यशैया 1:9 - नेवाः बाइबल

⁹ “दक्‍व शक्ति दुम्‍ह परमप्रभुं झीत सन्‍तान ल्‍यंका मदीगु जूसा सदोम व गमोरायागु गति जू थें तुं झीगु नं अथे हे गति जुइगु खः।”

यशैया 1:9 Referans Kwoze

रोमी 9:29

यशैयां हानं थथे धयातःगु दु – “दक्‍व शक्ति दुम्‍ह परमेश्‍वरं झीत सन्‍तान ल्‍यंका मदीगु जूसा सदोम व गमोरायागु गति जू थें तुं झीगु नं अथे हे गति जुइगु खः।”

उत्‍पत्ति 19:24

अले परमप्रभुं सदोम व गमोरा शहरय् मि व गन्‍धकयागु वा गाय्‌कादिल।

विलाप 3:22

परमप्रभुया सदां दइगु दया मायां यानाः झीपिं नाश जूगु मदु, छाय्‌धाःसा वय्‌कःयागु माया न्‍ह्याबलें दयाच्‍वनी।

आमोस 4:11

“जिं छिपिं मध्‍ये गुलिंसित सदोम व गमोरायात थें नाश याना। छिपिं च्‍यानाच्‍वंगु मिं लिकागु ह्यंग्‍वाः थें जुल, अथे जूसां छिपिं जिथाय् फहिला मवः,” परमप्रभुं धयादी।

यशैया 37:4

अश्‍शूरयाम्‍ह जुजुं म्‍वाःम्‍ह परमेश्‍वरयात हेस्‍यायेत थः छम्‍ह सेनापति छ्वयाहःगु दु। परमप्रभु छिकपिनि परमेश्‍वरं वं धाःगु खँ न्‍यनादीमा अले न्‍यनादीगु खँया लागि वयात सजाँय बियादीमा। उकिं झी गुलि मनूत म्‍वानाच्‍वंगु दु, इमिगु निंतिं प्रार्थना यानाब्‍यु।”

यशैया 24:13

बाली लयेगु इलय् फुक्‍क फल हायेकाः जैतूनया सिमा व दाखमा खालि जुयाः भचा जक फल ल्‍यं दु थें जाति जातितय्‌गु दशा नं अथे हे जुइ।

यशैया 17:6

अय्‌नं जैतूनया फल हाय्‌के धुंकाः उकिया सिमाया निगः वा स्‍वंगः फल च्‍वय्‌यागु कचालय् व प्‍यंगः वा न्‍यागः फल क्‍वय्‌यागु कचालय् जक ल्‍यं थें इस्राएल नांगा जूगु जैतूनया सिमा थें जुइ, अले थनच्‍वंपिं छुं मनूत जक ल्‍यनाच्‍वनी,” परमप्रभु, इस्राएलया परमेश्‍वरं थथे धयादी।

यशैया 6:13

छुं जुयाः व देशय् झिब्‍वय् छब्‍व ल्‍यं दसां जिं इपिं फुक्‍कसित नाश याये। तर गथे तारपीनया सिमा व स्‍वसिमा पालिबलय् थुथा ल्‍यंदयाच्‍वनी। अथे हे व देशय् पवित्र पुसा धाःसा थुथा थें जुइ, व हाकनं बुया वइ।”

उत्‍पत्ति 18:32

दक्‍वसिबय् लिपा अब्राहामं हाकनं धाल, “जिं हाकनं छकः न्‍यने प्रभु, तंम्‍वयादी मते। अन झिम्‍ह जक भिंपिं मनूत दत धाःसा लय्?” वय्‌कलं धयादिल, “झिम्‍ह जक भिंपिं मनू दत धाःसां जिं शहरयात नाश याये मखु।”

रोमी 9:27

इस्राएलयात कयाः यशैयां थथे धाःगु दु – “इस्राएलया सन्‍तान समुद्रय् च्‍वंगु फि थें यक्‍व दुसां ल्‍यंदुपिं जक बचय् जुइ,

मत्ती 7:14

जीवनयागु ध्‍वाखा धाःसा चिब्‍या, अले लँ चिब्‍या। उकिं थनं जुइपिं मनूत यक्‍व दइ मखु।

सपन्‍याह 2:9

अथे जुयाः जि धात्‍थें म्‍वाःम्‍ह खः थें” दक्‍व शक्ति दुम्‍ह परमप्रभु इस्राएलया परमेश्‍वरं धयादी, “धात्‍थें मोआब सदोम थें व अम्‍मोनीत गमोरा थें न्‍हाय्‌कंमा बुया वइगु थाय् व चिया गा दुगु थाय् व सदांया निंतिं गंगु थाय् जुइ। अले जिमि ल्‍यंदुपिं प्रजातय्‌सं इमित लुतय्‌ याइ, अले इमिगु देय् अधिकार याइ।”

हबकूक 3:2

हे परमप्रभु, जिं छिगु बारे न्‍यनागु दु। हे परमप्रभु, छिं यानादीगु ज्‍या खनाः जि छक्‍क हे जुल। जिमिगु इलय् न्‍हूकथं थःगु ज्‍या क्‍यनादिसँ, जिमिगु इलय् व सीकेबियादिसँ। तंचायादीसां जिमित दया यानादिसँ।

योएल 2:32

अबलय् परमप्रभुयागु नां काइपिनिगु उद्धार जुइ।”

इजकिएल 6:8

“‘अय्‌नं जिं छिपिं मध्‍ये गुलिंसित बचय् यानाः तये। उकिं छिपिं देश देशय् छ्यालब्‍याल जुइबलय् जाति जातिया दथुइ छिमि छुं मनूत तरवारं बचय् जुइ।

विलाप 4:6

जिमि थःमनूतय्‌गु मभिंगु ज्‍या सदोमया स्‍वयाः नं तःधं जूगु दु। सदोम सुयात थत्‍थें वांछ्वयाबिल अले सुनां नं वयागु विरोधय् ल्‍हाः मह्वं।

१ राजा 19:18

अय्‌नं जिं इस्राएलय् न्‍हय्‌द्वःम्‍ह (७,०००) बचय् यानातये। थुपिं फुक्‍क बालया न्‍ह्यःने छ्यं क्‍वःमछुकुपिं व वयात चुप्‍पा मनःपिं खः।”

व्‍यवस्‍था 29:23

थ्‍व देशया फुक्‍क जमिन चि व गन्‍धकं झौ जुइ। अन छुं पी नं मज्‍यू, छुं बुया नं वइ मखु, अन घाँय्‌ तक नं बुयावइ मखु। थ्‍व परमप्रभुं थःगु तंम्‍वय् नाश यानादीगु सदोम व गमोरा, अदमा व सबोयीम थें जुइ।

२ पत्रुस 2:6

अथे हे सदोम व गमोरा धाःगु शहरतय्‌त नं परमेश्‍वरं मिं छ्वय्‌काः भस्‍म यानादिल। मभिंपिं मनूत फुक्‍कं अज्‍याःगु हे गति जुयाः सिनावनेमाली धकाः संसारय् च्‍वंपिं मनूतय्‌त ख्‍याच्‍वः बियादिल।

इजकिएल 14:22

अय्‌नं अन सुं काय्‌म्‍ह्याय्‌पिं म्‍वानाच्‍वंगु दइ, इमित अनं लिकयाः छिमिथाय् हइ। इपिं छिमिथाय् वइबलय् छिमिसं इमिगु पहः व ज्‍या खनीबलय् जिं यरूशलेमय् हयागु विपत्तिया बारे छिमित सान्‍त्‍वना दइ। जिं अन हयागु छगू छगू विपत्तिया बारे छिमित सान्‍त्‍वना दइ।

उत्‍पत्ति 18:26

परमप्रभुं धयादिल, “सदोम शहरय् नेय्‌म्‍ह जक भिंपिं मनूत दुसां जिं इमिगु लागि फुक्‍कसित त्‍वःताबी।”

प्रकाश 11:8

इमि प्रभुयात क्रूसय् यख्‍खाःगु तःधंगु शहरय् च्‍वंगु लँय्‌सं इमिगु सीम्‍ह अथें लानाच्‍वनी। मेकथं धायेगु खःसा थ्‍व शहर सदोम व मिश्र देश थें च्‍वंगु खः।

२ राजा 19:4

अश्‍शूरयाम्‍ह जुजुं म्‍वाःम्‍ह परमेश्‍वरयात हेस्‍यायेत थः छम्‍ह सेनापति छ्वयाहःगु दु। परमप्रभु छिकपिनि परमेश्‍वरं वं धाःगु फुक्‍क खँ न्‍यनादीमा अले न्‍यनादीगु खँया लागि वयात सजाँय बियादीमा। उकिं झी गुलि मनूत म्‍वानाच्‍वंगु दु, इमिगु निंतिं प्रार्थना यानाब्‍यु।”

यशैया 1:8

बांलाःगु यरूशलेम दाखक्‍यबया बल्‍चा थें, खर्बुजाया बुँया तःजाःगु बल्‍चा थें अले चाकःछिं घेरय् यानातःगु शहर थें खः।

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 11:16

मिश्र देशं पितहःबलय् इस्राएलया पुर्खातय्‌गु निंतिं जू थें अश्‍शूरीतपाखें बचय्‌जूपिं इस्राएलया सन्‍तानतय्‌गु निंतिं नं वयेत थ्‍व छपु मू लँ जुइ।

यशैया 46:3

परमप्रभुं धयादी, “हे याकूबया घराना न्‍यँ! इस्राएलया घरानाय् बचय्‌जूपिं सकसिनं न्‍हाय्‌पं ब्‍यु! छिपिं बूसांनिसें जिं छिमित सुसाःकुसाः यानागु दु।

यशैया 65:8

परमप्रभुं थथे धयादी, “गथे दाखया ज्‍वाँय्‌लय् रस दया, मनूतय्‌सं धाइ, ‘उकियात स्‍यंके मते, छाय्‌धाःसा उकी झन अप्‍वः रस दइजुइ,’ अथे हे जिं जिमि दासतय्‌गु कारणं इपिं फुक्‍कसित नाश याये मखु।

यर्मिया 23:14

यरूशलेमयापिं अगमवक्तातय्‌के नं जिं छगू ग्‍यानापुगु खँ खना। इमिसं व्‍यभिचार याइगु अले मखुगु खँ ल्‍हाइगु। इमिसं मखुगु ज्‍या यायेत मनूतय्‌त ग्‍वाहालि याइगु। सुनानं मभिंगु ज्‍या यायेगु मत्‍वःतू। इपिं सकलें जिगु लागि सदोम थें खः, यरूशलेमयापिं मनूत गमोरा थें जूगु दु।”

यर्मिया 42:2

अले इमिसं वयात धाल, “जिमिगु बिन्‍ति न्‍यनादिसँ, जिपिं बचय् जूपिनिगु निंतिं परमप्रभु छिकपिनि परमेश्‍वरयात प्रार्थना यानादिसँ। छाय्‌धाःसा न्‍हापा यक्‍व दुपिं जिपिं आः कम हे जक ल्‍यनाच्‍वंगु छिं खँ हे खं।

यर्मिया 50:20

परमप्रभुं धयादी, “उपिं दिनय्, उगु इलय् इस्राएलया अपराधयात माली, तर छगू नं लुइ मखु, अले यहूदाया पाप नं माली तर छगू नं लुइ मखु। छाय्‌धाःसा जिं बचय् यानातयागु ल्‍यं दुगु ब्‍वयात जिं क्षमा याये।”

यशैया 24:6

अथे जुयाः छगू सरापं पृथ्‍वीयात भस्‍म याइ। अले अन दुपिं मनूतय्‌सं थःम्‍हं याःगु दोषया सजाँय फयेमाः। अथे जुयाः पृथ्‍वी च्‍वंपिं मनूतय्‌त मिं छ्वय्‌काछ्वइ। थुकथं म्‍हो जक मनूत बचय् जुइ।