यशैया 15:1 - नेवाः बाइबल

¹ मोआबया बारे अगमवाणी– छगू हे चान्‍हय् मोआबया आर शहरयात बरबाद व नाश यानाबिल। छगू हे चान्‍हय् मोआबया कीर शहर बरबाद व नाश जुल।

यशैया 15:1 Referans Kwoze

यशैया 11:14

इपिं पच्‍छिमपाखे पलिश्‍त देशया पहाडय् स्‍वात्त क्‍वहांवनि। इपिं मिलय् जुयाः पुर्बया मनूतय्‌त लुतय् याइ। इमिसं एदोम व मोआबय् ल्‍हाः तइ अले अम्‍मोनीत इमिगु अधीनय् वइ।

गन्‍ती 21:28

हेश्‍बोनं मि पिहां वल, सीहोनयागु शहरं छगू मिप्‍वाःला पिहां वल। उकिं मोआब देशयागु आर शहरयात अर्नोन खुसि च्‍वय्‌या ततःजाःगु थासय्‌यापिन्‍त भस्‍म यात।

यशैया 25:10

थ्‍व पर्वतयात परमप्रभुं रक्षा यानादी मोआबया मनूतय्‌त धाःसा छ्वालियात सौलय् न्‍हुत्तुन्‍हु थें न्‍हुयादी।

यशैया 16:11

अथे जुयाः जिगु नुगः मोआबया निंतिं अले जिगु मन कीर-हरेशेतया निंतिं बिनाया सः थें ख्‍वख्‍वं दुखं च्‍वनी।

यशैया 16:7

अथे जुयाः मोआबीत थःपिनिगु दुःखकष्‍टया कारणं ख्‍वयेमाली। इपिं सकलें मोआबया निंतिं विलाप याइ अले कीर-हरेशेतया किसमिसया ज्‍वाँय्‌या निंतिं छिमिसं ख्‍वख्‍वं बिलाप या।

यशैया 14:28

आहाज जुजु सीगु दँय् थ्‍व अगमवाणी वल –

यर्मिया 9:26

थुपिं मनूत मिश्रीत, एदोमीत, अम्‍मोनीत, मोआबीत, मरुभूमिइ ताताःपाःगु थासय् च्‍वंपिं मनूत खः। जिं यहूदायापिं मनूतय्‌त तकं सजाँय बी। थुपिं विदेशी जातितय्‌के थें इस्राएलया घरानायाके नं चिं मतःगु नुगः दु।”

यशैया 13:1

आमोजया काय् यशैयां बेबिलोनया बारे दर्शनय् खंगु अगमवाणी थ्‍व हे खः–

२ राजा 3:25

इमिसं शहरत नाश यानाबिल। इमि फुक्‍कसिनं यक्‍व सइगु फुक्‍क बुँइ ल्‍वहँतं त्‍वःमपुतले ल्‍वहं वांछ्वल। इमिसं लःया फुक्‍क मुहान पनाबिल। अले फुक्‍क भिंगु सिमात पालाबिल। लिपतय् इमिगु राजधानी कीर-हरेशेत जक ल्‍यन। तर कप्‍तांचां कय्‌कीपिन्‍सं उकियात नं घेरय् यानाः हमला यात।

व्‍यवस्‍था 2:18

“थौं छिपिं मोआबया लागा जुयाः आर पुलाः उखे वनेमाः।

व्‍यवस्‍था 2:9

अले परमप्रभुं जितः धयादिल, “मोआबीतय्‌त दुःख बी मते, इमित ल्‍वायेत ग्‍वाके नं मते। जिं इमिगु देशया छुं नं अंश छिमित बी मखु, छाय्‌धाःसा जिं आरया फुक्‍क लागा लोतया सन्‍तानतय्‌गु अधिकारय् बियागु दु।”

यशैया 25:12

छंगु तःतज्‍जाःगु किल्‍लात दुगु पःखात वय्‌कलं थुनादी, अले उमित बँय् धुलय् वान्‍छ्‌वयादी।

व्‍यवस्‍था 2:19

छिपिं अम्‍मोनीतय् सिमानाय् थ्‍यनीबलय् इमित दुःख बी मते। इमित ल्‍वायेत ग्‍वाके मते छाय्‌धाःसा जिं छिमित अम्‍मोनीतय्‌गु देशयागु छुं नं अंश अधिकारया निंतिं बी मखु। जिं व देशयात लोतया सन्‍तानयागु अधिकारय् बियागु दु।”

यशैया 16:6

मोआबया घमण्‍डया बारे जिमिसं न्‍यनागु दु, इपिं गुलि तःधंसू व फुइँ यायेमाःपिं खः धकाः नं जिमिसं स्‍यू तर इमिगु व फुक्‍क फुइँ व्‍यर्थ खः।