुगः क्‍वतुंके मते वा ग्‍याये मते. छगू दँय् छगूकथंया हल्‍ला वइ, मेगु दँय् मेगुकथंया हल्‍ला। देशय् ल्‍वापुख्‍यापुया हल्‍ला अले शासकया विरोधय् शासक दंगु हल्‍ला।

जकरिया 8:10

व ई स्‍वयाः न्‍हापा सुनानं ज्‍याला बियाः मनू वा पशुयात तये मफु। शत्रुया कारणं सुं मनू सुरक्षित थःगु ज्‍याय् वये वनेमफु। छाय्‌धाःसा जिं सकल मनूतय्‌त थःथः जःलाखःलाया विरोधय् थनागु खः।

१ राजा 16:21

इस्राएलयापिं मनूत निगू पुचलय् बाल। बच्‍छि मनूतय्‌सं गीनतया काय् तिब्‍नीयात जुजु दय्‌केत ग्‍वाहालि यात। बच्‍छि मनूतय्‌सं ओम्रीयात ग्‍वाहालि यात।

२ इतिहास 15:6

परमप्रभुं इमित फुक्‍क कथंयागु विपत्तिं दुःख बियादीगुलिं छगू जातियात मेगु जातिं अले छगू शहरयात मेगु शहरं क्‍वत्‍यला च्‍वन।

यशैया 3:5

मनूत छम्‍हय्‌सिनं मेम्‍हय्‌सित क्‍वत्‍यलेगु याइ, मनूत छम्‍ह मेम्‍हय्‌सिगु विरोधय् दनी, जःलाखःलाया विरोधय् मेपिं जलाःखलाः, बुरातय्‌गु विरोधय् ल्‍याय्‌म्‍हपिं, हनेबहःपिनिगु विरोधय् क्‍वह्यंपिं दनी।

मर्कूस 3:24

गुगुं नं देशय् थःथवय् हे ल्‍वापु जुल धाःसा व देश स्‍यनावनी।