यशैया 10:3 - नेवाः बाइबल

³ सजाँयया दिं व तापाकं वइगु आपत विपत वइबलय् छिमिसं छु यायेगु? छिपिं ग्‍वाहालिया निंतिं गन वनेगु? छिमिगु धन-सम्‍पत्ति गन त्‍वःतावनेगु?

यशैया 10:3 Referans Kwoze

लूका 19:44

अले मस्‍तनापं छिमित व छिमिगु शहरयात भज्‍यंक नाश यानाबी। छगः ल्‍वहंया द्यःने मेगु ल्‍वहं नं ल्‍यंका तइ मखु, छाय्‌धाःसा परमेश्‍वरं छिमित बचय् याः वःगु ईयात छिमिसं सीके मफुत।”

होशे 9:7

सजाँयया ई न्‍ह्यःने थ्‍यंकः वःगु दु। इमिगु पापया पलेसा काइगु ई वःगु दु। इस्राएलं थ्‍व खँ सी। छिमिगु यक्‍व पाप व तःधंगु इखयागु कारणं छंगु निंतिं अगमवक्तात मूर्ख व आत्‍मां जाःपिं मनूत वँय् थें जुइ।

अय्‍यूब 31:14

परमेश्‍वर खनेदय्‌क झाइबलय् जि गय् यानाः वय्‌कःया न्‍ह्यःने दने फइ? वय्‌कलं ल्‍याःचाः कयादीबलय् जिं छु लिसः बीगु?

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

सपन्‍याह 1:18

परमप्रभुया तंया दिंखुन्‍हु इमिगु लुँ व वहःनं इमित बचय् याये फइ मखु।” वय्‌कःयागु नुगः मुयाः पिहां वःगु मिं फुकं देशयात झ्‍वाः याइ छाय्‌धाःसा वय्‌कलं पृथ्‍वीयापिं सकल मनूतय्‌त आकाझाकां ग्‍यानपुस्‍से च्‍वंक न्‍हंकादी।

यशैया 26:21

परमप्रभु थः स्‍वर्गलोकं पृथ्‍वीइ च्‍वंपिं मनूतय्‌त इमिगु पापया निंतिं सजाँय बियादीत झायादीत्‍यंगु दु। पृथ्‍वीं थःके प्‍वंकूगु हि क्‍यनी, अले हत्‍या यानातःपिन्‍त सुचुका तइ मखु।

यशैया 20:6

व दिंखुन्‍हु समुद्रया सिथय् च्‍वंपिं फुक्‍क मनूतय्‌सं धाइ, ‘स्‍व, अश्‍शूरया जुजुपाखें बचय् जुइत सुयाके सुयाके झीसं भलसा तयागु खः व गुम्‍हय्‌सिथाय् ग्‍वाहालिया निंतिं झीपिं बिस्‍युं वयागु खः, इमिगु हे हालत थथे धाःसा झीपिं गुकथं बिस्‍युं वने फइ?’”

यशैया 5:26

परमप्रभुं तापाक्‍क च्‍वंपिं देशतय्‌त चिंया झण्‍डा ब्‍वय्‌काः आज्ञा बियाच्‍वनी। अले इमित पृथ्‍वीया कुंकुलामय् थ्‍यंक सुलुपुयाः सःतादी। अले इपिं यरूशलेमपाखे ब्‍वाँय् वइ।

हितोपदेश 11:4

परमेश्‍वरं न्‍याय याइखुन्‍हु धनसम्‍पत्ति छुं ज्‍याख्‍यलय् दइ मखु, भिंगु ज्‍यां हे मृत्‍युपाखें बचय् याइ।

व्‍यवस्‍था 28:49

तःधिकःम्‍ह इमा स्‍वात्त क्‍वय् कुहां वइगु थें हे परमप्रभुं छिमिगु विरोधय् तापाकं पृथ्‍वीयागु कुन्‍चानिसें छिमिसं मथूगु भाय् ल्‍हाइपिं छगू जाति हयादी।

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

यशैया 39:3

अनंलि यशैया अगमवक्तां हिजकिया जुजुयाथाय् वनाः न्‍यन, “इपिं मनूतय्‌सं छु धयावन? इपिं गनं छिथाय् वःगु खः?” हिजकियां धाल, “इपिं ला तापाःगु देश बेबिलोनं वःगु खः।”

यशैया 33:14

सियोनय् च्‍वंपिं पापीत ग्‍याःगु दु। परमप्रभु मदु धकाः धयाजुइपिं थरथर खानाः ग्‍याःगु दु। इमिसं धाइ, “भस्‍म याइगु मिनापं झीपिं सु जक च्‍वने फइ? सदां च्‍यानाच्‍वनीगु मिनापं झीपिं सु जक च्‍वने फइ?”

यशैया 30:16

छिमिसं धाल, ‘मखु, जिपिं ला सल गयाः बिस्‍युं वने।’ अथे जुयाः छिपिं बिस्‍युं हे वने मालीतिनि! इमिसं धाल, ‘जिपिं याकनं सल गयाः बिस्‍युं वने।’ अथे जुयाः छिमित लिनाहइपिं याकनं वइतिनि।

यशैया 5:14

चिहानं नयेपित्‍याकाः थःगु म्‍हुतु वांखायाः पियाच्‍वंगु दु। वं यरूशलेमया घरानियानापं इमि ल्‍वापुखिचात व हाहू याइपिन्‍त नुनाछ्वइ।

२ राजा 7:15

उपिं मनूत यर्दन तक हे मामां वन। इमिसं लँ दुछि हे अरामीतय्‌सं हथाय् पथासं बिस्‍युं वंबलय् वांछ्वःगु वसः व हलंज्‍वलं खन। इमिसं लिहां वयाः जुजुयात फुक्‍क खँ कन।

उत्‍पत्ति 31:1

याकूबं लाबानया काय्‌पिन्‍सं थथे धयाच्‍वंगु ताल, “याकूबं जिमि बाःयागु फुक्‍कं काये धुंकल। वं जिमि बाःयागु सम्‍पत्तिं हे थ्‍व फुक्‍क दय्‌कूगु खः।”

होशे 5:13

“एफ्राइमं थःगु ल्‍वय् खंबलय् अले यहूदां थःगु घाः खंबलय् एफ्राइमं अश्‍शूरया तःधंम्‍ह जुजुयाथाय् ग्‍वाहालिया निंतिं मनूत छ्वत। अय्‌नं वं छन्‍त लंके फइ मखु, वं छंगु घाःयात लंके फइ मखु।

यशैया 13:6

ततःसलं हालाः ख्‍व! परमप्रभुया दिं लिक्‍क हे वःगु दु। व दिनय् दक्‍व शक्ति दुम्‍ह परमप्रभुं नाश यानादी।

यशैया 17:4

“व दिं इस्राएलया गौरव तनावनी अले वयागु म्‍हयागु दाः कम जुयावनी।

यशैया 26:14

आः इपिं सी धुंकूगु दु अले हाकनं इपिं म्‍वाये फइ मखुत, इमिगु आत्‍मा हाकन दना वइ मखु छाय्‌धाःसा इमित छिं सजाँय बियाः नाश यानादीगु दु। सुनानं इमित लुमंकी मखुत।

यशैया 29:6

दक्‍व शक्ति दुम्‍ह परमप्रभु नँ न्‍याःगु सः, भुखाय्, तःधंगु सः, चाकः फय् व ग्‍वःफय्, नाश याइगु मिंनापं झायादी।

यशैया 30:5

अय्‌नं थज्‍याःगु जातिया कारणं छिपिं फुक्‍क लाजय् लाइ, गुपिं इमिगु निंतिं ज्‍यागलय् मजूपिं खः, सुनां न छुं ग्‍वाहालि याइ, न लबः कायेखनी, तर थुपिंपाखें ला लाज व बेइज्‍जत जक हइ।

यशैया 30:7

मिश्र देशं याइगु ग्‍वाहालि तसकं हे सितिं वंगु खः। अथे जुयाः जिं वयात छुं नं याइ मखुम्‍ह राहाब धयागु दु।

यर्मिया 4:30

हे नाश जूम्‍ह यरूशलेम! छं छु यानाच्‍वनागु? छाय् छं बांलाःगु वसः फिनागु? छाय् छं लुँयागु तिसा तियागु? छाय् थःगु मिखाय् अजः तयागु? सुयागु निंतिं मफतय् छं थःत बांलाकागु? छं प्रेमीपिन्‍सं छन्‍त त्‍वःतूगु दु, इमिसं छन्‍त स्‍यायेत स्‍वःगु दु।

यर्मिया 9:9

छु! जिं थ्‍व खँया लागि इमित सजाँय मबियेगु ला? छु! जिं थज्‍याःगु जातियाके बदला मकायेगु ला?”

यर्मिया 22:7

जिं छंगु विरोधय् नाश याइपिं छ्वयाहये, इपिं सकसिके हतियार दइ। अले इमिसं छंगु भिंगु देवदारुया धलिंत ध्‍यनाः उमित मिइ वांछ्वयाबी।

होशे 9:5

छिमित क्‍वःछिनाबियातःगु नखःचखःया दिं परमप्रभुयात हनाबना यायेत छिमिसं छु यायेगु?

मीका 7:4

इपिं मध्‍ये दक्‍वसिबय् बांलाःम्‍ह मनू कं थें खः, दकलय् भिंम्‍ह धाःसा कं झाः स्‍वयाः ग्‍यानपुसे च्‍वनी। छिमिगु सजाँयया दिं वयाच्‍वंगु, गुकिया बारे छिमि पिवाः च्‍वंपिन्‍सं ख्‍याच्‍वः ब्‍यूगु खः। आः इपिं याकनं हे अलमल जुइ।

यशैया 28:20

छिपिं द्यनेगु खाता चिहाकः जुइ अले फांगा नं चिधं जुइ।

आमोस 5:19

सिंहपाखें बिस्‍युं वनाः सुं मनूया भालूयात नापलाःगु थें वा छेँ दुहां वनाः अंगलय् ल्‍हाः तःबलय् सर्पं वयात न्‍या थें व दिं जुइ।