यशैया 13:12 - नेवाः बाइबल

¹² जिं मनूतय्‌त तच्‍वकं भिंगु लुँ स्‍वयाः लुइके थाकुकाबी। अले ओपीरया लुँ स्‍वयाः नं यक्‍व थिकेगु यानाबी।

यशैया 13:12 Referans Kwoze

यशैया 4:1

व दिनय् न्‍हय्‌म्‍ह मिसातय्‌सं छम्‍ह मनूयात ज्‍वनाः थथे धाइ, “जिमिसं थःपिनिगु हे नसा नये अले थःम्‍हं हे जिमिगु निंतिं वसः ज्‍वरय् याये, बरु छि हे जिमि भाःत खः धकाः जिमित धाये बियादिसँ अले जिमित हेपय् याइगुपाखें बचय् यानादिसँ।”

यशैया 24:6

अथे जुयाः छगू सरापं पृथ्‍वीयात भस्‍म याइ। अले अन दुपिं मनूतय्‌सं थःम्‍हं याःगु दोषया सजाँय फयेमाः। अथे जुयाः पृथ्‍वी च्‍वंपिं मनूतय्‌त मिं छ्वय्‌काछ्वइ। थुकथं म्‍हो जक मनूत बचय् जुइ।

भजनसंग्रहया सफू 137:9

छिमि चिचीधिकपिं मस्‍तय्‌त ज्‍वनाः ल्‍वहँतय् बस्‍वाइम्‍ह धन्‍य खः।

अय्‍यूब 28:16

ओपीरया लुं व न्‍याये फइ मखु। अथवा गोमेद थी व नीलमनापं व लनेफइ मखु।

१ राजा 9:28

इपिं जहाजं ओपीरय् वन अले अनं झिंखुगू (१६) टन लुँ हयाः सोलोमन जुजुयात बिल।

भजनसंग्रहया सफू 45:9

छिगु लाय्‌कुलिइ हनेबहःपिं मिस्‍तय्‌गु दथुइ जुजुपिनि म्‍ह्याय्‌पिं नं दु, छिगु जवपाखे ओपीरया लुँया तिसा तियातःम्‍ह भम्‍चा दु।

यशैया 6:11

अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

यशैया 6:12

परमप्रभुं थनच्‍वंपिं मनूतय्‌त तापाक पितिना देय्‌यात मत्‍वःतुतले।

१ इतिहास 1:23

ओपीर, हवीला व योबाबया बाः खः। थुपिं सकलें योक्तानया काय्‌पिं खः।

यशैया 10:19

इमिगु जंगलय् ल्‍यं दुगु सिमात कम जक जुइ अथे जुयाः इपिं ला मचातय्‌सं नं ल्‍याः खानाः च्‍वये फइ।