यशैया 13:7 - नेवाः बाइबल

⁷ अथे जुयाः फुक्‍क ल्‍हाःत बमलाना वनी, फुक्‍क मनूतय्‌गु नुगः भारा-भारा मिनाः तसकं ग्‍याइ।

यशैया 13:7 Referans Kwoze

इजकिएल 21:7

अले इमिसं छन्‍त ‘छं छाय् झसुका तयाच्‍वनागु’ धकाः न्‍यन धाःसा थथे लिसः ब्‍यु, ‘वयाच्‍वंगु खबरं यानाः सकसिगु नुगः खाइ अले सकसिगु ल्‍हाः याताप्‍याता जुइ। सकसिगु नुगः क्‍वतुनी अले सकसिगु पुलि लः थें याग्‍लाप्‍याग्‍ला जुइ। स्‍व! थथे जुइत्‍यंगु दु, अले थथे हे जुइ,’ जि, परमप्रभु परमेश्‍वरं थथे धाये।”

नहूम 2:10

निनवे शहरयात लुतय् याःगु दु, अन झिजांमिजां दंगु दु व तहसनहस जूगु दु। मनूतय्‌गु नुगः ग्‍यानाः न्‍यले धुंकल, इमिगु तुति थुरथुर खानाच्‍वंगु दु, म्‍ह छम्‍हं खानाच्‍वंगु दु, इमिगु ख्‍वाः ग्‍यानाः म्‍हासुइ धुंकल।

नहूम 1:6

वय्‌कःया तंया न्‍ह्यःने सु दने फइ? वय्‌कःयागु तच्‍वःगु तं सुनां सह याये फइ? वय्‌कःयागु च्‍यानाच्‍वंगु तं मि थें प्‍वंकी, अले वय्‌कःया न्‍ह्यःने ल्‍वहँधीत तज्‍याइगु जुइ।

इजकिएल 7:17

फुक्‍क ल्‍हाः याग्‍लाप्‍याग्‍ला जुइ, फुक्‍क पुलि लः थें याग्‍लाप्‍याग्‍ला जुइ।

यशैया 19:1

मिश्रया बारे परमप्रभुया अगमवाणी– स्‍व, परमप्रभु तसकं ब्‍वयावनीगु सुपाँचय् च्‍वनाः याकनं हे मिश्रय् झायेत्‍यंगु दु। वय्‌कःया न्‍ह्यःने मिश्रया मूर्तित थरथर खाइ, अले मनूतय्‌गु हंसं थाय् त्‍वःति।

यर्मिया 50:43

बेबिलोनयाम्‍ह जुजुं इमिगु बारे न्‍यन, वयागु ल्‍हाः याग्‍लाप्‍याग्‍ला जुल। मचाबू ब्‍यथा जूम्‍ह मिसा थें वयात धन्‍दा जुल।

यशैया 51:20

छिमि काय्‌पिं मूर्च्‍छा जूगु दु। चल्‍ला जालय् क्‍यं थें इपिं नं बल मदयाः लँय् क्‍वदःगु दु। इमिके परमप्रभुया तं व छिमि परमेश्‍वरया ख्‍याच्‍वलं जाःगु दु।

यशैया 37:27

उकिं अन च्‍वंपिं कमजोर जूगु दु। इपिं निराश जुयाः लज्‍या चाःगु दु। इपिं ख्‍यःया घाँय् थें, क्‍यातूगु घाँय् थें, छेँया पलिइ बुयावःगु ताहाक जुइ न्‍ह्यः हे गनावनीगु घाँय् थें जूगु दु।

प्रस्‍थान 15:15

एदोमयापिं नायःत तसकं ग्‍याइ, मोआबयापिं थकालित थुरथुर खाइ। कनानयापिं फुक्‍क मनूतय् नुगलय् ध्‍यांग्रा थाइ,

यहोशू 2:11

थ्‍व खँ न्‍यनेवं जिमिगु नुगः क्‍वतुन, छिमिसं यानाः साहस हे मन्‍त, छाय्‌धाःसा छिकपिनि परमप्रभु च्‍वय् आकाशय् व क्‍वय् पृथ्‍वीइ परमेश्‍वर खः।

भजनसंग्रहया सफू 58:7

खुसिबाः वनीगु लः थें इपिं तनावनेमा इमिगु ल्‍वाभः इमिगु ल्‍हातिइ हे ज्‍याख्‍यलय् मदयेमा।

यर्मिया 51:30

बेबिलोनया सिपाइँतय्‌सं लडाइँ यायेगु त्‍वःतूगु दु। इपिं ला थथःगु किल्‍ला दुने हे च्‍वनीगु। इमिगु बल कम जुइ धुंकल। इपिं मिस्‍त थें जूगु दु। इमिगु च्‍वनीगु थाय् मिं नकाबी धुंकल, उकिया ध्‍वाखाया गजबारत त्‍वथुलाबी धुंकल।

इजकिएल 21:12

अय् सीमानिम्‍ह मनू, तसलं ख्‍वयाः बिलाप या! छाय्‌धाःसा थ्‍व जिगु प्रजाया विरोधय् दु। थ्‍व इस्राएलया फुक्‍क शासकतय्‌गु विरोधय् दु। इमित जिम्‍ह मनूतनापं हे तरवारया अधीनय् ब्‍यूगु दु। उकिं छाति दा!

नहूम 2:11

ल्‍याय्‌म्‍हपिं सिंहत यक्‍व दुगु व तःधंगु निनवे शहर आः गन दु? थ्‍व थासय् सिंह व सिंहनी थः मस्‍तनापं याउँक व मग्‍यासे चाःहिला जुइगु खः।