यशैया 16:6 - नेवाः बाइबल

⁶ मोआबया घमण्‍डया बारे जिमिसं न्‍यनागु दु, इपिं गुलि तःधंसू व फुइँ यायेमाःपिं खः धकाः नं जिमिसं स्‍यू तर इमिगु व फुक्‍क फुइँ व्‍यर्थ खः।

यशैया 16:6 Referans Kwoze

आमोस 2:1

परमप्रभुं थथे धयादी – “मोआबया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते मखु! इमिसं एदोमया जुजुतय्‌गु क्‍वँय्‌त च्‍याकाः चूं चूं याःगुलिं,

यर्मिया 48:42

मोआबयात नाश याइ, व हाकनं छगू राज्‍य जुयाच्‍वनी मखु, छाय्‌धाःसा वं परमप्रभुयागु विरोध यात।

यर्मिया 48:26

“मोआबयात कय्‌कि, छाय्‌धाःसा वं परमप्रभुया विरोध याःगु दु। मोआब थःम्‍हं ल्‍ह्वःगुलिइ हे ग्‍वारा ग्‍वारा तुलेमा। मनूतय्‌सं वयात हेस्‍याय्‌मा।

यर्मिया 50:36

इमि मखुपिं अगमवक्तातय्‌गु विरोधय् नं छपु तरवार। इपिं मूर्ख जुइ। वया सिपाइँतय्‌गु विरोधय् नं छपु तरवार। इपिं आतंकं जाइ।

यशैया 44:25

“गुम्‍हय्‌सिनं मखुपिं अगमवक्तातय्‌गु चिं स्‍यंकाबी। गुम्‍हय्‌सिनं बुद्धिमानतय्‌गु खँयात ज्‍यालगय् मजुइकाबी। अले इमिगु ज्ञानया मूर्खतायात क्‍यनादी।

यशैया 28:18

मृत्‍युलिसें छिमिसं याःगु बाचा त्‍वदुली, अले सीगाःलिसें याःगु कबुल दयाच्‍वनी मखु। विपत्ति खुसिबाः थें वइबलय् छिमित उकिं त्‍वःपुयाबी।

यशैया 28:15

छिमिसं थथे धयाः घमण्‍ड याइ, “जिमिसं मृत्‍युलिसें बाचा चिनागु दु, अले सीगाःलिसें सहलह यानागु दु। तसकं तःधंगु विपत्ति जिमिथाय् वःसां, उकिं जिमित थिइ फइ मखु। छाय्‌धाःसा जिमिसं मखुगु खँ ल्‍हाइपिन्‍थाय् शरण कयागु दु, अले असत्‍ययात सुपीगु थाय् दय्‌कागु दु।”

यशैया 2:11

परमप्रभुया दिं वयाः मनूतय्‌गु फुइँ व तःधंछु नाश जुयावनी। थ्‍व दिंखुन्‍हु परमप्रभुयात जक तःधंकेगु जुइ।

१ पत्रुस 5:5

क्‍वकालिपिं मनूतय्‌सं थकालिपिं मनूतय्‌त मानय् यायेमाः। थथःम्‍हं तुं तःधं जुया जुइगु बांमलाः। अय्‌जूगुलिं ग्‍वाहालि याये माःपिन्‍त छिमिसं ग्‍वाहालि या। थ्‍व हे खँ धर्मशास्‍त्रय् नं थथे च्‍वयातःगु दु – “परमेश्‍वरं तःधंछुना जुइपिनिगु विरोध यानादी, क्‍वमिलुपिन्‍त धाःसा दया यानादी।”

हितोपदेश 21:24

तःधंछुया जुइम्‍ह व फुइँ यानाजुइम्‍ह मनूया नां “हेस्‍याइम्‍ह” खः, वं तःधंछुया व्‍यवहार याइ।

यशैया 25:11

गथे लालकाइम्‍हय्‌सिनं लालकायेत ल्‍हाः चकंकी अथे हे वय्‌कलं अन थःगु ल्‍हाः चकंकादी। इमिसं थःपिनिगु ल्‍हाःया चलाखि क्‍यंसां नं परमेश्‍वरं इमिगु घमण्‍डयात क्‍वकयादी।

यशैया 15:1

मोआबया बारे अगमवाणी– छगू हे चान्‍हय् मोआबया आर शहरयात बरबाद व नाश यानाबिल। छगू हे चान्‍हय् मोआबया कीर शहर बरबाद व नाश जुल।

यशैया 25:10

थ्‍व पर्वतयात परमप्रभुं रक्षा यानादी मोआबया मनूतय्‌त धाःसा छ्वालियात सौलय् न्‍हुत्तुन्‍हु थें न्‍हुयादी।

यर्मिया 48:14

“छिमिसं गय् यानाः धाये फुगु? ‘जिपिं बहादुर व बल्‍लाःपिं सिपाइँत खः धकाः।’