प्रस्‍थान 8:10 - नेवाः बाइबल

¹⁰ फारोनं धाल, “कन्‍हय्।” मोशां लिसः बिल, “छिं धयादी थें जुइमा। अले छिं परमप्रभु जिमि परमेश्‍वर थें जाःम्‍ह मेपिं सुं मदु धकाः सीकादी।

प्रस्‍थान 8:10 Referans Kwoze

यशैया 46:9

न्‍हापाया पुलांगु खँयात लुमंकी। जि परमेश्‍वर खः, जि बाहेक मेपिं सुं मदु। जि परमेश्‍वर खः, जि थें ज्‍याःम्‍ह मेपिं सुं मदु।

भजनसंग्रहया सफू 86:8

हे परमप्रभु, द्यःत मध्‍ये छि थें जाःम्‍ह सुं मदु, छिं यानादीगु थें मेपिं सुनानं याये फइ मखु।

१ इतिहास 17:20

“हे परमप्रभु, छि थें मेपिं सुं नं परमेश्‍वर मदु, अले जिमिसं थःगु हे न्‍हाय्‌पनं न्‍यनागु थें छि बाहेक मेम्‍ह मदु।

२ शमूएल 7:22

“हे परमप्रभु परमेश्‍वर, छि थें मेपिं सुं नं मदु, अले जिमिसं थःगु हे न्‍हाय्‌पनं न्‍यनागु थें छि बाहेक मेम्‍ह परमेश्‍वर मदु।

व्‍यवस्‍था 33:26

“येशूरुनया परमेश्‍वर थें जाःम्‍ह मेम्‍ह सुं मदु। वय्‌कः इमित झःझः धाय्‌क आकाशं झायादी। वय्‌कः सुपाँचं गयाः छिमित ग्‍वाहालि बीत झायादी।

प्रस्‍थान 9:14

मखुसा थ्‍वपालय् जिं छन्‍थाय्, छिमि भारदारतय्‌थाय् व छिमि प्रजायाथाय् तसकं तःधंगु महामारी छ्वयाहये। अले छं थ्‍व पृथ्‍वी न्‍यंक जि थें ज्‍याःम्‍ह मेम्‍ह सुं हे मदु धकाः सी।

याकूब 4:14

कन्‍हय् छु जुइ धकाः छिमिसं छुं नं मस्‍यू। छिमिगु जीवन छु हे खः धकाः? छिमिगु जिन्‍दगी खसु थें खः। छुं ई तक खने दइ, अले हानं तनावनी।

यशैया 40:25

“छिमिसं जितः सुनापं दाँजय् यायेगु? जि थें ज्‍याःम्‍ह सु दु?” पवित्र परमेश्‍वरं धयादी।

हितोपदेश 27:1

कन्‍हय्‌यागु खँय् फुइँ त्‍वःताजुइ मते। छाय्‌धाःसा कन्‍हय् छु जुइ धकाः छं मस्‍यू।

भजनसंग्रहया सफू 83:18

छिगु नां परमप्रभु खः, इमिसं पृथ्‍वी न्‍यंकंयाम्‍ह दक्‍वसिबय् तःधंम्‍ह शासक खः धकाः म्‍हसीमा।

भजनसंग्रहया सफू 9:16

परमप्रभुयात वय्‌कःया न्‍यायया हुनिं म्‍हसीकी। दुष्‍टत धाःसा थःगु हे जालय् तक्‍यनाच्‍वनी। हिग्‍गायेन सेला

व्‍यवस्‍था 32:31

छाय्‌धाःसा झी शत्रुतय्‌सं ताय्‌कूगु थें इमि द्यःत झी बल्‍लाःम्‍ह रक्षक थें मखु।

व्‍यवस्‍था 4:35

परमप्रभु हे परमेश्‍वर खः, वय्‌कः बाहेक मेम्‍ह सुं मदु धकाः थुइकेत उपिं फुक्‍क छिमित क्‍यंगु खः।

प्रस्‍थान 15:11

हे परमप्रभु, छि थें जाःम्‍ह सु द्यः दु धकाः? छि थें पवित्रम्‍ह सु दु धकाः? छि थें तःधंगु महिमां जाःम्‍ह व भय कायेबहःम्‍ह सु दु धकाः? छिं थें सुनां अजू चायापुगु ज्‍या क्‍यनेफु?

प्रस्‍थान 9:29

मोशां वयात धाल, “शहरं पिहां वनेवं जिं परमप्रभुपाखे थःगु ल्‍हाः ल्‍ह्वने। अले नँ न्‍यायेगु व प्‍वँ गायेगु दी। थुकिं पृथ्‍वी परमप्रभुयागु हे खः धकाः छिं सी।

प्रस्‍थान 8:9

मोशां फारोयात धाल, “धयादिसँ, जिं गुबलय् छिथासं, छिगु छेँनं अले छिकपिनि मनू व भारदारतय्‌थासं ब्‍यांचा चिलावनेमा, नील खुसिइ जक ल्‍यनेमा धकाः प्रार्थना यायेगु?”

व्‍यवस्‍था 3:24

“परमप्रभु परमेश्‍वर छिं थः दासयात थःगु महिमा व बल क्‍यनादीत्‍यंगु दु। स्‍वर्ग व पृथ्‍वीइ छिं यानादीगु थें ज्‍याःगु ज्‍या व शक्ति क्‍यनेफुम्‍ह सु द्यः दु धकाः?

व्‍यवस्‍था 4:39

परमप्रभु हे च्‍वय् स्‍वर्गय् व क्‍वय् पृथ्‍वीइ परमेश्‍वर खः अले वय्‌कः बाहेक मेम्‍ह सुं मदु धकाः छिमिसं थौं सीका का, अले नुगलय् ति।

यशैया 40:18

अनंलि छिमिसं परमेश्‍वरयात सुनापं दाँजय् यायेगु? अले वय्‌कःयात छु मूर्ति नाप दाँजय् यायेगु?