यशैया 18:5 - नेवाः बाइबल

⁵ छाय्‌धाःसा बाली लये न्‍ह्यः हे स्‍वां ह्वयाः कुतुंवने धुंकीबलय्, अले दाख पाकय् जुइबलय्, वय्‌कलं व कचायात ईंचां न्‍हायादी अले न्‍यनावंगु कचायात नं पालाछ्वयादी।

यशैया 18:5 Referans Kwoze

श्रेष्‍ठगीत 2:13

यःमरिमाय् फल सयाः पाकय् जुइत्‍यंगु दु, दाखक्‍यबं दाखया स्‍वां ह्वयाः नस्‍वाः वयाच्‍वंगु दु। अथे जुयाः जिमि प्रिय दँ, जिमि तसकं बांलाःम्‍ह जिनापं वा।”

श्रेष्‍ठगीत 2:15

जिमिगु निंतिं ध्‍वंचात ज्‍वनाः हजि, थुपिं चिचीधिकःपिं ध्‍वंचात, गुम्‍हय्‌सिनं नकतिनि स्‍वाँ ह्वःगु दाखक्‍यबय् ब्‍वाँय् जुइ अले दाखक्‍यबयात नाश याइ।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यशैया 10:33

अय्‌नं स्‍व! प्रभु, दक्‍व शक्ति दुम्‍ह परमप्रभुं तःमागु सिमायागु कचात न्‍हायादी। अनयागु तम्‍मागु सिमायात क्‍वथला चीमा यानादी।