यशैया 1:21 - नेवाः बाइबल

²¹ स्‍वःसा, विश्‍वास याये बहःजूगु शहर आः गथे छम्‍ह वेश्‍या थें जुल! न्‍याय व धार्मिकतां जाःगु शहर तर आः स्‍याइपालिपिन्‍सं जाःगु दु!

यशैया 1:21 Referans Kwoze

प्रकाश 11:8

इमि प्रभुयात क्रूसय् यख्‍खाःगु तःधंगु शहरय् च्‍वंगु लँय्‌सं इमिगु सीम्‍ह अथें लानाच्‍वनी। मेकथं धायेगु खःसा थ्‍व शहर सदोम व मिश्र देश थें च्‍वंगु खः।

प्रकाश 11:2

देगः पिने च्‍वंगु चुकय् धाःसा नापय् याये मते, छाय्‌धाःसा व ला यहूदीमखुपिन्‍त बी धुन। इमिसं थ्‍व पवित्रगु शहरयात पिइनिला तक न्‍हुत्तुन्‍हुया तइ।

हिब्रू 12:22

छिपिं ला म्‍वाःम्‍ह परमेश्‍वरयागु स्‍वर्गयागु शहर यरूशलेम, सियोन पर्वतय् वःगु दु। अन द्वलंद्वः स्‍वर्गदूतत लय्‌लय्‌तातां मुनाच्‍वंगु दु।

प्रेरित 7:52

छिकपिनि तापाःबाज्‍यापिन्‍सं अगमवक्ता सुयात जक दुःख मब्‍यूगु दु? धर्मीम्‍ह मनू झायादी तिनि धकाः धाःपिन्‍त नं इमिसं स्‍याना छ्वल। आः व हे धर्मीम्‍ह मनूयात नं छिकपिन्‍सं दुःख जक बियाः मगानाः धोखा बियाः स्‍यानाबिल।

लूका 13:34

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वत, अले परमेश्‍वरं छ्वयाहयादीपिं दूततय्‌त ल्‍वहँतं कय्‌काः स्‍याना छ्वत। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

जकरिया 8:3

परमप्रभुं थथे धयादी, “जि सियोनय् लिहां वये अले यरूशलेमय् बाय् च्‍वने। अबलय् यरूशलेमयात ‘विश्‍वास याये बहःगु शहर’ धकाः धाइ, अले दक्‍व शक्ति दुम्‍ह परमप्रभुया पहाडयात धाःसा ‘पवित्र पर्वत’ धाइ।”

होशे 11:12

एफ्राइमं जितः मखुगु खं घेरय् याःगु दु, अले इस्राएलं जितः ध्‍वंलानाः घेरय् याःगु दु। तर यहूदां आः नं परमेश्‍वरया आज्ञा मानय् मयाः, आः नं पवित्र परमेश्‍वर प्रति इमान्‍दार मजू।

यर्मिया 3:1

“सुं मनुखं थः कलाःयात त्‍वःतल धाःसा अले व मिसा वयाथासं वनाः मेम्‍ह मिजंया कलाः जुल धाःसा छु व मनू हाकनं वयाथाय् लिहांवनी ला? छु व देश अशुद्ध मजुइ ला? छ छम्‍ह वेश्‍या थें यक्‍वसिथाय् वंगु दु, छु छ आः जिथाय् लिहां वयेगु ला?” परमप्रभुं धयादी।

यशैया 48:2

छिमिसं थःपिं पवित्र शहरया नागरिक खः धकाः धाइ अले इस्राएलया परमेश्‍वरयाके भलसा तइ। वय्‌कःया नां दक्‍व शक्ति दुम्‍ह परमप्रभु खः।

यशैया 5:7

दक्‍व शक्ति दुम्‍ह परमप्रभुया दाखक्‍यब ला इस्राएल जाति खः, यहूदाया मनूत धाःसा वय्‌कःयात यःगु क्‍यब खः। स्‍व, वय्‌कलं न्‍यायया आशा यानादिल, अय्‌नं स्‍याये पालीगु जक जुल। वय्‌कलं धार्मिकताया आशा यानादिल, अय्‌नं दुःखया ख्‍वःगु सः ताये दत।

भजनसंग्रहया सफू 48:8

झीसं दक्‍व शक्ति दुम्‍ह परमप्रभुयागु शहरय्, झी परमेश्‍वरया शहरय् गथे न्‍यनागु खः अथे हे जूगु नं खना। वय्‌कलं थ्‍व शहरयात न्‍ह्याबलें रक्षा याना तइ। सेला

भजनसंग्रहया सफू 48:1

परमप्रभु तःधंम्‍ह खः, परमेश्‍वरया शहरय्, वय्‌कःया पवित्र पर्वतय् वय्‌कः प्रशंसा याये बहःम्‍ह खः।

भजनसंग्रहया सफू 46:4

छगू खुसि दु गुकियागु लःधालं परमेश्‍वरया शहर, दक्‍वसिबय् तःधंम्‍ह च्‍वनादीगु थाय्‌यात लय्‌ताय्‌की।

नहेम्‍याह 11:1

इस्राएलीयापिं नायःत यरूशलेमय् च्‍वन। मेपिं मनूतय्‌सं चिट्ठा तयाः झिम्‍हय् छम्‍ह मनू पवित्र शहर यरूशलेमय् वना च्‍वनेत ल्‍यल। मेपिं मनूत मेमेगु शहर व गामय् च्‍वन।

२ इतिहास 19:9

वं इमित थ्‍व आज्ञा बिल, “परमप्रभुया भय कयाः विश्‍वास यायेबहः जुयाः व दुनुगलंनिसें थःगु ज्‍या या।

२ शमूएल 8:15

दाऊदं इस्राएल न्‍यंक शासन यात। वं फुक्‍कसिगु लागि खःकथं व न्‍यायकथं ज्‍या यात।

प्रकाश 17:1

न्‍हय्‌गः ख्‍वल्‍चा ज्‍वनातःम्‍ह स्‍वर्गदूत मध्‍ये छम्‍ह स्‍वर्गदूतं वयाः जितः थथे धाल – “थन वा, यक्‍व लः दुथाय् च्‍वंम्‍ह नांजाःम्‍ह वेश्‍यायात याःगु न्‍याय जिं छन्‍त क्‍यनाबी।

यशैया 1:22

अय् यरूशलेम, छंगु वहः ज्‍यालगय् मजुइ धुंकल, छंगु दाखमद्यय् लः ल्‍वाकछ्याये धुंकल।

यशैया 59:3

छाय्‌धाःसा छिमिगु ल्‍हाः हिं त्‍वपूगु दु व छिमिगु पतिंचाय् दोष कीगु दु अले छिमिगु म्‍हुतुं मखुगु खँ ल्‍हाःगु दु अले छिमिगु मेचां मभिंगु खँ ल्‍हाःगु दु।

यशैया 59:14

अथे जुयाः न्‍याय ल्‍यूनेपाखे चीकाछ्वःगु दु, धार्मिकता तापाक्‍क वंगु दु, अले खःगु खँ धाःसा लँय् लँय् लुफिं हानाच्‍वंगु दु, अय्‌जूगुलिं भिं यायेगु दुहां वये फइ मखु।

यशैया 59:15

खःगु खँ गनं मदु, अले मभिंगु खँपाखें अलग च्‍वनीम्‍ह न्‍ह्याम्‍ह हे जूसां वयात हमला याइ। परमप्रभुं स्‍वयादिल, अले न्‍याय मदयावन धकाः वय्‌कः तंचायादिल।

होशे 2:5

इमि मां विश्‍वास याये बहःम्‍ह मजुल, इपिं सुयागु प्‍वाथय् दुगु खः, वं मछालापुस्‍से च्‍वंगु ज्‍या याःगु दु। वं धाल, ‘जितः मरि, लः, ऊन, वसः, जैतूनया चिकं व दाखमद्य बीपिं थः प्रेमीतय्‌गु ल्‍यूल्‍यू जि वने।’

हबकूक 1:4

अथे जुयाः व्‍यवस्‍था बमलाय् धुंकल अले न्‍याय मजुइ धुंकल। दुष्‍टतय्‌सं धर्मीपिन्‍त घेरय् याइ, अथे जुयाः न्‍याय ज्‍यालगय् मजुइ धुंकल।

यशैया 26:10

तर छिं मभिंपिन्‍त दया क्‍यनादिसां, इमिसं धार्मिकता सय्‌काकाइ मखु। अय्‌नं इमिसं पाय्‌छिगु ज्‍या यायेगु गुबलें कुतः याइ मखु। स्‍वजापिं च्‍वनीगु थ्‍व देशय् नं इमिसं आः तक नं मभिंगु हे ज्‍या यानाच्‍वंगु दु। इमिसं छिगु महिमाया खँ थुइकेत वास्‍ता मयाः।