यशैया 16:8 - नेवाः बाइबल

⁸ हेश्‍बोनया बुँ व सिब्‍माया दाखमा नं सुकूचिन। जाति जातिया शासकतय्‌सं इमिगु बांबांलाःगु फुक्‍क दाखया कचात तुतिं न्‍हुत्तुन्‍हुल। छुं ई न्‍हापा अनया दाखमात याजेर तक थ्‍यंगु खः अले मरुभूमि थ्‍यंक हे न्‍यनावंगु खः। उकिया मुखू न्‍यनावनाः मृत सागर पुलाः उखे थ्‍यंकः हे वन।

यशैया 16:8 Referans Kwoze

यशैया 15:4

हेश्‍बोन व एला तःसलं ख्‍वइ। इपिं ख्‍वःगु सः यहसा तक हे ताये दु। अथे जुयाः मोआबया ल्‍वाभः ज्‍वनातःपिं मनूत तःसलं हालाः ख्‍वइ अले इमिगु नुगः भाराभारा मिनाः ग्‍याइ।

यर्मिया 48:32

हे सिब्‍माया दाखमात, याजेर ख्‍वः थें जि छंगु लागि ख्‍वये। छंगु कचात समुद्र तक थ्‍यन, उपिं याजेरया समुद्र तक हे थ्‍यंगु दु। छंगु सये धुंकूगु फल व छंगु दाखय् नाश याइम्‍ह वःगु दु।

यशैया 24:7

दाखमा गनावनी अले न्‍हूगु दाखमद्य सुनावनी। छगू इलय् लसता हंपिन्‍सं आः नुगः मछिंकेगु याइ।

यशैया 16:9

अथे जुयाः जि सिब्‍माया दाखमाया निंतिं याजेर ख्‍व थें ख्‍वये। हे हेश्‍बोन, हे एलाले, जिगु ख्‍वबिं छन्‍त प्‍याकाबी। छंगु पाकय् जूगु फलत व बालीया लसताया सः मवये धुंकल।

यशैया 10:7

तर थ्‍व वयागु इच्‍छा मखु अले वयागु मनय् थज्‍याःगु बिचाः नं मदु। अय्‌नं वयागु बिचाः यक्‍व जातित नाश यायेगु खः।

२ शमूएल 1:21

“हे गिल्‍बोया डाँडात, छिमिथाय् सुतिलः व वा मवयेमा, अले न छिमिथाय् अन्‍न सइगु बुँ हे दयेमा। छाय्‌धाःसा बल्‍लाःम्‍ह सिपाइँया ढाल अशुद्ध जूगु दु, शाऊलया ढाल चिकं मदयाः मथी।”

यहोशू 13:25

इमिगु सिमाना थथे दु – याजेरया इलाका व गिलादया फुक्‍क शहर, अम्‍मोनीतय्‌गु बच्‍छि देश, रब्‍बाया लिक्‍कयागु अरोएर तक,

यहोशू 13:19

किर्यातैम, सिब्‍मा व ब्‍यासियागु डाँडाय् लाःगु सेरेथशेहार,

गन्‍ती 32:3

“अतारोत, दीबोन, याजेर, निम्रा, हेश्‍बोन, एलाले, सबाम, नेबो व बओन,

गन्‍ती 21:32

मोशां याजेरय् चिवा काइपिं मनूत छ्वये धुंकाः इस्राएलीतय्‌सं उकिया प्‍यखेरं च्‍वंगु गां त्‍याका काल। अले अन दुपिं एमोरीतय्‌त लिनाछ्वत।

गन्‍ती 32:35

अत्रोत-शोपान, याजेर, योगबहा,