यशैया 1:19 - नेवाः बाइबल

¹⁹ छिमिसं जिगु आज्ञा मानय् याये यय्‌कल धाःसा छिमिसं थ्‍व देशया भिंगु भिंगु नसा नयेखनी।

यशैया 1:19 Referans Kwoze

यशैया 3:10

धर्मी मनूतय्‌त धा, “छिमित भिं हे जुइ, छिमिसं थःम्‍हं याःगु ज्‍याया सिरपाः कायेखनी।”

योएल 2:26

छिपिं प्‍वाः जाय्‌क नयाच्‍वने दइ। अले छिमिगु लागिं अजू चायापुगु ज्‍या यानादीम्‍ह परमप्रभु छिमि परमेश्‍वयागु नांया छिमिसं प्रशंसा याइ। अले जिमि प्रजा गुबलें मछालपुइका च्‍वने माली मखु।

हिब्रू 5:9

अले छकः फुक्‍क पूवंम्‍ह जुयादी धुंकाः वय्‌कः थःगु आज्ञा मानय् याइपिन्‍त सदां दयाच्‍वनीगु मुक्ति बियादीम्‍ह जुयादिल।

व्‍यवस्‍था 28:1

जिं थौं छिमित कनाच्‍वनागु परमप्रभु परमेश्‍वरया आज्ञा मानय् यात धाःसा अले वय्‌कःयागु वचन बांलाक न्‍यन धाःसा वय्‌कलं छिमित पृथ्‍वीयापिं फुक्‍क जातित स्‍वयाः तःधंकादी।

यशैया 25:6

थन सियोन पर्वतय् दक्‍व शक्ति दुम्‍ह परमप्रभुं पृथ्‍वीया फुक्‍क जातिया निंतिं छगू भ्‍वय् तयार यानादी। व भ्‍वय् तसकं साःगु चीजबीजं व दक्‍वसिबय् भिंगु दाखमद्यं जाःगु जुइ।

यशैया 65:13

अथे जुयाः परमप्रभु परमेश्‍वरं थथे धयादी, “स्‍व, जिमि दासतय्‌सं नयेखनी। छिपिं धाःसा नये मास्‍ति वय्‌का च्‍वनेमाली। जिमि दासतय्‌सं लः त्‍वनी, छिपिं धाःसा प्‍याः चाय्‌का च्‍वनेमाली। जिमि दासतय्‌सं लसतां हनी, छिपिं धाःसा लाजय् लाइ।

यर्मिया 7:5

छिमिसं धात्‍थें हे थःगु पहःचहः व ज्‍या भिंकल, छिमिसं छम्‍हय्‌सिनं मेम्‍हय्‌सित बांलाःगु व्‍यवहार यात धाःसा,

यर्मिया 21:8

“अले थुपिं मनूतय्‌त छं थथे नं धा, ‘परमप्रभुं थथे धयादी – स्‍व! छिमिगु न्‍ह्यःने जिं थःम्‍हं हे जीवनया लँ व मृत्‍युया लँ तयाबी।

हाग्‍गै 1:12

अले शालतिएलया काय् यरूबाबेल व यहोसादाकया काय्, दकलय् तःधंम्‍ह पुजाहारी यहोशू व बेबिलोनं लिहांवःपिं फुक्‍कसिनं परमप्रभु इमि परमेश्‍वरया वचन व अगमवक्ता हाग्‍गैया बुखँयात मानय् यायेगु याना हल। मनूतय्‌सं परमप्रभु इमि परमेश्‍वरं वयात छ्वयाहयादीगु खँ सिल। अले मनूतय्‌सं परमप्रभुया भय काल।

लेवी 25:19

बुं अन्‍न सय्‌की, अले छिमिसं थःपिन्‍त छु माल व नयेखनी। अले छिपिं सुरक्षित जुयाः म्‍वानाच्‍वनी।

लेवी 26:3

“‘छिपिं जिगु नियमकथं न्‍हेज्‍यात धाःसा अले जिगु विधियात मानय् यात धाःसा,

लेवी 26:5

दाख मुनेगु ईतक छिमिसं बाली लयेगु ज्‍या याना हे च्‍वनी। अन्‍न पीगु इलय् नं छिमिसं दाख खानाच्‍वनी। छिमिसं लुधंक नयेखनी। छिपिं थःगु देशय् याउँक च्‍वनी।

यशैया 58:14

छिपिं जि परमप्रभुपाखें लय्‌ताय् खनी, व जिं छिमित देशया तःधंपिं जुइगु थासय् वनीपिं यानाबी अले जिं छिमित छिमि पुर्खा याकूबया अधिकारपाखें भ्‍वय् नकिपिं यानाबी।” परमप्रभुया म्‍हुतुं हे थथे धयादीगु दु।

यर्मिया 7:3

दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – छिमिगु पहःचहः व ज्‍या भिंकि, अले जिं छिमित थ्‍व थासय् च्‍वनेबी।

यर्मिया 7:7

जिं छिमित थ्‍व थासय्, छिमि पुर्खातय्‌त न्‍ह्याबलेंया लागि च्‍वनेत बियागु थ्‍व देशय् च्‍वनेबी।