यशैया 19:11 - नेवाः बाइबल

¹¹ सोअन शहरया हाकिमत तसकं मूर्खपिं खः। मिश्रय् दक्‍वसिबय् बुद्धि दुपिन्‍सं मभिंगु सल्‍लाह बी। छिमिसं गुकथं धायेफत फारोयात, “जि बुद्धि दुम्‍ह मनूत मध्‍ये छम्‍ह खः, तसकं पुलांपिं जुजुपिनि छम्‍ह चेला खः?”

यशैया 19:11 Referans Kwoze

गन्‍ती 13:22

इपिं नेगेवपाखें थहां वनाः हेब्रोनय् थ्‍यंकः वन। अन अनाकया सन्‍तान अहीमन, शेशै व तल्‍मै च्‍वनाच्‍वंगु जुल। हेब्रोन मिश्रया सोअन शहर स्‍वयाः न्‍हय्‌दँ न्‍ह्यः दय्‌कूगु खः।

प्रेरित 7:22

थुकथं मोशां दरबारय् हे मिश्रतय्‌गु फुक्‍कं ज्ञान सय्‌के सीके यात। थुकथं मोशा ज्‍याय् नं खँय् नं सःस्‍यूम्‍ह जुयावल।”

यशैया 30:4

खःला इमि हाकिमत सोअनय् दु अले इमि राजदूतत हानेसय् थ्‍यंकः वःगु दु।

भजनसंग्रहया सफू 78:43

अले मिश्र देशयागु सोअन धाःगु थासय् क्‍यनादीगु अजू चायापुगु चिं व ज्‍या नं ल्‍वःमंकल।

१ राजा 4:30

पुर्बयापिं व मिश्रयापिं फुक्‍क बुद्धि दुपिं मनूत स्‍वयाः सोलोमन यक्‍व बुद्धि दुम्‍ह खः।

भजनसंग्रहया सफू 78:12

वय्‌कलं मिश्र देशयागु सोअन धाःगु थासय् इमि तापाःबाज्‍यापिन्‍त अजू चायापुगु ज्‍याखँ यानाः क्‍यनादीगु खः।

इजकिएल 30:14

दच्‍छिन मिश्रयात जिं तहसनहस यानाबी, सोअनय् मि तयाबी, थेबेस शहरयात जिं सजाँय बी।

इजकिएल 7:26

छगू विपत्तिया ल्‍यू मेगु विपत्ति वइ अले छगू बांमलाःगु खबरया ल्‍यू मेगु बांमलाःगु खबर वइ। इमिसं अगमवक्तातपाखें दर्शन कायेत स्‍वइ। पुजाहारीतपाखें व्‍यवस्‍थाया शिक्षा व धर्म गुरुतपाखें सल्‍लाह तनावनी।

यर्मिया 49:7

एदोमया बारे– दक्‍व शक्ति दुम्‍ह परमप्रभुं थथे धयादी, “छु! तेमानय् आः बुद्धि मन्‍त ला? छु! अनयापिं बुद्धिमानतय्‌गु सल्‍लाह नाश जुल ला? छु! इमिगु बुद्धि ध्‍वग्‍गिना वन ला?

यर्मिया 10:21

फैजवाःत मूर्ख जुल, इमिसं परमप्रभुयात न्‍यनेकने मयाः, उकिं इपिं ताःलाइ मखु, इमि फुक्‍क फै उखेलाः थुखेलाः जूगु दु।

यर्मिया 10:14

मनूत मूर्ख व ज्ञान मदुपिं खः, मूर्ति दय्‌कीपिं इमिसं दय्‌कूगु मूर्तिपाखें मछालेमाली। छाय्‌धाःसा इमिसं दय्‌कूगु मूर्तित छगू ध्‍वखा खः अले इमिके सासः द हे मदु।

यशैया 44:25

“गुम्‍हय्‌सिनं मखुपिं अगमवक्तातय्‌गु चिं स्‍यंकाबी। गुम्‍हय्‌सिनं बुद्धिमानतय्‌गु खँयात ज्‍यालगय् मजुइकाबी। अले इमिगु ज्ञानया मूर्खतायात क्‍यनादी।

यशैया 29:14

अथे जुयाः जिं हाकनं छकः थ्‍व जातिया दथुइ तसकं अजू चायापुगु ज्‍या यानाः छक्‍क यानाबी, अले जिं ज्ञानीपिनिगु ज्ञानयात नाश यानाबी, अले बुद्धिमानतय्‌गु बुद्धियात ज्‍यालगय् मजुइकाबी।”

यशैया 19:13

सोअनया हाकिमत मूर्ख जुइ धुंकल। नोपया नायःतय्‌सं धोखा नयेधुंकल। इपिं थः मनूतय् मू ल्‍वहं थें जुयाः मिश्र देय्‌या मनूतय्‌त मखुगु लँय् यंकूगु दु।

यशैया 19:3

मिश्रीतय् नुगः क्‍वतुनी अले इमिसं दय्‌कूगु योजना जिं स्‍यंकाबी। इमिसं द्यःतय्‌थाय्, तन्‍त्रमन्‍त्र याइपिन्‍थाय् अले मभिंगु आत्‍माया ज्‍या याइपिन्‍थाय् वनाः सल्‍लाह काइ।

हितोपदेश 30:2

जि मनू धाये हे मल्‍वःम्‍ह मनू खः, जिके मनूतय्‌गु थज्‍याःगु बुद्धि मदु।

भजनसंग्रहया सफू 92:6

थ्‍व खँ बुद्धि मदुम्‍ह मनुखं सीके फइ मखु, मूर्खं थुइके नं फइ मखु,

भजनसंग्रहया सफू 73:22

जि छम्‍ह पशु थें मूर्ख जुयाच्‍वनागु खः। जिं छितः थुइके मफुगु खः।

भजनसंग्रहया सफू 33:10

परमप्रभुं जातितय्‌गु फुक्‍क ग्‍वसाः चुंदंकाबी, अले इमिसं क्‍वःछिनातःगु ज्‍याखँयात पनादी।

अय्‍यूब 12:17

वय्‌कलं सल्‍लाह बीपिन्‍त बुद्धि मदुपिं यानाबी, अले न्‍यायाधीशतय्‌त मूर्ख यानादी।

यर्मिया 8:9

बुद्धि दुपिं मछालेमाली, इमिगु नुगः क्‍वतुनी, अले इमित ज्‍वनी। इमिसं परमप्रभुया वचनयात त्‍वःतूगु दु, इमिके गज्‍याःगु बुद्धि दु?

यर्मिया 46:17

अन इमिसं तःसलं धाइ, ‘मिश्रया जुजु फारो तःधंगु सः जक खः। वं ला थःगु मौका तंकूगु दु।’

इजकिएल 28:17

थः बांलाःगुलिं छंगु मन तःधंछुयाः, वैभवं यानाः छंगु बुद्धि स्‍यनावन। जिं छन्‍त बँय् वांछ्वयाबिया, जिं छन्‍त जुजुपिनिगु न्‍ह्यःने इमित क्‍यनेत तयाबिया।

ओबदिया 1:7

छनापं मिले जूगु देशं छन्‍त छंगु देय्‌या सिमाना तक पितिनाछ्वइ, छिमि पासापिन्‍सं छन्‍त धोखा बियाः क्‍वत्‍यली। अले छंगु मरि नइपिन्‍सं हे छंगु निंतिं जाः ह्वली, तर थ्‍व खँया बारे छं छुं हे सिइ मखु।

प्रस्‍थान 8:4

ब्‍यांचा छ, छिमि मनूत व छिमि भारदारतय्‌गु म्‍हय् तकं थहां वइ।’”

प्रस्‍थान 8:14

मिश्रीतय्‌सं ब्‍यांचा मुनाः द्वँचिन। उकिं देशन्‍यंक तसकं नवल।

१ राजा 5:10

उकिं हीरामं सोलोमनयात वयागु इच्‍छा कथं देवदारुया सिँ व थसिँ छ्वयाबिल।

ओबदिया 1:8

“व दिंखुन्‍हु”, परमप्रभुं धयादी, “जिं एदोमय् च्‍वंपिं फुक्‍क ज्ञान दुपिं मनूतय्‌त नाश याये, जिं एसावया पहाडय् दुपिं यक्‍व खँ थूपिं फुक्‍क मनूतय्‌त न्‍हंकाछ्वये।