5 परमेश्वर सदां तःधना च्वनेमा! आमेन।
फुक्कं परमेश्वरं सृष्टि यानादीगु खः। वय्कलं हे यानाः अले वय्कःयात हे फुक्क दुगु खः। वय्कःया हे सदां जयजय जुयाच्वनेमा! आमेन।
येशू ख्रीष्टपाखें झीत मुक्ति बियादीम्ह, छम्ह हे जक परमेश्वर सदां तःधना च्वनेमा। अले फुक्क शक्ति, अधिकार नं वय्कःयाके हे सदां दयाच्वनेमा। आमेन।
थ्व हे परमेश्वरं छिमित वय्कःयात लय्ताय्केत माक्व भिंगु बांलाःगु फुक्कं बियादीमा। थुकथं येशू ख्रीष्टपाखें झीपिं वय्कःयात यय्क म्वानाच्वने फयेमा। वय्कः सदां तःधना च्वनेमा। आमेन।
वय्कःयागु महिमां जाःगु नांया सदां प्रशंसा जुयाच्वनेमा। पृथ्वी न्यंक वय्कःयागु महिमां जायेमा। आमेन! आमेन!
वं ततसलं थथे धाल – “परमेश्वर खनाः ग्या। वय्कःयात तःधंकि। वय्कलं मनूतय्त न्याय याइगु ई वये धुंकल। स्वर्ग, पृथ्वी, समुद्र व लःयागु बुंगाः सृष्टि यानादीम्हय्सित आराधना या।”
“आमेन! परमेश्वरयागु प्रशंसा, महिमा, ज्ञान, सुभाय्, मान, शक्ति व बल न्ह्याबलें दयाच्वनेमा। आमेन!”
थथे म्ये हाला च्वंगु खना – “स्याये धुंकूम्ह चीधिकःम्ह भ्याःचा हे शक्ति, धन, बुद्धि, बल, महिमा, हनाबना व तःधंके बहःम्ह खः।”
झी प्रभु व मुक्तिदाता येशू ख्रीष्टयागु दया माया अप्वः दयावनेमा। अले छिमिसं वय्कःयात अझ नं बांलाक म्हसीका वने फयेमा। वय्कःयागु नां आः व सदां तःधना च्वनेमा। आमेन।
परमेश्वरयाके न्ह्याबलें शक्ति दयाच्वनेमा। आमेन।
प्रभुं हे जितः फुक्क कथंया मभिंगु खं बचय् यानादी। अले थःगु स्वर्गयागु राज्यय् यंकेत वय्कलं जितः बचय् यानादी। वय्कः सदां सदां तःधना च्वनेमा। आमेन।
न्ह्याबलें दयाच्वनीम्ह जुजु, गुबलें सी मखुम्ह, खने मदुम्ह छम्ह हे जक परमेश्वर न्ह्याबलें तःधनेमा अले वय्कःयात हे फुक्कसिनं हनेमा। आमेन।
झी परमेश्वर बाः न्ह्याबलें तःधना च्वनेमा। आमेन।
झीपिं ख्रीष्टयाके भरोसा तयापिं दक्वसिबय् न्हापां हे ल्ययातःपिं खः। उकिं परमेश्वरयात झीसं तःधंके।
छम्ह हे जक बुद्धिमान परमेश्वरयात येशू ख्रीष्टयापाखें सदां जयजय जुयाच्वनेमा। आमेन।
“स्वर्गय् च्वनादीम्ह परमेश्वर तःधं जुइमा। अले परमेश्वरयात यःपिं मनूतय्त पृथ्वीइ च्वनाच्वंसां शान्ति दयेमा।”
अले जिं स्यना थें छिमिसं इमित स्यनेकने यानाः फुक्कं खँ मानय् याकि। न्यँ, संसार फुना मवंतले जि छिपिंनाप हे दइ।”
जिमित परिक्षाय् लाकादी मते, बरु दुष्टपाखें बचय् यानादिसँ छाय्धाःसा राज्य व पराक्रम व महिमा सदां सर्वदां छिगु हे खः, आमेन।’
ताताःपाःगु देशय् च्वंपिं मनूत परमप्रभुया महिमा व प्रशंसा या!
अथे जुयाः पुर्बय् च्वनीपिन्सं परमप्रभुया प्रशंसा या! समुद्रया सिथय् च्वनीपिन्सं परमप्रभु इस्राएलया परमेश्वरया नांया प्रशंसा या!
परमप्रभु, इस्राएलया परमेश्वरया प्रशंसा या। आः, अले न्ह्याबलें। आमेन! आमेन!
आः हे जिमि परमेश्वर, जिमिसं छितः सुभाय् देछाय्, अले छिगु महिमां जाःगु नांया प्रशंसा याये।
नसां थः दाजुकिजापिन्त पापय् लाकीगु जूसा जिं ला धयागु गुब्सं नये मखु। थः दाजुकिजापिन्त जिं पाप याकेत स्वये मखु।
