प्रस्‍थान 7:2 - नेवाः बाइबल

² जिं छन्‍त छु छु उजं बी व हे छं हारूनयात धा। अले छिमि दाजु हारूनं फारोयात इस्राएलीतय्‌त वयागु देशं वनेब्‍यु धकाः धाइ।

प्रस्‍थान 7:2 Referans Kwoze

प्रस्‍थान 4:15

छ व नापं खँ ल्‍हा अले छं धायेमाःगु खँ वयात धा। जिं छिपिं निम्‍हय्‌सितं न्‍ववायेत ग्‍वाहालि याये। अले छिमिसं यायेमाःगु खँ जिं स्‍यने।

प्रस्‍थान 6:29

वय्‌कलं वयात थथे धयादिल, “जि परमप्रभु खः। जिं छन्‍त छु छु धाये व फुक्‍क मिश्रया जुजु फारोयात धा।”

प्रेरित 20:27

छाय्‌धाःसा परमेश्‍वरयागु खँ छुं नं मल्‍यंकुसे जिं छिकपिन्‍त न्‍यंकागु हे दु।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

इजकिएल 3:17

“अय् सीमानिम्‍ह मनू, जिं छन्‍त इस्राएलया घरानाया पिवाः यानागु दु। उकिं जिं आः धयाच्‍वनागु खँ न्‍यँ, अले इमित जिगुपाखें ख्‍याच्‍वः ब्‍यु!

इजकिएल 3:10

अले वय्‌कलं जितः थथे धयादिल, “अय् सीमानिम्‍ह मनू, जिं छन्‍त धयागु फुक्‍क खँ बांलाक न्‍यँ, अले नुगलय् ति!

यर्मिया 1:17

“यर्मिया तयार जु! जिं छन्‍त उजं बियागु फुक्‍क खँ वनाः इमित धयाब्‍यु। आः इपिं खनाः ग्‍याये मते! मखुसा जिं छन्‍त इमिगु न्‍ह्यःने ग्‍याये माय्‌काबी।

यर्मिया 1:7

तर परमप्रभुं जितः धयादिल, “‘जि ला मचा हे तिनि’ धकाः धाये मते, तर जिं छन्‍त सुयाथाय् छ्वये अन छ वने हे माः। जिं छन्‍त छु छु उजं बी, छं व इमित कने हे माः।

१ राजा 22:14

तर मीकायां धाल, “धात्‍थें परमप्रभु म्‍वाःम्‍ह खः थें, परमप्रभुं जितः छु धयादी, जिं व हे जक नवाये।”

व्‍यवस्‍था 4:2

जिं छिमित बियागु आज्ञाय् छुं तने नं मते लिकाये नं मते। अय्‌नं जिं छिमित बियागु परमप्रभु छिमि परमेश्‍वरया आज्ञा मानय् या।

प्रस्‍थान 4:16

वं छंगुपाखें मनूतनापं खँ ल्‍हाइ, व छंगु निंतिं म्‍हुतु थें जुइ अले छ वया निंतिं परमेश्‍वर थें जुइ।

प्रस्‍थान 7:6

अले मोशा व हारूनं परमप्रभुं उजं बियादी थें हे यात।

प्रस्‍थान 5:1

अनं लिपा मोशा व हारूनं वनाः फारोयात धाल, “परमप्रभु इस्राएलया परमेश्‍वरं थथे धयादिल, ‘जिमि मनूतय्‌त वनेब्‍यु, अले इमिसं मरुभूमिइ वनाः जिगु निंतिं नखः हनेमा।’”