होशे 2:3 - नेवाः बाइबल

³ मखुसा व बूबलय्‌या दिं थें जिं वयात पचिंनांगां यानाबी। जिं वयात मरुभूमि थें झिजांमिजां व सुख्‍खा यानाबी अले जिं वयात प्‍याचाय्‌का स्‍यानाबी।

होशे 2:3 Referans Kwoze

इजकिएल 16:22

छंगु थ्‍व फुक्‍क घच्‍चाइपुगु ज्‍या व वेश्‍याया ज्‍याय् छं थःगु ल्‍याय्‌म्‍हबलय्‌या दिंत लुममंकू– उबलय् छ नांगा, वसः मदुम्‍ह व थःगु हिइ ग्‍वारा ग्‍वारा तुलाच्‍वंगु खः।

इजकिएल 19:13

आः उकियात मरुभूमिइ पिल, गंगु व लः मदुगु थासय्।

यर्मिया 13:22

छं “जितः थथे छाय् जुल?” धकाः मतिइ तल धाःसा छंगु पतसि खुगू व छन्‍त बलात्‍कार याःगु ला छंगु हे पापं यानाः खः।

प्रकाश 17:16

छं खंगु झिपु नेकुतिं व पशुं थ्‍व वेश्‍यायात हेला याइ। इमिसं व मिसायात नांगां याइ। अले वयागु ला नइ, अले वयात मिइ उनाछ्वइ।

यर्मिया 51:43

वयागु शहरत सुनसान जुइ, छगू सुख्‍खा व मरुभूमिया देश, छगू देश गन सुं च्‍वनी मखु, गनं जुयाः सुं वये वने याइ मखु।

यर्मिया 22:6

यहूदाया जुजुया दरबारया बारे परमप्रभुं थथे धयादी, “छ जिगु लागि गिलाद देश व लेबनानया गुँया च्‍वका थें तसकं बांला। अय्‌नं जिं धात्‍थें हे छन्‍त मरुभूमि व मनू मदुगु शहर यानाबी।

यर्मिया 17:6

व सुख्‍खा व लः मदुगु थासय्, छुं नं बुया मवइगु चि हे चि दुगु जमिनय् बुया वइगु छगू झाः थें खः। व गुबलें तःमा जुइ मखु।

यर्मिया 13:26

उकिं जिं थःम्‍हं हे छंगु लज्‍या खनेदयेमा धकाः छंगु पतसि त्‍वःकाः छंगु ख्‍वालय् थ्‍यंकाबी।

यर्मिया 12:10

यक्‍व फैजवाःतय्‌सं जिगु दाखया क्‍यबयात स्‍यंकाब्‍यूगु दु। इमिसं जिगु बुँयात न्‍हुत्तुन्‍हुगु दु, इमिसं जिगु न्‍ह्याइपुगु बुँयात मरुभूमि थें छुं नं मसइगु थाय् यानाब्‍यूगु दु।

यर्मिया 4:26

हानं जिं स्‍वया, परमप्रभुयागु न्‍ह्यःने वय्‌कःयागु तच्‍वःगु तमं यक्‍व सइगु बुँ मरुभूमि जूगु अले शहरत नाश जूगु।

यर्मिया 2:31

“हे थ्‍व पुस्‍तायापिं मनूत, परमप्रभुयागु वचनय् ध्‍यान ब्‍यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्‍थे वने दु। आः छिथाय् गुबलें वये मखुत।’

यर्मिया 2:6

इमिसं थुलि तक नं मधाः, ‘झीत मिश्र देशं च्‍वय् हयादीम्‍ह अले मरुभूमिइ, गंगु जमिन व न्‍हसिकाप दुगु, लः मदुगु सुनानं पलाः मतःगु, सुं नं मच्‍वनीगु तसकं खिउँगु देशया दथुं ब्‍वना हयादीम्‍ह परमप्रभु गन दी?’

यशैया 64:10

छिगु पवित्र शहरत मरुभूमि जूगु दु, सियोननापं मरुभूमि जूगु दु अले यरूशलेम नाश जूगु दु।

यशैया 47:3

मनूतय्‌सं छंगु नांगासु खनी, अले छंगु लाज नं खने दइ। जिं बदला काये, जिं सुयातं त्‍वःते मखु।”

यशैया 33:9

देशं विलाप याइ अले झिजांमिजां दनि। लेबनान लाजय् लाइ अले सुकूगनावनी। शारोन अराबा थें जुइ। बाशान व कर्मेलं थःगु हःत कुर्का हइ।

न्‍यायकर्ता 15:18

व तसकं प्‍याः चाःगुलिं वं परमप्रभुयात प्रार्थना यानाः थथे धाल, “छिं थः दासयात त्‍याकादीगु दु। आः छु जि प्‍याः चायाः सीगु ला? थुपिं म्‍हय् चिं मतःपिनिगु ल्‍हातय् लायेगु ला?”

प्रस्‍थान 17:3

मनूतय्‌सं प्‍याः चाःगुलिं मोशालिसे कचकच याना तुं च्‍वन। इमिसं धाल, “छिं जिमित छाय् मिश्रं पित हयादियागु? जिमित जिमि मचाखाचा व पशुनापं लः त्‍वने मखंकाः स्‍यायेत ला?”

होशे 2:10

वया प्रेमीतय्‌गु न्‍ह्यःने जिं लं त्‍वकाः पचिंनांगा यानाबी, सुनानं वयात जिगु शक्तिं बचय् याये फइ मखु।

यर्मिया 14:3

वया भारदारतय्‌सं थः च्‍यःतय्‌त लः काय्‌के छ्वइ। इपिं तुंथिइ वनी, तर इमित लः दइ मखु। इपिं खालिगु लः थल ज्‍वनाः लिहां वइ। इमिसं निराश जुयाः व लज्‍या चायाः थःगु छ्यं त्‍वपुइ।

होशे 13:15

थः दाजुकिजातय्‌गु दथुइ व जियावसां, परमप्रभुपाखें छगू पुर्बया फय् मरुभूमिं जुया वइ। वयागु लःयागु मुहान सुनावनी, अले तुंथि च्‍वंगु लः नं सुनावनी। वयागु दक्‍व मूं वंगु चिज दुगु धुकुति लुतय् याइ।

यर्मिया 51:5

इस्राएल व यहूदायात इमि परमेश्‍वर, दक्‍व शक्ति दुम्‍ह परमप्रभुपाखें त्‍वःतूगु मदु, खः ला इस्राएलया पवित्र परमेश्‍वरया न्‍ह्यःने इमिगु देश दोषं जाःगु दु।