यशैया 13:1 - नेवाः बाइबल

¹ आमोजया काय् यशैयां बेबिलोनया बारे दर्शनय् खंगु अगमवाणी थ्‍व हे खः–

यशैया 13:1 Referans Kwoze

यर्मिया 50:1

बेबिलोन व बेबिलोनीतय्‌गु देशया बारे यर्मिया अगमवक्तापाखें परमप्रभुं धयादीगु वचन थ्‍व हे खः,

यशैया 1:1

यहूदाया जुजुपिं उज्‍जियाह, योताम, आहाज व हिजकियां शासन यानाच्‍वंबलय् आमोजया काय् यशैयां यहूदा व यरूशलेमया बारे खंगु दर्शन।

दानिएल 5:28

“पर्सिन – छःपिनिगु राज्‍य ब्‍वथलाः मादी व फारसीतय्‌त ब्‍यूगु दु।”

दानिएल 5:6

वयागु ख्‍वाः वँचुसे च्‍वन। तसकं ग्‍याःगुलिं वयागु निगुलिं पुलि थुरथुर खात।

यशैया 15:1

मोआबया बारे अगमवाणी– छगू हे चान्‍हय् मोआबया आर शहरयात बरबाद व नाश यानाबिल। छगू हे चान्‍हय् मोआबया कीर शहर बरबाद व नाश जुल।

यशैया 14:28

आहाज जुजु सीगु दँय् थ्‍व अगमवाणी वल –

यशैया 13:19

बेबिलोन छगू तसकं बांलाःगु राज्‍य खः। अन च्‍वंपिं मनूतय्‌सं उकी हे गर्व याइ। तर परमेश्‍वरं सदोम व गमोरायात थें उकियात नाश यानादी।

मलाकी 1:1

छगू ईश्‍वरवाणी – मलाकीपाखें इस्राएलयात परमप्रभुया वचन –

जकरिया 9:1

छगू अगमवाणी, हद्राक देशया विरोधय् परमप्रभुयागु वचन अले थ्‍व दमस्‍कसय् नं लाइ, छाय्‌धाःसा फुक्‍क मनूतय् व इस्राएलया कुलया मिखा परमप्रभुपाखे दु–

हबकूक 1:1

हबकूक अगमवक्तां खंगु दर्शनया अगमवाणी।

नहूम 1:1

निनवेया खँय् अगमवाणी। एल्‍कोशी नहूमं खंगु दर्शनया सफू।

इजकिएल 12:10

“इमित धा, ‘परमप्रभु परमेश्‍वरं थथे धयादी – थ्‍व परमप्रभुया वचन यरूशलेमया शासक व अन च्‍वंपिं इस्राएलया फुक्‍क घरानायापिं मनूतय्‌गु बारे खः।’

यशैया 43:14

परमप्रभु छिमित उद्धार याइम्‍ह खः। इस्राएलया पवित्र परमेश्‍वरं थथे धयादी, “छिमिगु लागिं हे जिं बेबिलोनया विरोधय् सेना छ्वये। इमिसं हमला याइ अले बेबिलोनीत थःगु जीवन बचय् यायेत बिस्‍युं वनी। इमित इमिसं घमण्‍ड यानाच्‍वंगु इमिगु जहाजय् जबरजस्‍ती बिसिकेछ्वइ।

यशैया 22:25

दक्‍व शक्ति दुम्‍ह परमप्रभुं धयादी, “व दिंखुन्‍हु व तसकं बल्‍लाःगु थासय् तानातःगु की लिहां वइ। व त्‍वधुलाः बँय् कुतुं वनी, उकी यग्‍गानाच्‍वंगु कु नाश जुइ,” परमप्रभुं धयादी।

यशैया 22:1

दर्शनया ब्‍यासिया बारे अगमवाणी– छिमित छु जुल अले छिपिं सकलें छाय् फुक्‍क छेँया कःसिइ थाहां वनागु?

यशैया 21:13

अरबया बारे अगमवाणी– अय् अरब देशया झालय् बाय् च्‍वनीपिं ददानी बन्‍जातय् पुचः,

यशैया 19:1

मिश्रया बारे परमप्रभुया अगमवाणी– स्‍व, परमप्रभु तसकं ब्‍वयावनीगु सुपाँचय् च्‍वनाः याकनं हे मिश्रय् झायेत्‍यंगु दु। वय्‌कःया न्‍ह्यःने मिश्रया मूर्तित थरथर खाइ, अले मनूतय्‌गु हंसं थाय् त्‍वःति।

यशैया 17:1

दमस्‍कसया विरोधय् अगमवाणी, “स्‍व, दमस्‍कस शहर दइ मखुत। व दुना वनाः तःजाःगु द्वँ जक जुइतिनि।

जकरिया 12:1

छगू अगमवाणी– इस्राएलया बारे परमप्रभुया वचन थ्‍व हे खः। आकाशयात चकंकादीम्‍ह, पृथ्‍वीया जग तयादीम्‍ह अले मनूया आकार दय्‌कादीम्‍ह परमप्रभुं थथे धयादीगु दु,

मत्ती 1:11

योशियाहया काय् यकोनियास व वया किजापिं खः। अबलय् हे इस्राएलीतय्‌त ज्‍वनाः बेबिलोनय् यंकूगु खः।

प्रकाश 14:8

वयागु ल्‍यूल्‍यू वःम्‍ह मेम्‍ह स्‍वर्गदूतं थथे धाल – “नाश जुल, तःधंगु शहर बेबिलोन नाश जुल। थःम्‍हं याःगु बांमलाःगु ज्‍या मेमेगु देशयापिं मनूतय्‌त नं याकेब्‍यूम्‍ह थ्‍व हे शहर खः।”

२ राजा 9:25

येहूं थः रथया कप्‍तान बिदकारयात धाल, “वयात ल्‍ह्वनाः यिजरेली नाबोतया क्‍यबय् वान्‍छ्वया ब्‍यु। जितः छता खँ लुमना वल। छ व जि वया बौ आहाबया ल्‍युने ल्‍युने रथय् च्‍वनाः वनाच्‍वनाबलय् वया बारे थ्‍व अगमवाणी धयादीगु खः।

यशैया 20:2

उगु हे दँय् परमप्रभुं आमोजया काय् यशैयालिसें न्‍ववानादिल। वय्‌कलं वयात थथे धयादिल, “हुँ, छंगु म्‍हय् च्‍वंगु भांग्रा त्‍वःति अले छंगु तुतिइ च्‍वंगु लाकां नं त्‍वः।” अले वं अथे हे यात, अले व पचिंनांगा व लाकां मदय्‌क हे न्‍यासि जुल।

यर्मिया 24:1

बेबिलोनया जुजु नबूकदनेसरं यहूदाया जुजु यहोयाकीमया काय् यहोयाकीन व यहूदाया भारदारत, कारिगरत व नँकःमिततय्‌त ज्‍वनाः यरूशलेमं बेबिलोनय् यंके धुंकाः परमप्रभुं जितः परमप्रभुया देगःया न्‍ह्यःने तयातःगु यःमरिया निगः दाला क्‍यनादिल।

यर्मिया 28:8

जि व छ स्‍वयाः न्‍ह्यः वःपिं अगमवक्तातय्‌सं यक्‍व देश व ततःधंगु देशया विरोधय् लडाइँ, विपत्ति व महामारीया बारे अगमवाणी ल्‍हाःगु दु।

यर्मिया 51:51

इस्राएलया मनूतय्‌सं धाइगु, “जिपिं मछालेमाःगु दु, छाय्‌धाःसा जिमित ब्‍वःब्‍यूगु दु। अले जिमिगु ख्‍वाः लज्‍यां ह्याउँसे च्‍वने धुंकल। छाय्‌धाःसा विदेशीत जिमि परमप्रभुया देगलय् दुहां वंगु दु।”