यशैया 15:6 - नेवाः बाइबल

⁶ निम्रीमया लः सुनावन, अन लिक्‍क च्‍वंगु घाँय्‌त सुकूचिना वन, छुं नं वाउँगु धयागु हे मन्‍त।

यशैया 15:6 Referans Kwoze

गन्‍ती 32:36

बेथ-निम्रा व बेथ-हारान नांयागु शहरतय्‌त पःखालं घेरय् यानाः दय्‌कल। अले फै, दुगु-च्‍वलय्‌तय्‌गु निंतिं गःत दय्‌कल।

प्रकाश 8:7

न्‍हापांम्‍ह स्‍वर्गदूतं तुरही पूबलय् हि ल्‍वाकज्‍याःगु प्‍वँ व मि पृथ्‍वीइ वान्‍छ्वया हल। अले स्‍वब्‍वय् छब्‍व पृथ्‍वी च्‍यात, स्‍वब्‍वय् छब्‍व सिमा नं च्‍यात, अले वाउँगु घाँय् नं फुक्‍क च्‍यानाः वन।

यहोशू 13:27

अले ब्‍यासिया बेथ-हाराम, बेथ-निम्रा, सुक्‍कोत व सापोननापं हे हेश्‍बोनया जुजु सीहोनं न्‍हापा राज्‍य याःगु देश तक। इमिगु पच्‍छिमी सिमाना यर्दन खुसि, गालील समुद्रया दच्‍छिनया सिथ तक खः।

गन्‍ती 32:3

“अतारोत, दीबोन, याजेर, निम्रा, हेश्‍बोन, एलाले, सबाम, नेबो व बओन,

यर्मिया 48:34

“हेश्‍बोनं इपिं ख्‍वःगु सः एलाले व यहश तक हे थ्‍यंगु दु, सोअरंनिसें होरोनैम व एग्‍लत-शलीशियाह तक हे, छाय्‌धाःसा निम्रीमया लः नं सुनावने धुंकल।

यर्मिया 14:5

ख्‍यलय् घाँय् मदुगुलिं मांम्‍ह चल्‍लां नं मचा बुइकाः त्‍वःता वंगु दु।

योएल 2:3

इमिगु न्‍ह्यःने न्‍ह्यःने मिं भस्‍म यानायंकी। अले इमिगु ल्‍यूल्‍यू मि दनदन च्‍याइ, इमिगु न्‍ह्यःनेया बँ अदनया क्‍यब थें हे च्‍वं अले इमिगु ल्‍युने मरुभूमि थें च्‍वं। इपिंपाखें सुं नं बचय् जुइ फइ मखु।