यशैया 19:12 - नेवाः बाइबल

¹² छिमि बुद्धि दुपिं मनूत थौं गन वन? मिश्र देशया विरोधय् दक्‍व शक्ति दुम्‍ह परमेश्‍वरया योजना छु दु धकाः इमिसं छिमित क्‍यनाः थुइकाबीमा।

यशैया 19:12 Referans Kwoze

१ कोरिन्‍थी 1:20

ज्ञानी धाःपिं गन वन ग्‍व? सःस्‍यूपिं धाःपिं गन वन? थ्‍व संसारय् जवाःसवाः यानाजुइपिं गन वन? परमेश्‍वरं थ्‍व संसारयागु ज्ञानयात मूर्ख यानादीगु मदु ला?

रोमी 9:17

धर्मशास्‍त्रय् परमेश्‍वरं फारोयात थथे धयादीगु दु – “अय्‌नं जिगु शक्ति क्‍यनेत व पृथ्‍वीइ न्‍यंक जिगु नां कायेमा धकाः हे जिं छन्‍त म्‍वाकातयागु खः।”

यर्मिया 2:28

तर छिमिसं थःगु निंतिं दय्‌कूपिं द्यःत गन वन? छिमित दुःख जुइबलय् इमिसं छिमित बचय् याये फुसा इपिं वयेमा। हे यहूदा, छिमि गुलि शहरत दु, छिमि द्यःत नं उलि हे दु।

यशैया 44:7

जि थें ज्‍याःम्‍ह सु दु? वं थ्‍व घोषणा यायेमा। जिं यक्‍व न्‍हापा थः प्रजायात थापं यानाबलय् निसें छु जूगु खः वं जितः ध्‍वाथुइक कनेमा। अले इमित छु जुइ वं न्‍हापा हे धायेमा।

यशैया 14:24

दक्‍व शक्ति दुम्‍ह परमप्रभुं थथे धयाः पाफयाः धयादीगु दु, “धात्‍थें, छु जिं योजना दय्‌कागु दु व जिं पक्‍का हे पूवंके। जिं छु याये धकाः बिचाः यानागु दु व याना हे त्‍वःते।

यशैया 5:21

धिक्‍कार इमित, सु थःगु हे मिखाय् बुद्धिमान तायेकी अले थःगु हे मिखाय् चलाख तायेकी।

न्‍यायकर्ता 9:38

अले जबूलं वयात धाल, “आः छंगु ततःधंगु खँ गन वन? छं थथे धाइगु, ‘अबीमेलेक सु खः धकाः झीपिं वया प्रजा जुइत?’ छं क्‍वह्यंकूपिं थुपिं हे मनूत मखु ला? आः वनाः इपिंलिसें लडाइँ या।”

ओबदिया 1:8

“व दिंखुन्‍हु”, परमप्रभुं धयादी, “जिं एदोमय् च्‍वंपिं फुक्‍क ज्ञान दुपिं मनूतय्‌त नाश याये, जिं एसावया पहाडय् दुपिं यक्‍व खँ थूपिं फुक्‍क मनूतय्‌त न्‍हंकाछ्वये।