यशैया 18:2 - नेवाः बाइबल

² व देशं तिंकथिं दय्‌कातःगु नांचां नील खुसिया लँ जुयाः राजदूतत वइगु खः। हे याकनं ब्‍वायं वनेफुपिं राजदूतत, ततःधिकःपिं व चुलुसे च्‍वंगु म्‍ह दुपिं मनूतय् जातियाथाय् हुँ, इपिं खनाः लिक्‍क च्‍वंपिं व तापाक्‍क च्‍वंपिं तसकं ग्‍याइ इपिं तसकं बल्‍लाःपिं व त्‍याके फुपिं खः, इपिं अजू चाइपुगु भाय् ल्‍हाइपिं खः, इमिगु देश खुसिं ब्‍वथलातःगु दु।

यशैया 18:2 Referans Kwoze

यशैया 18:7

उबलय् दक्‍व शक्ति दुम्‍ह परमप्रभुया न्‍ह्यःने ततःधिकःपिं व चुलुसे च्‍वंगु म्‍ह दुपिं मनूतय् जातिं कोसेलि हइ, इपिं खनाः लिक्‍क च्‍वंपिं व तापाक्‍क च्‍वंपिं तसकं ग्‍याइ इपिं तसकं बल्‍लाःपिं व त्‍याके फुपिं खः, अजू चायापुगु भाय् ल्‍हाइपिं सुयागु देश खुसिं ब्‍व ब्‍वथलातःगु दु। दक्‍व शक्ति दुम्‍ह परमप्रभुया नां दुगु थाय्, सियोन पर्वतय् हे थ्‍व जातियापिं मनूतय्‌सं परमप्रभुयाथाय् कोसेलि हइ।

२ इतिहास 16:8

छु कूशीत व लिबियालीतय् सेना तःधंगु सेना मखु ला? इमिगु सेनाय् यक्‍व रथ व रथ गइपिं सिपाइँत दुगु मखु ला? तर छिं परमप्रभुयागु भरोसा कयादीगुलिं वय्‌कलं इमित छिगु ल्‍हातय् लःल्‍हानादिल।

२ इतिहास 14:9

जेरह धाःम्‍ह छम्‍ह कूशी झिगू लाखम्‍ह (१०,००,०००) सिपाइँ व स्‍वसःगः रथया सेना ज्‍वनाः यहूदायात हमला यायेत मारेशाय् तक थ्‍यंकः वल।

इजकिएल 30:9

“‘उखुन्‍हु याउँक च्‍वनाच्‍वंपिं कूशीतय्‌त ख्‍याइगु खबर बीत जिगु न्‍ह्यःनं दूतत नांचाय् च्‍वनाः पिहांवनी। मिश्र देश नाश जुइगु दिनय् इपिं ग्‍याइ, छाय्‌धाःसा व दिं धात्‍थें हे वइ।

प्रस्‍थान 2:3

अय्‌नं वं स्‍वला स्‍वयाः अप्‍वः सुचुकातये मफुत। अले वं मचायात तयेत तिंकथियागु छगः पिचा दय्‌कल। उकी अलकत्रा इलाः लः दुहां मवनीगु यानाबिल। मचायात उकी तयाः नील खुसियागु सिथय् ताहाकःगु घाँय्‌या दथुइ त्‍वःताबिल।

लूका 10:19

न्‍यँ, जिं छिमित सर्प, बिच्‍छी व शत्रुतय्‌गु न्‍ह्याथें ज्‍याःगु शक्तियात नं न्‍हुइ फइगु अधिकार बियातयागु दु। अय्‌जूगुलिं छिमित छुकिं नं स्‍यंके फइ मखु।

अय्‍यूब 9:26

तिंकथियागु नांचा थें व याकनं न्‍ह्यानावनी, इमां थः शिकारयात स्‍वात्त क्‍वहां वनाः झम्‍तय् याःगु थें।

यर्मिया 49:14

जिमिसं परमप्रभुपाखें थ्‍व बुखँ न्‍यनागु दु। छम्‍ह दूतयात जाति जातितय्‌थाय् थथे धाय्‌के छ्वःगु खः, “दँ, झीपिं वनापं लडाइँ याः वनेनु।”

ओबदिया 1:1

ओबदियायागु दर्शन। परमप्रभु परमेश्‍वरं एदोमयागु बारे थथे धयादी, जिमिसं परमप्रभुपाखें थ्‍व बुखँ न्‍यनागु दु। छम्‍ह दूतयात जाति जातितय्‌थाय् थथे धाय्‌के छ्वःगु खः, “दँ! झीपिं एदोमनापं लडाइँ याः वनेनु।”

हबकूक 1:7

इपिं तसकं ग्‍यानापुपिं व दयामदुपिं मनूत खः। इपिं थः हे नियम व्‍यवस्‍था खः, इमिसं थःयःयः थें याइ।