गलाती 1:2 - नेवाः बाइबल

² जिलिसें थन दुपिं दाजुकिजापिनिपाखें गलातियाय् च्‍वंगु मण्‍डलीयात ज्‍वजलपा!

गलाती 1:2 Referans Kwoze

फिलिप्‍पी 4:21

फुक्‍क विश्‍वासीतय्‌त जिं न्‍यनाहःगु दु धकाः धयाब्‍यु। जि नाप थन दुपिं दाजुकिजापिन्‍सं नं छिमित न्‍यनाहःगु दु।

१ कोरिन्‍थी 16:1

यहूदियाय् च्‍वंपिं परमेश्‍वरया मनूतय्‌त ग्‍वाहालि बीत भेटी कायेगु खँय् गथे जिं गलातियाय् च्‍वंगु मण्‍डलीतय्‌त धयागु खः अथे हे छिमिसं नं या।

फिलिप्‍पी 2:22

तिमोथी गज्‍याःम्‍ह मनू खः धकाः ला छिमिसं सि हे स्‍यू। छम्‍ह काय्‌नं थः बौनाप ज्‍या याये थें वं जि नाप भिंगु खँ न्‍यंकाजुल।

प्रेरित 18:23

लिपा व हानं गलातिया व फ्रिगिया वनाः थाय् थासय् च्‍वंपिं विश्‍वासीतय्‌त साहस बियाः विश्‍वासय् बल्‍लाका थकल।

प्रेरित 15:41

इमिसं सिरिया व किलिकिया जुयावंबलय् मण्‍डली पतिकं वनाः विश्‍वासीतय्‌त विश्‍वासय् बल्‍लाका थकल।

प्रेरित 9:31

थथे यहूदिया, गालील व सामरियाय् च्‍वंगु मण्‍डलीइ सुख शान्‍ति जुल। प्रभुयात हनेगु व वय्‌कःयागु खँ न्‍यनिगुलिं यानाः पवित्र आत्‍मायागु ग्‍वाहालि दयाः मण्‍डली च्‍वन्‍ह्याना वल, अले विश्‍वासीत नं यक्‍व दयावल।

गलाती 3:1

अय् मूर्ख गलातीत, छिमित सुनां स्‍यंकल? येशू ख्रीष्‍टयात क्रूसय् यख्‍खानाः स्‍याःगु खँ छिमिगु हे न्‍ह्यःने ध्‍वाथुइक कनागु मखु ला?