यशैया 16:7 - नेवाः बाइबल

⁷ अथे जुयाः मोआबीत थःपिनिगु दुःखकष्‍टया कारणं ख्‍वयेमाली। इपिं सकलें मोआबया निंतिं विलाप याइ अले कीर-हरेशेतया किसमिसया ज्‍वाँय्‌या निंतिं छिमिसं ख्‍वख्‍वं बिलाप या।

यशैया 16:7 Referans Kwoze

२ राजा 3:25

इमिसं शहरत नाश यानाबिल। इमि फुक्‍कसिनं यक्‍व सइगु फुक्‍क बुँइ ल्‍वहँतं त्‍वःमपुतले ल्‍वहं वांछ्वल। इमिसं लःया फुक्‍क मुहान पनाबिल। अले फुक्‍क भिंगु सिमात पालाबिल। लिपतय् इमिगु राजधानी कीर-हरेशेत जक ल्‍यन। तर कप्‍तांचां कय्‌कीपिन्‍सं उकियात नं घेरय् यानाः हमला यात।

यर्मिया 48:20

मोआबया बेइज्‍जत जूगु दु, छाय्‌धाःसा वयात चुंचुं याःगु दु। ‘नुगः मछिंकि, ख्‍व, मोआबयात नाश यात’ धकाः अर्नोन खुसि सिथय् वनाः धा।

यशैया 16:11

अथे जुयाः जिगु नुगः मोआबया निंतिं अले जिगु मन कीर-हरेशेतया निंतिं बिनाया सः थें ख्‍वख्‍वं दुखं च्‍वनी।

यशैया 8:19

गुबलय् छिमित मनूतय्‌सं झंगःत थे चुंइ चुंइ हालीपिं तन्‍त्रमन्‍त्र याइपिंलिसे सल्‍लाह का हुँ धकाः धाइ। छु मनूतय्‌सं परमेश्‍वरयाथाय् वनाः सल्‍लाहया निंतिं न्‍यं वनेमाःगु मखु ला? म्‍वापिनिगु निंतिं सीधुंकूपिन्‍थाय वनाः छाय् न्‍यंवनेगु?

१ इतिहास 16:3

अले वं सकलें इस्राएली मिजंत व मिस्‍तय्‌त छपा छपा मरि, छगः छगः खजूर व छज्‍वाँय् छज्‍वाँय् किसमिस इनाबिल।

१ इतिहास 12:40

इस्‍साखार, जबूलून व नप्‍ताली कुलयापिं मनूतय्‌सं नं गधा, ऊँट, खच्‍चर, व द्वहंयात क्‍वबिकाः छुचुं, यःमरि ग्‍वारा, किसमिस ज्‍वाँय्, दाखमद्य, जैतूनया चिकं हल। इमिसं स्‍यानाः नयेत सा द्वहं व फैत नं ज्‍वनावल। इस्राएलयापिं मनूत तसकं लय्‌ताः।

यर्मिया 48:31

उकिं जि मोआबया निंतिं ख्‍वये, सकलें मोआबीतय्‌गु निंतिं जि ख्‍वये। कीर-हरेशेतया मनूतय्‌गु निंतिं जिं नुगः मछिंके।